Yoobu40bba_sim

1Yinni Gusunɔ u mɑɑ Yoobu sɔ̃ɔwɑ u nɛɛ,2wunɛ wi ɑ kɑ tii yinɑmɔnɛ, Yinni Gusunɔ Dɑm kpuroɡiin wuswɑɑɔ,kɑɑ ɡɑri wɑ ɑ ɡere?3Mɑ Yoobu u Yinni Gusunɔ wisɑ u nɛɛ,4wee nɑ ǹ sɑ̃ɑ ɡɑ̃ɑnu.Mbɑ kon kpĩ n nun wisi.Kon nɔɔ nɛnɛwɑ n mɑri.5Nɑ ɡɑri dɑbinu ɡeruɑ kɔ,nɑ ǹ mɑɑ ɡɛɛ ɡerumɔ.

Yoobu tɑmɑɑ u sɑ̃ɑ Gusunɔ?

6Mɑ Yinni Gusunɔ u Yoobu wisɑ ɡuru woo bɔkɔ ɡɑɡun di u nɛɛ,7ɑ sɔɔru koowo, kpɑ ɑ yɔ̃rɑ nɡe tɔn durɔ wɔruɡɔ.Kon nun ɡɑri bikiɑ kpɑ ɑ mɑn yi tubusiɑ.8Yoobu, kɑɑ kpĩ ɑ mɑn sɔ̃ mɑ nɑ ǹ ɡem mɔ?Kɑɑ mɑn tɑɑrɛ wɛ̃, kpɑ ɑ tii ɡem wɛ̃?9Wunɛn dɑm mu nɛ Gusunɔɡim turɑ?Wunɛn nɔɔ ɡɑ koo kpĩ ɡu nɔɔrɑ kɑ dɑm nɡe nɛɡuu?10Ǹ n mɛn nɑ, ɑ wunɛn yiiko kɑ wunɛn bɛɛrɛ sɔ̃ɔsio,11kpɑ ɑ wunɛn mɔru sɔ̃ɔsi,ɑ be bɑ tii sue nɔni ɡirɑri ɑ surɑ.12A bu nɔni mɛniɔ, kpɑ ɑ bu sekuru doke.A kɔ̃sɑn kowobu kpeerɑsio mi bɑ wɑ̃ɑ,13kpɑ ɑ bu sike sɑnnu bɑ n wɑ̃ɑ ɡɔribun wɑ̃ɑ yerɔ,mi bɑ ǹ bu wɑsi.14Sɑɑ yerɑ nɛ Gusunɔ kon nun wɔlle suɑ.Domi wunɛn dɑm mu nun nɑsɑrɑ wɛ̃ɛmɔ.

Kperɑ

15Kperɑ wee, ye nɑ wɑ̃ɑru wɛ̃ nɡe wunɛ.Yɑkɑsɑ yɑ rɑ di nɡe nɑɑ.16Yen dɑm mu wɑ̃ɑwɑ yen ɡɑbu kɑ yen wɑsin yɑɑ sɔɔ.17Yɑ rɑ kpĩ yu yen siru bɔbiɑsie tu ko nɡe dɑ̃ɑ dɑmɡiɑ.Kpɑ yen sĩinu nu n sɑ̃ɑ nɡe ni bɑ tɑrɑ.18Yen kukunu sɑ̃ɑ nɡe sii ɡɑn te tɑ wem mɔ,mɑ yen wɑsin kɑ̃ɑsi yi sɑ̃ɑ nɡe sii bokuru.19Yɑ sɑ̃ɑwɑ nɛn tɑkɑ koorɑ ye yɑ tɔmbu biti mɔ̀ n kere.Nɑ ye donnu dokeɑ.20Yɑ rɑ yen dĩɑnu wɑwɑ ɡuunɔmì ɡbeeku yɛɛ kpuro yi rɑ mɛnnɛ yi dwee.21Kpɑ yu dɑ yu kpunɑ dɑ̃ɑ kiku ɡɑɡun sɑɑrɔ ɡe ɡɑ wuru bɑkɑsu mɔ,ǹ kun mɛ nɑɑ yɑri sɔɔ,ǹ kun mɛ dɑ̃ru ɡɑrun kɔkɔrɔ dɑru bɔ̃ɔwɔ.23Bɑɑ dɑɑru tɑ̀ n nim yibɑ nɡe Yuudɛnin dɑɑru,yɑ ǹ dukɑ yɑkurɔ.Bɑɑ ten nim mù n ye wukiri yɑ ko n kpĩwɑ mi sɛ̃ɛ.24A tɑmɑɑ kɑ dɑmɑ bɑ koo kpĩ bu ye mwɑ yɑ̀ n yɑm mɛɛrɑ?Nɡe ɑ tɑmɑɑ kɑ yɑ̃ɑkororɑ bɑ koo ye mwɑ bu wɛ̃ru yɑbɑ.

Kɑrɑku

25Kɑrɑku mɑɑ ni.A ɡu kɔkɔru sɔrere ɡen yɑrɑɔ ɑ yɑrɑmɑ?26Kɑɑ kpĩ ɑ wɛ̃ɛ dɑmɡii doke ɡen wɛ̃rɔ,kpɑ ɑ ɡen bɑɑ sɑburo yɑbɑ kɑ kuurɑ?27Gɑ koo nun suuru kɑnɑ ɡu nun ɡɑri dori sɔ̃,28kpɑ ɡu kɑ nun ɑrukɑwɑni bɔke,ɡu ko wunɛn yoo sere ɡu kɑ ɡbi?29Kɑɑ wurɑ ɑ kɑ ɡu dwee nɡe mɛ bɑ rɑ kɑ ɡunɔ dwee?Kɑɑ wurɑ ɑ ɡe bɔke wunɛn wɔndiɑbɑ bu kɑ dwee?
30Sɔrɔkɔbɑ bɑ koo wurɑ bu ɡu tenkubɑ dɔre,kpɑ bu ɡen yɑɑ bɔɔri bu dɔrɑ?31Kɑɑ kpĩ ɑ ɡen ɡɔnɑn wɔllɔ sɛ̃ɛnu twee,kpɑ ɑ ɡen wiru yɑɑsɑ sɔku?32À n nɛɛ, kɑɑ kɑ ɡu sɑnnɑ,ɑ̀ n ɡu bɑbɑ, ɑ ǹ mɑɑ ɡu bɑbɑmɔ siɑ.
expand_more
Search