Read እዮባ ማፃፋ 6

እዮባ ማፃፋ6gof_etw

እዮባ ሃሳያ

¹ሄሳፈ ጉየ እዮብ ዛሪድ፥²ታ ዋየይነ ታ አዛኖይ ኡባይምዛነን ልከትድ በኤትያኮ፥³አባ ጋፃን ደእያ ሻፍያፐ አድ ዴፃና፤ሄሳ ግሾ፥ ታ ቃላይ ነና ማላልሰናሽን።⁴ኡባ ዳንዳእያ ፆሳ ዶንገት ታና ጫድዶሶና፤ታ አሳተይ ኤንታ ዪሻ ኡዬስ፤ፆሳ ዳጋንይ ታ ቦላ ሳልፕስ።⁵ሀረይ ዎይኮ ቦር ማት ደእሽን ዋስዬ?⁶ማልኦና ካ ማፅነይ ገሎና ሜተትዬ?ዎይኮ ጱጱለ ሃ ማልእዬ?⁷ሄሳ መላ ካ ታና ሱከየና፤ሄሳ መላ ካ ታ ሚኮ ታና ሳኬስ።

⁸ታ ዎሳ ፆሲ ስእያኮ አይቤ?ታ አሙዋካ ታዉ ኩንያኮ አይቤ?⁹ፆሳ ሸነ ግድን እ ታና መንረያኮ፥እ ባ ኩሽያ የድድ ታና ይስያኮ፥¹⁰ታ ጌሻ ፆሳ ቃላ ካዳቦና ግሾ፥ዋየይ ዳርኮካ ኡፋይሳን ታ ጉፓና።¹¹ታ ፓፃ ዳናዉ ታዉ አይባ ዎልቅ ደኢ?ታዉ አይባ ኡፋይስ ደእሽን ዳንዳእያና?¹²ታ ዎልቃይ ሹቻ መለዬ?ዎይኮ ታ አሾይ ናሰ ብራታ መለዬ?¹³ታኒ ታና ማዳናዉ አይባ ዎልቅ ታዉ ደኢ?ማዶ ደማናዉ ፄልያ በስካ ባዋ።

¹⁴መቶን ደእያ አስ ኡባ ዳንዳእያ ፆሳስ ያየይሳ አግኮካ፥እያ ላገት እያዉ ኬሀተ በሳናዉ ኮሼስ።¹⁵ሽን ታ እሻት ህንተ እር ቡኮና ዎደ መልያ ሻፋ መላ ታና ጭሜታ።¹⁶ባልጎ አጌናን ሀ ሻፋይ ሻቻን ኩሜስ።¹⁷ሽን ቦነይ ጋክያ ዎደ ሻቻይ ትልኤስ፤ሻፋይካ መሌስ።¹⁸ጫና መሄ ላግሸ ብያ ዛልአንቾት፥ሃ ኮያናዉ ባንታ ኦግያፐ ጋፃ ከይድ፥መላ ቢታን ቶይላትሸ ዮሶና።¹⁹ቴማ ቢታ ዛልአንቾት ሃ ኮዮሶና፤ሳባ ቢታ ኦገ አሳት ኡፋይስ ቃንፆኮና።²⁰ኤንቲ አማነትድ ኮይድ ይዳ ግሾ ይሎትዶሶና፥ሄ በሳ ጋክድ ዬላትዶሶና።²¹ህንተካ ታዉ ሄ ሻፋታ መላ ግድደታ፤ታና ጋክዳ መቱዋ በእድ ያይደታ።²²ሀኖሽን ታ ህንተና፥ “ታዉ እስባ እምተ”ዎይኮ፥ “ህንተ ሻሉዋራ ታና ዎዝተ” ጋድና?²³“ታና ታ ሞርከታ ኩሸፐ አሽተ”ዎይኮ፥ “ቃይ ባይና አሳ ኩሸፐ ታና ዎዝተ” ጋድና?

²⁴“ታ ስእ ጋና፤ ህንተ ታና ታማርስተ፤ታ አይ ባልዳኮ አነ ታና በስተ።²⁵ቱማ ኦድ ጫምኮካ ኤከቴስ!ሽን ህንተ ኦዳይ አይብስካ ማደና።²⁶ህንተ ታ ሃሳያ ጫርኮ መላ ሀዳ ኦታ፤ያትን፥ ኡፋይስ ቃንፅዳይሳስ ታዉ አይ ዛሮ እማናዉ ኮዬቲ?²⁷አው ባይና ናአ ቦላ ሳማ የጌታ፤ህንተ ላግያ ባይዛናዉ ዋሽሴታ።²⁸አነ ሻማ አይፈን ታና ፄልተ፤ታ ህንተ ስንን ዎርዶትያና?²⁹ሀያና፥ አነ ዛረድ ቆፕተ፤ታኒ ፅሎ ታ ቦላ ጮ ፕርዶፍተ።³⁰ታ እንፃርሳን ዎርዶይ ደኢ?ታ ዶናይ ዎርዶነ ቱማ ሻካናዉ ዳንዳኤኔ?”

እዮባ ማፃፋ 6 / gof_etw

እዮባ ሃሳያ

እዮባ ማፃፋ6gof_etw