1Ben Temana gbɛ̃ Ɛlifaza yã sìàla à bè:2Asa tó gbɛ̃ yã ònnɛ, nɛ́ pↄ fɛ̃roo?Zaakɛ mɛ́ fↄ̃ màgↄ̃ yĩtɛnaro.3Ǹ dↄn lán n lɛ́ dà gbɛ̃nↄa pari nà,n gbɛ̃ kɛ̀ aↄ̃ gbãaa yã̀anↄ gbà swɛ̃̀.4N yã gbɛ̃ kɛ̀ aↄ̃ↄe fuunↄ sɛ̀ lezĩ,n gbɛ̃ kɛ̀ aↄ̃ↄ busananↄ gbà gbãaa.5Kɛ̀ yã n le sa, ben nɛ́ɛ fuu,kɛ̀ à sùmma, ben n bídi kɛ̀.6N vĩakɛna Ludanɛ e n làakari kpáɛroo?N kuuna taari sai è tó ǹgↄ̃ tãmaa vĩroo?7Ǹ laasuu lɛ́ ǹ gwa!Kisia taarisaidee lè ziki ai à gàↄ́?Mán wà gbɛ̃ maaanↄ kàatɛn zikii?8Gbɛ̃ kɛ̀ yã zaa bú wì à yãkete tↄ̃̀a,má è beee bé è bↄɛnɛ.9Luda lɛ́'ĩa bé è à kaatɛ,à pↄ́ bↄna a yĩn bé è à dúgu zↄ̃.10À pũtãna kↄ̃n kòto gbãaao lán músu bà è yãa,Luda è à swaa woronɛ.11È ga lán músu kɛ̀ nↄ̀bↄ wɛ̀tɛ à kòrazi bà,à nɛ́nↄ é gbasa wà fãakↄ̃a.12Ma yã kpãi mà ĩala,yã pì asii gɛ̃̀ ma swãn.13Gurↄↄ kɛ̀ mɛ́ɛ nana bɛ̃̀ɛ oo gwãavĩ,gurↄↄ kɛ̀ gbɛ̃nↄ ii ò wà kà zã̀,14vĩa ma kũ mɛ́ɛ lugalugaa,ma mɛ̀ píngi e lugaa.15Ĩa ke borii ma pa ma uua,ma mɛ̀kãsɛsɛ fɛ̀ɛ à zɛ̀.16Kɛ̀ à zɛ̀, mɛ́ɛ à taka dↄ̃ro,pↄ́ pì kú ma aɛ,ben ma à kòto kpãi mà à bè,17gbɛ̃ntee é fↄ̃ àgↄ̃ dɛ yãnnadee ũ Ludanɛↄ́?Gbɛ̃ é fↄ̃ àgↄ̃ zɛ̃na a Kɛ̀ri aɛↄ́?18Zaakɛ Luda è a malaikanↄ náanɛ kɛro,bensↄ̃ è a zↄ̀bleri pìnↄ taari e,19wamↄwa kɛ̀ wa mɛ̀ dɛ lán gũ̀ kpɛ́ bà,wa kasana dɛ bùsu kori ũbensↄ̃ wè wa dúgu zↄ̃ lán dã̀mboo bà,weé wa pↄ́ o dↄↄ́?20Zaa kↄngↄ ai uusiɛ gbɛ̃nↄ è gaga,aↄ̃è kaatɛ ai gurↄ píngi,wè ń tàasi kɛro.21Luda è ń kuta lí gborońnɛ,ben aↄ̃è ga ↄ̃ndↄ̃kũsai.