Yoube7beo_pio
1Osobo bagade dunu ea esalusu da sesesu dadi gagui dunu ea hawa: hamosu defeleamola udigili gasa bagade hawa: hamosu agoane.2Ea esalusu da udigili hawa: hamosu dunu amo da anegagima:ne,ifa ougiha esalumusa: hanai gala.Ea esalusu da hamosu dunu amo da ea bidi lama:ne,hanaiwane ouesalebe ba:sa.3Oubi uduli, eno uduli, na da udigili se nabawane esala.Na bu esaloma:ne da bai hame gala.Gasili asili bu eno gasili, na da da:i dioi fawane ba:sa.4Na da golai be sidagane esala.Gasi huluane na da sidagane gilala, soge hedolo hadigima:ne dawa:lala.5Na da:i da fioso amoga nabai.Na da:i da aiya heheya: amoga dedeboi dagoi.Na aiya amoga guhi da daha.6Na da hobea misunu dafawane hamoma:beyale dawa:lusu hamedene,eso da hedolowane hehenasa.7Gode! Mae gogolema! Na esalusu da mifo lai afadafa fawane agoai gala.Na hahawane hou da fisi dagoi.8Dia da wahadafa na ba:sa.Be hobea bu hamedafa ba:mu.Dia na hogosea, na da asi dagoi ba:mu.9-10Mu mobi da ba:lalu, hedolowane gilasi dagoi ba:sa.Amo defele, ninia osobo bagade dunu da bogosea, hame buhagisa.Nini dawa:su dunu, ilia da nini hedolo gogolesa.11Hame mabu! Na da hamedafa ouiya:mu!Na da ougi amola gia:i bagade gala. Na da sia:mu!12Gode! Dia da abuliba:le na sosodo aligisala:?Na da wayabo bagade wadela:i ohe bagade, Dia da dawa:sala:?13Na da helefimusa: diala be golamu hamedei.Na da na se nabasu fisima:ne, logo hogosa.14Be Dia da na beda:ma:ne simasia olelesa.Dia da na esala ba:la:lusu amola wadela:i simasia ba:su nama iasisa.15Amaiba:le, na da na da:i ganodini bu esalumu higasa.Dunu eno da na galogoa gaguli, na fane legemu da defea gala.16Na da yolesimu galebe.Na da esalumu higasa.Dia na yolesima! Na esalusu da bai hamedafa gala.17Dia abuliba:le osobo bagade dunu da mimogoayale dawa:sala:?Dia abuliba:le ilia hamobe sosodolalala:?18Dia da hahabe huluane ili abodelala.Dia da mae fisili ilima adoba:lala.19Na defo hano ni da:gima:ne,Di da nama sosodobe fonobahadi yolesimu da defea gala.20Di da nama se iasu diasu ouligisu dunu agoai gala.Na wadela:i hou da Dima se iahabela:?Dia da abuliba:le, dimaga:su adoba:ma:ne, nama dadiga dimaga:sala:?Na da Dima dioi bagade gaguli ahoabe liligila:?21Dia da na wadela:i hou hamedafa gogolema:ne olofoma:bela:?Dia da na wadela:i hamobe amo gogolema:ne olofomu hamedei ba:sala:?Na da hedolowane bogole, uli dogoi ganodini sali ba:mu.Amola, Dia na hogole ba:sea, na da asi dagoi ba:mu.”