Iyyoba Maxaafa6gof_ltw

Iyyoba Haasaya

1Hessafe guye Iyyobi zaaridi,2Ta waayeynne ta azzanoy ubbaymizaanen liketidi be7etiyako,3Abba gaxan de7iya shafiyape aadhidi deexana;Hessa gisho, ta qaalay nena malaalsenashin.4Ubbaa Danda7iya Xoossaa dongeti tana caddidosona;ta asatethay enta yiishsha uyees;Xoossaa daganthoy ta bolla salpis.5Harey woyko boori maati de7ishin waassiyee?6Mal7onna kathi maxiney gelonna meetetiyee?Woyko phuuphulle haathi mal7iyee?7Hessa mela kathi tana suukeyenna;hessa mela kathi ta miiko tana sakees.
8Ta woosa Xoossi si7iyako aybee?Ta amuwaka taw kunthiyako aybee?9Xoossaa shene gidin I tana mentherethiyako,I ba kushiya yeddidi tana dhaysiyako,10Ta Geeshsha Xoossaa qaala kaddaboonna gisho,waayey darikoka ufaysan ta gupana.11Ta paxa daanaw taw ayba wolqi de7ii?Taw ayba ufaysi de7ishin danda7iyana?12Ta wolqay shucha meleyee?Woyko ta ashoy naase birata meleyee?13Taani tana maaddanaw ayba wolqi taw de7ii?maado demmanaw xeelliya bessika baawa.
14Meton de7iya asi Ubbaa Danda7iya Xoossas yayyeysa aggikoka,iya laggeti iyaw keehatethi bessanaw koshshees.15Shin ta ishati hinte iri bukonna wode meliya shaafa mela tana cimmeeta.16Balgo ageenan ha shaafay shachan kumees.17Shin boney gakiya wode shachay til7ees;shaafayka melees.18Caana mehe laaggishe biya zal7anchoti,haathe koyanaw banta ogiyape gaxa keyidi,mela biittan toylatishe dhayoosona.19Teema biitta zal7anchoti haathe koyoosona;Saaba biitta oge asati ufaysi qanxokona.20Enti ammanetidi koyidi dhayida gisho yilotidosona,he bessaa gakidi yeellatidosona.21Hinteka taw he shaafata mela gidideta;tana gakida metuwa be7idi yayyideta.22Hanoshin ta hintena, “Taw issiba immite”woyko, “Hinte shaluwara tana wozite” gadinaa?23“Tana ta morketa kushepe ashshite”woyko, “Qadhey bayna asaa kushepe tana wozite” gadinaa?
24“Ta si77i gaana; hinte tana tamaarsite;ta ay balidaako ane tana bessite.25Tuma odi cammikoka eketees!shin hinte oday aybiska maaddenna.26Hinte ta haasaya carko mela hada ootheeta;Yaatin, ufaysi qanxidaysas taw ay zaaro immanaw koyeetii?27Aawi bayna na7a bolla saama yeggeeta;hinte laggiya bayzanaw washiseeta.28Ane shama ayfen tana xeellite;ta hinte sinthan wordotiyana?29Hayyana, ane zaarethidi qopite;taani xillo ta bolla coo pirdofite.30Ta inxarsan wordoy de7ii?Ta doonay wordonne tumaa shaakanaw danda7ennee?”
expand_more
Search