1Nge zaba wapi ntangu bankombo ya mfinda ke butaka bana ya bawu?Nge me talaka bankabi ntangu bawu ke basisaka bana na bivumu ya bawu?2Nge zaba kutanga bangonda ya bivumu ya bawu,nge zaba ngunga ya bawu ya kubuta?3Bawu ke betamaka, ke butaka bana ya bawumpe bawu ke vuukaka na bampasi ya bawu ya kubuta.4Bana ya bawu ke kuzwaka ngolo mpe bawu ke kulaka na ngaanda mpe na kimpwanza,bana ke kwendaka ntama na bamama ya bawu mpe bawu ke vutukaka dyaka ve.5Nani me pesa kimpwanza na mbuluku ya mfinda?Nani me fungula singa ya yandi?6Mu me sala ti yinsi ya kuyuma kuvwanda kisika yina yandi ke zingaka,mpe ntoto ya mungwa kuvwanda yinzo ya yandi.7Yawu ke na kuseka makelele yina ke na kuwakana na bambanza,yawu ke na kuwa ve kulooka ya muntu yina ke nataka mbuluku.8Yawu ke na kwendaka tambula na myongo samu na kuzwa madya,yawu ke na kusosa matiti nyonso yina ke ntete ya maza.9Mpakasa ke ndima na kuvwanda kisadi ya nge?Yawu lenda lutisa mpimpa na mpaka ya bibulu ya nge?10Nge lenda kukanga mpakasa na singa samu ti yawu sadila nge mukala mosi?Yawu lenda landa nge na kati ya mukala na nsengo?11Nge ke tula kivuvu ya nge na sika ya yawu samu ti ngolo ya yawu ke ya mingi?Nge ke bika ti yawu kusala kisalu ya nge?12Nge lenda tula ntima na yawu, samu ti yawu kuyonzikila nge bambuma na kisika yina ba ke kabulaka bambuma na matiti ya yawu?13Mapapu ya ndeke ya nene yina ba ke bokilaka otelise,ke yalumukaka na kyese nyonso,kasi bansala ya yawu mpe mapapu ya yawukele ve mutindu mosi na ya ndeke ya madyanga.14Kasi otelise ke bikaka meki ya yawu na ntoto,mpe meki yango ke kuzwaka tiya ya fundu-fundu ya ntoto,15yawu me zimbana ti kaka dikulu mosi lenda kunika yawu,mpe ti kibulu mosi ya mfinda lenda dyata yawu.16Yawu ke salaka ntima-ngolo na ntadisi ya bana ya yandi mutindu ti bawu kele ve ya yandi.Yawu ke talaka ve ntima mpasi na kutala ti yawu me sala kisalu ya mpamba.17Nyonso yina samu ti Nzambi yiminaka yawu ndwenga,Nzambi pesaka ve yawu mwa ndambu ya mayela.18Ntangu yawu ke telamaka mpe ke kubamaka na kukima,yawu ke sekaka mpunda mpe kinati ya yawu.19Ni nge ke pesaka mpunda ngolo?To ni nge ke fulusaka yawu mika na laka, mika yina ke pepaka?20Ni nge ke salaka ti yawu kwendaka dumuka mutindu dikonko?Makelele ya yinwa ya yawu ke talisaka boma.21Yawu ke bulaka makulu ya yawu na ntoto ya mudimba,na ngolo nyonso mpe na kyese,yawu ke tekilaka na mantwala samu na kunwana mvita.22Yawu ke sekaka boma mpe yawu ke tekitaka ve,na mantwala ya mbele ya mvita, yawu ke vutukaka ve manima.23Nkutu ya madyonga ya yawu ke ninganaka,dyonga mpe dikonga ya yawu ke lezimaka.24Na kati ya kondwa kuvingila, yawu ke katulaka nyonso na nzila ya yawu,yawu ke dingamaka ve kana yawu me kuwa muningu ya mpungi.25Konso ntangu yina muningu ya mpungi ke wakanaka, yawu ke lookaka mutindu yayi:«Aa! Telama!» Yawu ke kuwaka nsunga ya mvita ntama,yawu ke kuwaka bandinga ya bamfumu ya binwani mpe milolo ya mvita.
*
26Ya kele ni na mayela ya nge ngo-nuni ke dumukinaka?Ni na mayela ya nge yawu ke talisaka mapapu ya yawu na lweka ya sude?27Ni nge ke tumisaka mbemba ya ntinu na kuyuluka na zulu-zulu?Ni nge ke tumisaka yawu na kutula dizanza ya yawu na zulu ya mongo?28Yawu ke zingaka na kati ya matadi mpe ni kuna yawu ke lutisaka mpimpa,matadi yina kele na meno ni yawu kele lukengolo ya yawu.29Kuna na zulu, yawu ke tadikilaka mbisi ya yawu,meso ya yawu ke talaka yawu ntama.30Bana ya yawu ke kunwaka menga,kisika ke na bamvumbi, ni kuna yawu kele.