IZO4gub_wbt

Izo imyrypar uze'eg izupe wà

Nepuraraw paw 'ar uhem kury

1Na'e imyrypar Eripaz Temà ywy rehe har uze'eg a'e kury.
2Izo, aze aze'eg nehe, aipo erekwahy putar ihewe nehe,I'i izupe.— Mo upuner uze'eg 'ymaw rehe a'e.3Eremu'e teko tetea'u ne wà.Eremukàg teko uzemumikahy ma'e tetea'u ne wà no.4Amo i'ar mehe ikene'o mehe ikàg 'ym mehe,Neze'eg umukàg a'e teko wamupu'àm kar pà wà.5Ko 'ar rehe neremipuraraw 'ar uhem kwez kury.Màràzàwe tuwe ma'e hàrogatu haw uhem newi. Màràzàwe tuwe nekàgaw uhem newi.6Tupàn wi nekyze haw nanemukàg kwaw aipo.Nereko haw ikatu ma'e nanemynehem kwaw ma'e hàrogatu haw pupe aipo.7Nema'enukwaw amo teko ikatu 'ym ma'e iapo 'ymar rehe aipo,Teko iaiw haw rehe u'ar ma'e kwer rehe aipo,Teko imunar 'ym ma'e imumaw pyrer rehe aipo.8Ko ma'e aexak ihe: Teko nuzawy kwaw ma'etymar a'e wà.Aze uzutym ma'eà'yz ikatu 'ym ma'e wà,Nopo'o kwaw temi'u ikatu ma'e wà.Nezewegatete ikatu 'ym ma'e iapo har waneko haw iaiw no.9
Tupàn nuzawy kwaw ywytuaiw. Umumaw a'e teko wekwahy haw pupe wà.10A'e teko okororo zàwàruhu iriàw ipuruzukaiw ma'e ài wà.Nezewe rehe we Tupàn umupytu'u kar wakororo re a'e wà.Ukauka wanàz wanuwi no.11Nezewe mehe wiko zàwàruhu iriàw uzemi'ikar haw rehe upuner 'ym ma'e zàwe wà.Umàno wà, ta'e nupuner kwaw umai'u haw rehe wà xe.Wana'yr uhàuhàz wanuwi wà no.

Aipo teko upuner ikatuahy ma'e romo wiko haw rehe Tupàn huwarupi wà

12Amo umume'u ze'eg ihewe mewe katu a'e.Hewowo ihewe imume'u mehe. Nainu katu kwaw ize'eg mehe ihe.13Pyhaw teko waker katu mehe, Apuahuaiw ihe.Akyze izuwi.14Hekyze haw uzeapo hezar romo.Heretekwer uzypyrog uryryryryz pà paw rupi no.15Amo upy heruwa rehe. Hepita'i katu.16Amo wiko a'e pe wà.Ame'egatu. Napuner kwaw hetekwer hexakaw rehe.Nuze'eg kwaw izypy mehe. Na'e ainu amo ize'eg mehe.17— Aipo amo upuner Tupàn henataromo ikatu ma'e romo weko haw rehe, i'i ihewe.Aipo amo teko wiko Tupàn henataromo ikatuahy ma'e romo.18Tupàn nuzeruzar kwaw ni uma'ereko ma'e weko haw pe har wanehe.Te weko haw pe har wanehe wexak ikatu 'ymaw a'e.19Aipo erezeruzar putar teko wanehe nehe.Wiko ywyzuwa iapo pyrer romo wà.Tupàn umuzuwazuwa ywy iku'i kwer teko romo iapo pà.Wiko pànàmiràn zàwe wà. Wyzài upuner wakamikamikaw rehe wà.20Ku'em mehe zapuner zanereko haw rehe.Karuk mehe zàmàno zanereko wi 'ym pà.Ni amo nuzekaiw kwaw zanerehe wà.21Zanereko haw upawTàpuzràn u'ar ma'e kwer ài.Zàmàno ma'ekwaw katu haw ipyhyk 'ym pà.
expand_more
Search