Read እዮባ ማፃፋ 8

እዮባ ማፃፋ8gof_etw

ባልዳዶሳ ሃሳያ

¹ሹሀ ቢታፈ ይዳ በልዳዶስ ዛሪድ፥²“ኔኒ ሄሳ አዉደ ጋካናዉ ኦደታይ?ነ ዶናፐ ከያ ቃላይ ዎልቃማ ጎተ መላ።³ኡባ ዳንዳእያ ፆሳይ ፅሎ ፕርደኔ?⁴ነ ናይት ፆሳ ቦላ ናጋራ ኦዳ ግሾ፥እ ኤንታ ኤንታ ናጋራ ግሾ ሴርስ።⁵ሽን ኔኒ ፆሳኮ ስምኮ፥ኡባ ዳንዳእያ ፆሳ ዎስኮ፥⁶ኔኒ ጌሽነ ሱረ ግድኮ፥እ ነ ግሾ ደንድድ ነና ማዳና፤እ ካሰ ነ ደኡዋ ዛሪድ ዎይታና።⁷ነ ዶመይ ጉ ዳንኮካ፥ነ ዉርሰይ ዳሮ አድ ዳራና።⁸ካሰ የለታ አነ ኦይቻ፤ኑ ማይዛት አይ ታማርዳኮ ፕልጋዳ ደማ።⁹ኑኒ ዝነ ናይታ አይባካ ኤሮኮ፤ኑ ሀ ሳአን ደእያ ላይይ ኩያ መላ።¹⁰ኤንቲ ነና ታማርሰይነ ነዉ ኦደይ፥ባንታ ዎዛናን ዎዳባፐ ግደነዬ?¹¹ጫረይ ባይና በሳን ፓልክ ዶላናዉ ዳንዳኢ?ሃ ባይና በሳን ማይረይ ጭልአናዉ ዳንዳኢ?¹²ቡሮ ድጭድ ቃንፀቶና ደእሸ፥ጭልኦ ማታፐካ ኤሶን መሌስ።¹³ፆሳ ዶግያ አሳ ኡባ ዉርሰይ ሄሳ መላ፤ፆሰ ኤሮና አሳ ኡፋይሳይ ያና።¹⁴እ አማነትያባይ መቅያባ፤እ ጬቀትያባይካ ሻንጎ ሃዳ መላ።¹⁵እ ባ ሻንጎ ሃዳ ቦላ ዘምፓና፥ ሽን ኤቀና፤እ እያ ኦይካና፥ ሽን ዱፅ ዎና።¹⁶እ አዋ ዎደ ሃ ኡይድ ጭልእያ አታክልተ መላ፤ባ ፃጱዋ ቢታ ኡባን የድዳ ም መላ።¹⁷ባ ፃጱዋ ኬላን የዴስ፤ግታ ሹቻ ቦላ ባ ፃጱዋ ፃፄስ።¹⁸ሽን እ ባ በሳፈ ሾደትኮ፥ሄ በሳይ፥ ‘ታ ነና በአብከ’ ያጋና።¹⁹ኢታ አሳታ ኡፋይሳይ ሄሳ መላ፤ሀራት ይድ ኤንታ በሳ ኦይካና።

²⁰“ፆሳይ ቦረይ ባይና አሳ የግ አገና፤ኢታ ኦይሳታ ማደና።²¹እ ዛሪድ ነና ሚቻናነ እልልሳና።²²ነና እፀይሳት ዬላ ማአና፤ኢታታ ኬይ ያና” ያግስ።

እዮባ ማፃፋ 8 / gof_etw

ባልዳዶሳ ሃሳያ

እዮባ ማፃፋ8gof_etw