Read እዮባ ማፃፋ 38

እዮባ ማፃፋ38gof_etw

ፆሳ ዛሩዋ

¹ሄሳፈ ጉየ፥ ጎዳይ ጎተ ግዶን ግድድ እዮባስ ሀይሳዳ ያግድ ዛርስ።²ኤር ባይና ኦዳንታ ዞርያ ምሰይ እ ሄስ ኦኔ?³አነ አደዳ ዳንጨታ፤ታ ነና ኦይቻና፥ ታዉ ዛራ።

⁴ታኒ አላምያ መያ ዎደ ኔኒ አዉን ደአይ?አነ ነ አኬክያኮ ታዉ ኦዳ።⁵ነ ኤርኮ፥ ሀ ሳኣ ዳልጋተስ ዛዋ ዎዳይ ኦኔ?ዋ ዎዶሩዋ ሳአ ቦላ የግዳይ ኦኔ?⁶ሀ ሳኣ ቱሳታ ኩንዶና መላ ምንድ ኦይክዳይ አይቤ?ሀ ሳኣ ባሱዋስ ኮይሮ ሹቻ ዎዳይ ኦኔ?⁷ዎንታ ባካላት እስፈ የፅያ ዎደ፥ኪታንቾት ኡባይ ኡፋይሳን እልል ግያ ዎደ ነ ኤራይ?

⁸አባ ሃ ቢታፈ ቅድ ከይያ ዎደ፥እያ ፐንገታ ጎርድዳይ ኦኔ?⁹አባ ሻራ ማይዛስ፤ሳካና ማን ጎዝዳይ ታና።¹⁰አባይ ካንና መላ ዛዋ መዳይ፥እያዉ ፐንገነ ተቀ ዎዳይ ታና።¹¹“ሀይሳ ጋካናዉ ያ፤ሽን ሀይሳፈ አፋ፤ነ ዎልቃማ ሆበይ ሄሳን ኤቆ” ያግዳይ ታና።

¹²እዮባ፥ ነ የለቶሶፐ ዎንት ዎንታና መላ ኪታ ኤራይ፥አዋይ ዶላና በሳ ማላ ኤራይ?¹³ዎንታ ፖኦይ ቢታ ኡባን ፖአና መላ፥ኢታ አሳታ ቆሰትዳ በሳፈ ቆንጨ ከሳና መላ፥ኔኒ ዎንታ ኪታ ኤራይ?¹⁴ዎንታ ፖኦይ ዙማታነ ዛንጋራታ፥ዳኮይድ ዎዳ ማኦይ ኤቅድ በንተይሳዳ በሴስ፤ኦቶ ቦላ ዎዳ ማታመዳ ቆንጬስ።¹⁵ኢታታ ፖኦይ ኤከታና፤ኤንታ ማካላ ቀሰይ መቃና።

¹⁶ጪሞ አባ ግዶ ገላዳ ፑልቱዋ በአዲ?ዎይኮ እያ ባሱዋ ጋካዳ እያ ኦላ ስመረታዲ?¹⁷ነዉ ሀይቆ ፐንገት በንትዶና?ዎይኮ ሳካና ማ ፐንገታ በአዲ?¹⁸ሳአይ አይ መላ ግቴኮ ነ ኤራይ?ሄሳ ኡባ ነ ኤርያ ግድኮ ታው ኦዳ።

¹⁹ፖኦኮ ኤፍያ ኦገይ አዉኔ?ም አዉን ደእያኮ ኤራይ?²⁰ፖኦነ ማ ኤንታ በሳ በሳ ኤፋናዉ ዳንዳአይ?ኤንቲ ደእያ በሳ ኤፍያ ኦግያ ኤራይ?²¹ኔኒ ሳእ መትያ ዎደ የለትዳ ግሾነዳሮ ላይ ደእዳ ግሾ ሄሳ ኤሮና አጋካ!

²²ሻች ምንጀትያ ኬ ገላዲ?ዎይኮ ሻች ዶረትዳ በሳ በአዲ?²³ታኒ ኤንታ መቶ ዎደስ፥ ኦላ ዎደስነቶራ ጋላሳስ ምንጃ ዎስ።²⁴ዎልአን ከያ በሳ ኤፍያ ኦገይ አዉን ደኢ?ዎይኮ ዶሎሀ ጫርኮይ አዉፐ ከይድ ጫርኪ?²⁵እር ዎያ በሳ ጊግስዳይ፥ዳዳስ ኦገ ከስዳይ ኦኔ?²⁶አስ ዶና መላ ቢታንእራ ቡክሰይ ኦኔ?²⁷መልዳ መላ ቢታይ እራን ላክድ፥ፑርጮ ማታይ ዶላና መላ ኦዳይ ኦኔ?²⁸እራስ አው ደኢ?ዎይኮ አካ የልዳይ ኦኔ?²⁹ሻቻስ አይያ ደአይ?³⁰ሃይ ሹቻዳ ምንስ፤አባ ባሶይ ሻቻዳ ኡከቴስ።

³¹ፕላድሳ ጌተትያ ፆልንቶታ እስፈ ጋዳ ቃቻናዉ ዳንዳአይ?ኦርዮና ጌተትያ ፆልንቶት ቃሸትዳ ዎዶሩዋ ብላናዉ ዳንዳአይ?³²ጩጋን ጩጋን ደእያ ፆልንቶታ ኤንታ ዎደን ዎደን ከሳናዉ ዳንዳአይ?ቢረ ጌተትያ ፆልንቶታ ኤንታ ናይታራ ካለናዉ ዳንዳአይ?³³ሳሎት አይ ህገን አቅያኮ ነ ኤራይ?ሄ ህገይ ሳኣ ሃራና መላ ኦናዉ ዳንዳአይ?

³⁴ድኦይ ነና ሙካና መላ እራ ቡክሳናዉ፥ነ ቃላ ቁ ኦዳ ሻራታ ስሳናዉ ዳንዳአይ?³⁵ዎልአን ኪታናዉ ዳንዳአይ?ኤንቲ ኔኮ ይድ፥ “ሄኮ፥ አይ ኦኖ?” ጎና?³⁶ዎዛናስ ጭንጫተ፥ካሀስ አኬካ እምዳይ ኦኔ?³⁷ባ ጭንጫተን ሻራታ ታይባናዉ ዳንዳኤይ ኦኔ?ባና ሙኑቅድ፥ ኡርቃ ከስድ ምንናዉ፥ሳሎ ኦቶታ ገድ ኦድ ሃ ትጋናዉ ዳንዳኤይ ኦኔ?

³⁹ሻንካታዳ ማጫ ጋሞስ ምያባ ኤሀ ኤራይ?ኮሻትዳ ጋሞ ማራታ ሙዛ ኤራይ?⁴⁰ኤንቲ ጎንጎሎን ቆሰት ናጎሶና፤ባዞን ዝንእድ ፔኦሶና።⁴¹ቁሮት ኮሻትድ ዳቡርያ ዎደ፥ኤንታ ናይት ምያባ ደማናዉ ታኮ ዋስያ ዎደ፥ኤንታዉ ምያባ እመይ ኦኔ?

እዮባ ማፃፋ 38 / gof_etw

ፆሳ ዛሩዋ

እዮባ ማፃፋ38gof_etw