ዒዮቤ ማፃኣፖ34mdy_twf
1ዔሊሁ ጊንሣ ጌስታዖ፦2«ዒንሢ ሃይ ዔሮ ዓሳ ታ ጋዓሢ ዋይዙዋቴ፤ዒንሢ ሃይ ጪንጮ ዓሳ ታኣሲ ዒናፓ ዋይዙዋቴ።3ሙኡዚ ዎማዺታቴያ ዒንዲርሲዳ ዔርታሢጉዲጌኤሲ ጌስቶ ጎይሢያ ዋይዚዳ ዱማዺ ዔርታኔ።4ፒዜ ማዔ ባኣዚ ኮሺ ኑ ዛጊ ዶኦሮም፤ኮሺ ማዔ ባኣዚያ ዎላ ኑ ዔሮም።5ዒዮቤ፦ ‹ታኣኒ ጌኤሺኬ፤ፆኦሲ ጋዓንቴ ፒዜ ዎጊሢ ታኣም ዒፄኔ።6ታኣኒ ጎኔ ዓሲታዖሉኡዚ ዓሲ ማዒ ፓይዲንቴኔ።ፔቴታዖ ዻቢንቲ ታኣኮ ባኣንቴፓፁዋ ኪሢና ታ ሜታዻኔ› ጌዔኔ።»7«ዒዮቤጉዲ ፆኦሲዳ ሌቂ ጌስታ ዓሲጎዖንቴ ጴዻንዳኣሲንታኔ?8ዒዛኮ ላጎንሢ ፑርታ ማዻያኬ፤ዒ ፔኤቃሢያ ፑርቶ ማዻዞንሢናኬ።9‹ፆኦሲ ዎዛሲሢዓሲም ዓይጎዋ ማኣዱዋሴ› ዒ ጋዓኔ።»10«ሂንዳ ዒንሢ ማሊ ጶቂሣያ ማዔ ዓሳ ዋይዙዋቴ!ፆኦሲ ፑርታ ባኣዚ ማዻኒዻቢንቲያ ማዻኒ ቢያ ባኮ ዳንዳዓ ጎዳፓ ሃኮም!11ፆኦሲ ዓሲም ዓሢ ማዼማ ጉዴያ ጪጋኔ፤ዒ ሃንቴማ ጎይፆዋ ኮይሳሢጉዴያ ማዻኔ።12ቢያ ባኮ ዳንዳዓ ጎዳሢፔቴታዖ ፑርታ ባኣዚ ማዹዋሴ፤ዖጊዳኣ ዒ ዎጌ ዎቢሱዋሴ።13ዓጮ ፆኦሲ ዎይሣንዳጉዲፆኦሲም ሃዳራና ዒንጌ ዓሲ ባኣሴ፤ዓጮ ዑፆይዳ ዒዛ ሱኡጌ ማሂ ዶኦሬ ዓሲያ ባኣሴ።14ፆኦሲ ፔኤኮ ዓያኖንታ ዑኡዞዋፔ ባንሢ ማሃኒ ማሌቴ፥15ዓሲ ዜርሢ ፔቴና ቢያ ባይቄያናንዳኔ፤ጊንሣ ዓጮ ባንሢያ ማዔያ ናንዳኔ።16ኔ ማሊ ጶቂሣያታቴ ሃያ ዋይዜ፤ታ ጌኤዞዋ ዒናፓ ዋይዜ።17ፒዜ ዎጌ ዒፃያ ዎይሣኒ ዳንዳዓ?ፂላሢና ዼኤፖ ፆኦዛሢና ኔኤኒ ዻቢንቴያኬ ጋዓኒ ዳንዳዓ?18ካኣቲ ኮይላ፦ ‹ኔ ፓሡዋያኬ›ፖኦሊሶ ዓይሣ ሱኡጎዋ፦‹ዒንሢ ፑርታኬ› ዔያቶ ጋዓይ ዖናዳይ?19ቢያሢ ማዤሢ ፆኦሲታሢሮዒዚ ፖኦሊሶ ሱኡጎ ዛላ ሌሊ ዔቃዓኬ፤ዖርጎጫሢ ማንቃሢፓ ዱማሳዓኬ።