ዒዮቤ ማፃኣፖ36mdy_twf
1ዔሊሁ ሃሣ ጌስታዖ፦2«ፆኦሲ ዛላ ባኣዚ ታ ኬኤዛንዳ ሃጊ ሜሌ ባኣዚ ዓኣሢሮቡሊ ታ ኔኤም ኬኤዛንዳጉዲ ዻካ ጊቢ ዋይዜ።3ታኣኒ ዔሬ ዔራታ ሃያኬ ጌይንቱዋኣያኬ፤ታና ማዤ ፆኦዛሢ ፂሎ ማዔሢ ታ ኔኤም ኬኤዛንዳኔ።4ጌኤዛ ታኣኮ ሉኡዚቱዋኣሢ ጎናሲ ዔሬ፤ኔኤና ዎላ ጌስታሢ፥ ታኣኒ ኩሙሢ ዔራቶና ዓኣያታሢ ዔሬ።»5«ጎኔና ፆኦሲ ዼኤፒኬ፤ዖናኣ ዒ ቶኦቹዋኣያኬ፤ቢያ ባኮ ዒ ማሊ ጶቂሣያኬ።6ዒዚ ፑርቶ ዓሶ ሼምፔና ጌሡዋኣሴ፤ሄርቂንቲ ዎርቃ ዓሶም ጋዓንቴ ዒ ፒዜ ዎጋኔ።7ፆኦሲ ኮዦ ዓሶ ካፓኔ፤ካኣቶጉዲ ካኣቱሞ ዓልጎይዳ ዔያቶ ዒ ዴይሣኔ፤ናንጊና ዒ ዔያቶ ዼግ ዼጊዳኔ።8ጋዓንቴ ዓሲ ካኒ ቢራታና ቱኡቴቴሃንጎ ሃሣ ሜቶ ፒሮና ዓዺንቴቴ9ዔያታ ፔኤኮ ዖቶርሙሞና ማዼ ጎሞፔጋሲ ዻዋኔ።10ዔያታ ዞሮ ዋይዛንዳጉዲ ዋዮ ዔያቶኮ ዒ ቡላኔ፤ዔያታ ፔኤኮ ፑርቶ ማዻፓ ማዒ ጎሞ ቡኡፃንዳጉዲ ዓይሣኔ።11ፆኦሲም ዔያታ ዓይሢንቲ ዒዛም ዔያታ ማዼቴዔያታ ናንጋኒ ዓኣ ዎዶ ዖርጎቹሞና ዎዛና ናንጊ ዓኣሣንዳኔ።12ዒዛም ዔያታ ዋይዚባኣቴ ጬንቻ ዓፓሮና ዔያታ ባይቃንዳኔ፤ዔኤቢ ዔሪባኣ ጎይሣ ዓኣዖ ዔያታ ሃይቃንዳኔ።»13«ፔኤኮ ዒኖና ‹ፆኦሲ ኑ ዔሩዋሴ› ጋዓ ዓሳቢያ ዎዴ ዎዛዺሢባኣ ናንጊ ናጋኔ፤ዔያታ ሜቶይዳ ጌሌቴታዖ ማኣሪንቲሢ ዴንቃኒ ዒዛ ሺኢቁዋኣሴ።14ዞኦስካ ኮኦሚፆና ቦርሲሳ ናንጊ ዔያታ ናንጋሢሮሃጊ ዼጌ ዓኣዖ ዔያታ ሃይቂ ባይቃንዳኔ።15ፆኦሲ ዋኣዪንቲሢዳ ዓኣ ዓሶ ዋኣዪፆፓ ዓውሳኔ።ዔያቶ ሄሌ ሜታሢና ዔያቶ ዒ ጪንጪሳኔ።»16«ሃሢ ፆኦሲ ማላ ማሊፃሜቶይዳፓ ኔና ኬሲዶኦሪንቴያ ማዔ ሙዖ ባንሢ ኔና ዔኪ ዓኣዻኒኬ።17ሃሢ ዻቢንቴ ዓሲም ዎጊንታ ዎጌ ኔጊዳ ዎጊንቴሢሮኔኤም ኮይሳ ሜቶ ኔ ዔኪሢዳኬ።18ዓይጎ ዓሲያ ቆሎ ሚርጉሞና ኔና ዻቢሱዋጉዲዴሜና ዒንጎ ሚኢሼና ኔና ጌሹዋጉዲ ኔና ዔሬ።19ኔኤኮ ቆሎና ቢታንቶና ዎዚዒ ዼጌ ማዔቴያዋኣዪሢዳፓ ኔና ዬይ ዓውሱዋኣሴ።20ዴራ ፔኤኮ ዓኣ ቤዛፓ ባይቃንዳዹሞ ዎዳ ሙካንዳጉዲ ኮዒፖ።21ፑርታ ባኣዚ ኔ ማዻሢዳፓ ሜታዺ ኔኤኮ ዋኣዪንቲፃ ኮሺኬ፤ላሚ ጊንሣ ፑርታ ባኣዚ ኔ ማዹዋጉዲ ኮሺ ኔና ዔሬ።22ፆኦሲኮ ዎልቃ ዎዚጉዲ ዼኤፒታቴ ማሊ ጶቂሤ፤ዔርዛያፓ ቢያ ዒዚ ባሼ ዔርዛያኬ።23‹ሃያይዴ› ጌይ ዒዛ ዓይሣይ‹ፑርታ ማዾ ኔ ማዼኔ› ጌይያኣ ዒዛ ጎራንዳይ ዖናዳይ?24ዓሳ ቢያ ዎዴ ዒ ማዼ ማዾሮዓይኑሞና ዒዛ ጋላታሢጉዲኔኤኒያ ዒዛኮ ማዾ ዓይኑሞና ጋላቴ።25ፆኦሲኮ ማዾ ዓሲ ዜርሢ ቢያ ዛጌኔ፤ዓሳ ሃኬና ዬያ ዴንቃኔ።26ዒዛኮ ዼኤፑሞ ዖኦጪ ኑ ዔራኒ ዳንዳዑዋኣሴ፤ዒ ናንጋ ዎዳኣ ሃይማዼኬ ጌይ ፓይዲ ዔርታያቱዋኣሴ።»27«ፆኦሲ ባዞ ዋኣፆ ሱኡሌና ሌካ ዔቂሳኔ፤ጫሪንጫፓ ዒርዚ ማሂያ ዋርቂሳኔ።28ሻኣሮይዳፓ ዒራ ዲጲጉዲ ዎታኔ፤ዓሶ ዑፆይዳኣ ሚርጌና ዋርቃኔ።29ያዺ ማዔቴያ ፆኦሲ ሻኣሮ ዎማይዲ ላይሣቴያሃሣ ጉጉንፆና ማዒ ዎማይዲ ጌስታቴያዖኦኒ ዔራኒ ዳንዳዓይ?30ፆኦሲ ዔቶ ባዞ ካንቂዜኤሊንፆዋ ጫሪንጮ ቢያ ዳካ ጎይፆ ዛጌ።31ዬያይዲ ፆኦሲ ዴሮ ዎይሣኔ፤ሙኡዚያ ሚርጌና ዔያቶም ዒ ጊኢጊሻኔ።32ዜኤሊንፆ ፔ ኩጮና ዒ ዓርቃኔ፤ጌይንቴ ጊንፆ ባንሢ ዓኣዻንዳጉዲያኣ ዓይሣኔ።33ጉጉንሢ ዼኤፒ ዒርዚ ዬዓሢ ዔርዛኔ፤ቆልሞዋ ዢኢፓ ዒርዚ ሙካሢ ዔዔራኔ።»