ዒዮቤ ማፃኣፖ5mdy_twf
1«ዒዮቤ! ማሂ ኔኤም ኬኤዛንዳ ዓሲ ኔ ዴንቄቴሂንዳ ዔኤሊንቴ፤ኔና ማኣዳንዳጉዲፆኦሲ ኪኢታንቾፓ ዎያ ባንሢ ኔ ዛጋይ?2ዔኤያ ዓሲ ዻጋ ዎዎዻኔ፤ቂኢሩሞዋ ዒኔባኣ ዓሲ ባባይዛኔ።3ዔኤያ ዓሲ ፃጲ ዳኪ ናንጋንቴ ታ ዛጌኔ፤ፆኦሲ ጎሪንቲና ማኣራ ዒዛኮ ዔሩዋንቴ ሻሂንቴኔ።4ናኣታ ዒዛኮ ኮሺ ናንጊ ዴንቃዓኬ፤ዓሳ ቡካ ጶኦኮይዳ ዔያቶ ዛሎ ጌስታንዳ ዓሲዔያታ ዴንቂንዱዋኣሢሮ ፑርታ ባኣዚ ዔያቶ ሄላኔ።5ዒዛኮ ሃኣኮ ናይዺንቴ ዓሲ ሙዓኔ፤ዓንጊፆ ባኣካ ባቃሌ ሃኣኮታዖ ዒዛም ሃሺንዱዋኣሴ፤ዼኤቢንቴ ዓሳኣ ዒዛኮ ቆሎ ዔካኒ ዓፃዻኔ።6ሜታ ዓጪዳፓ ኬስኩዋኣሴ፤ሜታ ሃሣ ሳዓይዳፓ ባቃሉዋኣሴ።7ታሚ ቄንሢዳፓ ፂንቂ ዓኣዻሢጉዲዓሲያኣ ሜቶም ሾይንታኔ።»8«ዎንዴ ታኣኒ ኔናታቴ ፆኦሲ ባንሢ ሺኢኪሜታሢ ታኣኮ ቢያ ዒዛም ታ ኬኤዜያ ናንዳኔ።9ዒዚ ፓይዲንቱዋያ ማዔ ዒዛ ዎልቆና ማዺንታ ማዾሃይማኬ ጌይ ዔርቱዋ ዼኤፒ ባኣዚ ማዻኔ።10ሳዖይዳ ዒርዚ ዋርቂሳኔ፤ጎዦዋ ዋኣሢና ሎጪሳኔ።11ቶኦቺንቴዞንሢ ቦንቺሲ ዼጊዳኔ፤ዖዬዞንሢያ ዶዲሺ ዎዛሳኔ።12ዔያቶኮ ማዻ ጊኢጉዋጉዲ ጌኖ ዓሶኮ ማሊፆ ጉሪ ማሃኔ።13ዔሮ ዓሶ ዔያቶኮ ጌና ፒሮጉዲ ዓርቃንዳጉዲ ዒ ማሃኔ፤ጌኖ ዓሶኮ ማሊፃኣ ሩኡሪና ባይቃኔ።14ሮኦራ ዔያቶም ዹሚ ማዓኔ፤ሃጊ ዓባ ሳዛ ዓኣንቴ፥ ዋንቶ ዹሞይዳ ዓኣያጉዲ ዔያታ ዹቃዻኔ።15ማንቆ ዓሶ ዔያቶ ሞርኮኮ ጬንቾ ዓፓራፓ ፆኦሲ ዓውሳኔ፤ሜታዼ ዓሶዋ ሄርቂ ሜታሳ ዓሶ ዴማፓ ዒ ኬሳኔ።16ማንቆ ዓሶም ሃጊ ማዓንዳ ዎዛ ዒንጋኔ፤ዋይዚ ዒፂሢያ ዒዚ ዓጪፓ ጋፒሲ ባይዛኔ።»17«ፆኦሲ ዞሪ ጎራ ዓሲ ዓንጂንቴያኬ!ዬያሮ ዼኤፖ ፆኦዛሢኮ ጎሮ ቦሂፖ።18ፆኦሲ ኔና ሜንሤቶ ማሂ ዒ ኔና ኮኦላኔ፤ፔቴ ኩጮና ኔና ዒ ሜንሤቶ ባጎ ኩጮና ኔና ፓሣኔ።19ባይዛ ሜቶ ላሆይዳፓ ዒ ኔና ዓውሳንዳኔ፤ላንካሳሢናኣ ዓይጎ ሜታኣ ኔና ሄላዓኬ።20ናዮ ዎዶና ሼምፔና ኔና ዒ ጌሣኔ፤ዖሎ ዎዶናኣ ሃይቢፓ ኔና ዒ ዓውሳኔ።21ፆኦሲ ፑርታ ዒንዲርሲዳፓ ኔና ካፓኔ፤ባይሲንታ ሙኬቴያ ኔ ዒጊጫዓኬ።22ፑርታ ዖልዚና ናይዚና ሙኬ ዎዶና ኔኤኒ ሚሚኢጫንዳኔ፤ካዮ ቦዖዋ ኔ ዒጊጫዓኬ።23ኔ ጎሽካ ጎዣ ሹቺ ማዒ ኔና ሜታሳዓኬ፤ካዮ ቦዖና ዎላ ኔ ኮሺና ናንጋንዳኔ።24ማኣሮይዳ ኔኤኮ ኮሹሞ ኩማንዳሢ ኔ ዔራንዳኔ፤ማራቶኮ ባርቶ ኔ ዛጋኣና ቢያሢ ኮሺ ዓኣንቴ ኔ ዴንቃንዳኔ።25ኔኤኮ ሾይንታ ሚርጋንዳሢያ ኔ ዔራንዳኔ፤ዜርፃ ኔኤኮ ቦኦሎ ማኣቶጉዲ ሚርጋንዳኔ።26ዛርጎ ቲሻሢ ካፃንዳኣና ጎዣ ኔጋሢጉዲኔኤኒያ ጋርቻንዳያ ሄላንዳኣና ሚርጌ ሌዔ ናንጋንዳኔ።27ኑኡኒ ዬይ ቢያ ጎኔ ማዔሢ ዛጊ ዔሬኔ፤ዬያሮ ኔኤኒ ማሊ ጶቂሢጋፓ ማዾይዳ ፔኤሼ።»