20ሳዓ ጊዲሚሺ ማዓዛ ዓሲ ቤዛ ሃይቃኒ ዳንዳዓኔ፤ዒዚ ጎጋይቃንቴ ሼምፓሢ ዒዛኮ ኬስካኔ፤ዎልቆና ዓኣ ዓሳዓሲ ዔያቶ ፔ ኩቻ ካኣሙዋንቴ ባይቃንዳኔ።21ፆኦሲ ዓሲኮ ቢያ ሃንቲፆ ፓይዲ ዛጋኔ።ፔቴ ፔቴሢኮ ሃንቲፆዋ ዒ ካፓኔ።22ፑርቶ ማዻ ዓሳ ዓኣሺንታ ቤሲ፥ሻኔ ዹሚያኣ ፔቴታዖ ባኣሴ።23ፆኦሲ ዓሲ ዎጌም ፔ ቤርቶ ሺኢሻኒሺኢካንዳ ኬሊ ጌሡዋሴ።24ዎይሣ ዓሶ ቢታንታፓ ኬይሲዔያቶ ቤዛ ሜሌ ጌሣኒዔሮንዶ ጎይሢያ ዖኦጪ ዛጋኒ ዒዛ ኮይሱዋሴ።25ዬያሮ ማዾ ዔያቶሲ ዔሪፔቴ ዋንቴና ቢታንታፓ ዒ ኬይሲ ባይዛኔ።26ዔያታ ማዼ ዋይዞ ዒፆ ዛሎሮጎሞ ዓሶ ዓሲ ቤርታ ዒ ሜታሳንዳኔ።27ዬያ ዔያቶይዳ ዒ ማዻሢዒዛ ጊንፆ ሃንቲፆ ዔያታ ሃሼሢሮናዒዛኮ ዓይሢፆዋ ዔያታ ቶኦቼሢሮኬ።28ማንቆ ዓሶ ዔያታ ሄርቂሢናፆኦሲ ባንሢ ዒላታንዳጉዲ ማሄኔ፤ፆኦሲያ ማንቆ ዓሶኮ ዒላቶ ዋይዜኔ።»29«ፆኦሲ ጉሙርቁዋያፔኤኮ ዴሮም ዔቴ ቦኦካ ካኣታ ካኣታዻዛፆኦሲ ዚቲ ጌይ ዛጌቴዴራ ዓይጎ ዎኦታኒ ዳንዳዓይ?»31«ዓሲ ፆኦሲም ሂዚ ጌዔቴ ኮሺኬ፦‹ታኣኒ ዻቢንቴያኬ፤ ጋዓንቴሃካፓ ሴካ ታኣኒ ዻቢንታዓኬ፤32ታኣኒ ማዼ ጎማ ዎኖታቴያ ታና ዔርዜ፤ታ ዻቤያ ማዔቴ ማይ ላሚ ታኣኒ ማዻዓኬ›ጌዔ ዓሲ ዓኣ?33ዓካሪ ኔኤኒ ፆኦሲ ማኪ ጌስቲፆ ሃሾ ዒፄኔ፤ዬያሮ ዒዚ ኔና ሜታሴ ጎይሣ ዴዓንዳጉዲ ኔ ኮዓ?ዬያ ዛሎ ዔራሢ ኔናኬ፥ ታናቱዋሴ፤ሂንዳ ኔ ጋዓ ባኮ ማሂ ታኣም ኬኤዜ።»34«ታኣም ዋይዛ ዓሳ ሂዚ ታኣም ጋዓኔ፤ጶቂሢ ማላ ዓሳኣ ሂዚ ጋዓኔ፦35‹ዒዮቤ ኬኤዛሢ ዔሩዋዖኬ፤ዒዛኮ ሃይሳኣ ካኣፒኬ›36ፑርቶ ዓሶጉዲ ዒ ማሂ ኬኤዛሢሮዒ ጋፒንፆ ሄላንዳኣና ዎይታቴያ ዛጊንታቴ ዓይጎ!37ዒ ጎሜይዳ ጎሜ ቃሳኔ፤ኑ ባኣኮይዳታዖ ቦሂሢና ኩቺ ዒ ባዓኔ፤ፆኦሲ ዑፆይዳ ማኪሢ ጌኤሲ ዒ ጌስታኔ።»