Kuwi33hch_wb2
1»Kuwi, nepɨmatsiwawirie neniuki pemɨ'enienikɨ,yemekɨ pemi'enienikɨ naime kenemɨtayɨni.2'Ariri neteni nekananutayepieximeni,nekatinitaxatamɨkɨ nekawaɨripiwetɨ.3Neniuki 'iyari 'aixɨa mɨtiuka'iyaritsie kaniyekɨkani,neteni yakatinimaika heitseriemekɨ.4Kakaɨyari 'iyarieya pɨnetsi'utawewi,Naimekɨmɨtɨrɨkaɨye 'iiyaya tukari pɨnetsi'upitɨa.5Xɨkapeyɨweni, keneneuta'eiya,keneu'akuha'aritɨa, yapemɨneranutahɨawixɨanikɨ.6Kakaɨyari hɨxie, 'ekɨ matɨa ne yaxeikɨa tepɨ'anene,netatsiere kwiekɨ nekaniwewiyakametɨni.7Pepɨka'utimamaweni meta pepɨkanetsimakaka,meta nemamá haheteme 'ahetsie pepɨka'erieka.8»Matsi wa'atɨ mɨpaɨ nepɨtiu'enaxɨ mɨpaɨ pepainekai(ne nepa'eriwa):9“Ne 'axanepɨkatiyuruwame. 'Axamɨti'ane nepɨkarexeiya.Nepɨ'itiya meta nehetsie pɨkarahɨiwa.10Matsi, Kakaɨyari nehetsie waɨkawa pɨtiɨhɨa,nemeye'unie pɨnetsi'ayeitɨa.11Ne'ɨkatetsie tepɨa karenakɨ pɨnetsi'ɨhɨameta kenemɨtikuyeika pɨnetsita'ɨwiya”.12»Matsi keneneupitɨa yanemumatitahɨawekɨ kename yakɨ pe'utaine,matsi Kakaɨyari pumariwe keyuri teɨteri.13¿Titayari hetsiena mieme pere'ahaxɨatɨwakename kamatsiku'eiya pe'utaitɨ?14Kakaɨyari waɨkawamexɨa yakatatinahɨaweni,tsepa temɨka'i'enie.15Heiwa tekutsukaku taheinɨtsita,heiwata yɨwikɨta katatinixeiyatsitɨaka,kepauka yemekɨ kwi tekutsukaku,yatɨni kepauka herie temɨtikukutsu ta'utatsie,16mɨkɨ tanakata pɨtatsikɨhɨawemeta temumamakakɨ pɨtatsihayemari'itɨwa,17mɨtatsipatakɨ 'axaketemɨteyuriekɨmeta temɨtehayewanikɨ teyuta'ɨretɨ,18mɨki teukiyata temɨkaheukaxɨrienikɨ,meta mɨki kitenie temɨkaheutahaxɨanikɨ.19Heiwa Kakaɨyari waɨkawa kukuiniyakɨ pɨraka'enitsitɨiya,ra'umete kwinimieme ratikukuinetɨ.20'Ana tawaiyari 'ikwai pɨtixani'erie,'ikwai witsimɨ'anenekɨ putahewa.21Tawaiyari tepeuyehɨpa kayuhekɨakamekɨ,ta'umete muyukuhekɨkɨare muti'inɨata pɨyɨwe.22'Ana pehurani temakateukienitsie,rahetsieri paye'aximeni mumɨnikɨ.23»Matsi xɨka xewitɨ niuki tuayame, xeimiriyari watsata 'ayeneme,tewi hetsiemieme xɨka 'utaniuni,xɨka ya'utayɨni kename heitserie hexeiya,24xɨka 'itinenimayata meta Kakaɨyari xɨka mɨpaɨ tiutawawirieni:“Keneutawikweitsitɨa mɨki teukiyata mɨkaheukahɨiwanikɨ,'ari hetsiena mieme nemɨtiyutuani nekanexeiyani”,25hikɨ 'ana tewi kanitahekwariyariemɨkɨ,nunutsiyari kemɨ'anekai hepaɨ 'anetɨ kanayeimɨkɨ.26Kakaɨyari pɨtahɨawe, mɨkɨta piparewieni,hɨxiena pixeiyani hikɨ yutemawietɨ pɨtahiwa,meta 'ana Kakaɨyari 'atsikatiyuruwame payeitɨani.27'Ana tewi yumɨireme wahɨxie yapɨtayɨni:“'Axanepɨtiuyuri, mɨtiheitserie neputsewixima,matsi mɨkɨkɨ yanepɨkarakapitɨarie.28Kakaɨyari pɨnetsi'utawikweitsitɨa mɨki teukiyapa nepɨkaheukawe,nepayeyuri, hekɨariyatsie 'akuxi nepuyeika”.29»'Ikɨ naime Kakaɨyari yapɨtiyurieneheiwamieme, hutarieka meta hairieka paitɨ,30mɨtatsitawikwetsitɨanikɨ temɨkakwinikɨ,hekɨariya tukaritsie mieme mɨtatsihekɨariwiyanikɨ 'akuxi.31»Kuwi, yemekɨ keneneu'eni,kayuwatɨ ketinekani, nepɨtaniuni.32Xɨka perayexeiyani, keneneuta'eiya,keneutaniu, ne xatsunikɨ nepɨmatitaxatɨanikeyu.33Yatɨni pepɨkatitaxata, kayuwatɨ keneneu'enine kemɨtimaiwenikɨ nepɨmatitaxatɨani».