Iyyoba Maxaafa39gof_ltw
1“Woshi7ey awude yeliyako neeni eray?Baachoti bannakidi banta marata yeliya wode be7adii?2Enti ay mela ageena gam7iyako,awude yeliyako ne eray?3Enti gulbati eqetidi,banta marata yeley awudeko eray?4Enta marati bazzon diccidi minnoosona;banta aayeta aggidi boosona; nam7antho guye simmokona.5“Wora hareti yeda daanada oothiday oonee?Qashope enta birshidi yeddiday oonee?6Entaw bazzuwa de7iya bessi oothada immas;maxine biittan enti daanada oothas.7Katama waasuwape haakidi de7oosona;laaggeysta qodethi si7okona.8Enti dereta bolla bantana heemmoosona;yan miya purco maata qoroosona.9“Menthi new oothanaw ero gandee?Woyko ne zadalon qamma aqandee?10Goyana mela ne iya waaxanee?Woyko waaxada goyanaw danda7ay?11Neeni iya wolqaa minotethan ammanetanee?deexo ooso I oothana mela iyaw yegga agganee?12Neeni kathaa shaalen qolana mela,woyko wudumman shiishana mela iya ammanay?13“Yanchoy ba qefiya ellesada qaathawusu;shin haatha kafoda piradhanaw danda7uku.14Yanchoy ba phuuphulliya biittan phuuphulawusu;shafen ho7ana mela aggaagawusu.15‘Tohoy menthana,bazzo do7ati yedhana’ gada qopuku.16Nayti babaa gidonnaada oothada entaw daro iitawusu.I daabura ubbay mela atteysi iw aykoka daanenna.17Hessada oothada iyo cincatethi diggidaynneakeeka dhaysiday tana.18Shin dendada iya woxiya wode,baara gaadetiya para bollanne paraawa bolla miiccawusu.19“Iyyoba, paratas wolqaa immiday,woyko parata morgen cimba mayziday nenee?20Parati booleda gupanaadannegarmamidi daganthanaada oothiday nenee?21Parati banta wolqan ammanetidi dhiskoosona;oletanaw ola demba gaallaboosona.22Yashshi erokona; enta aybika daganthenna;enta bolla mashsha shoddikoka guye simmokona.23Enta toggiya olanchoti oykida ola miisheti,phoolishe issoy issuwara gahetidi giiroosona.24Shin parati biitta kaashishenne yashisishe gaallaboosona;Moyze girsi si7iya wode si77i gidi eqanaw danda7okona.25Moyzey punetiya wode ufaysan garmamoosona;ola peeno haahon ekoosona;toora mocona kiitaanne olanchota ceequwa si7oosona.26“Xiloy ba qefiya dugeha bagga miccidi,paallanaw danda7ey ne cincatethanee?27Arganthi pude keyidi,ba keethaa dhoqa dereta bolla keexey ne kiitanee?28Arganthi aafo doonan ba keethaa keexidi de7ees;zaalla qophoti iyaw qol7a gididosona.29Yan uttidi baw miyaba wochees;iya ayfey haahon geeshshidi demmees.30Argantha nayti suuthi uyoosona;gawuxi de7iya bessan shiiqoosona” yaagis.