Iyyoba Maxaafa4gof_ltw

Elfaaza Haasaya

1Temaanape yida Elfaazi zaaridi,2“Issi asi xaltaamidi neera odetiko neeni lancanee?Shin haasayonna agganay oonee?3Heko, neeni darota tamaarsadasa;argaacida kusheta minthethadasa.4Ne qaalay dhubetidaysata koolidi essis;daaburida gulbatata minthis.5Shin ha77i metoy nena gakin ufaysi qanxadasa;un7i nena teqin dagammadasa.6Ne Xoossaas yayyeysi nena ammanthidi wothibeennee?Ne suure hemethay new ufaysi gidibeennee?
7“Ane qopa; geeshsha asi gididi dhayday oonee?Suure asi gididi shodetidi dhayday oonee?8Ta be7idaysada, iitatethi goyidi meto zereysati,iya zaaridi buucana.9Enti Xoossaafe keya shempon punetidi dhayana;iya hanquwa lacuwan meetetana.10Iitati gudiya gaammo mela xaaggoosona;shin enta achay meqeretis.11Shankatidi miyaba dhayida gaammoy hayqeysada,enta naytika laaleteysada iitata nayti laaletana.
12“Issi gallas issi xuuray taako yis;he xuura kalkashan ta si7as.13Wolqaama dhiskoy ase oykida wodeun7ethiya qamma amuho giddon,14yashshinne kokorsi tana oykis;ta meqethati kokoridosona.15Carkoy ta som7uwa baqidi aadhis;ta dagammin ta asatethaa ikisey eqis.16I ta sinthan eqis;shin I aybeko shaakada erabike.Hessafe guye, si77i gida bessafehaysada giya girsaa si7as.17‘Hayqiya asi Xoossaa sinthan xillo gidanaw danda7ii?Woyko asi bana medhidaysa sinthan geeshshi gidanaw danda7ii?18Xoossay ba aylletan ammanetonaba gidiko,ba kiitanchotanka bala demmiyaba gidiko,19Yaatin, urqa keethan de7eysati,enta de7uwa baasoy biitta gididaysati,guxunepe eeson hayqeysati waananee?20Wonta bentidi omarsi hayqoosona;oonika hassayonna merinaw dhayoosona.21Dhishey shodetida dunkaane melacincatethi bayna hayqoosona.’ ”
expand_more
Search