Iyyoba Maxaafa32gof_ltw

Elihu Haasaya

1Iyyobi, “Taani xillo asi” gida gisho, ha heedzu asati iyaw zaaro imo aggaagidosona.2Iyyobi Xoossaafe aathidi bana xillo oothida gisho, Rama yarape gidida Buza biittafe yida Barkela na7ay Elihuy Iyyoba bolla hanqetis.3Enti iya coo bala gidi pirdidi, iyaw bessiya zaaro immanaw danda7iboona gisho Elihuy ha heedzu laggeta bollaka hanqetis.4Elihuy entafe kaalotiya gisho enti ubbay haasaya wursana gakanaw naagis.5Ha heedzu asati Iyyobas bessiya zaaro immanaw danda7iboonaysa be7idi I daro yilotis.6Buza biittafe yida Barkela na7ay Elihuy haysada yaagidi haasaya doomis.“Taani hintefe na7atayis;hinte taape bayrateta;Hessa gisho, taani ta qofaa hintew odanaw yayyas.7Taani, ‘Cimati odeto;banta daro laythan demmida cincatethaa tamaarsonna’ ” gada qopas.8Shin asa giddon aqidi cincatethi immey,Ubbaa Danda7iya Xoossaa Ayyaana.9Ase cinca oothey cimatethi gidenna,woyko asas akeeka immey laytha darotethi gidenna.10Hessa gisho, si7ite;taka ta qofaa hintew odana.11Hinte haasaya wode,taani si77i gada hayzas;hinte odana qaala koyishin naagas.12Hinte geysa ubbaa wursada si7as;shin hintefe oonika Iyyoba bala gidi ammanthibena;hintefe oonika iya palamas bessiya zaaro immibeenna.13Iyyoba odaas kalsiya zaaro immanaw danda7ey,Xoossefe attishin, ase gidonna gisho,hinte, “Nuus cincatethi de7ees” goopite.14Iyyobi palamiday taara gidonashin hintera;taani hinte odada iyaw zaaro immike.
15Enti dagammidi,gaanaba dhayida gisho,zaaro immanaw danda7ibookona.16Yaatin enti odetiyaba dhayidi si77i gidi eqiko,taani naaganaw koshshii?17Gidenna, taani odiyabay de7ees;taka ta qofaa qoncisana.18Ta odanabay daroy de7iya gisho,ta giddon de7iya ayyaanay tana oda gidi sugees.19Ta gaathay goozetida manaaceda,woyko mal7anto woyne ushshi kumida ogorodadhuuqana hanees.20Ta odada kessanaw bessees;ta doona dooyada zaaro immanaw koshshees.21Ha odan taani oonaka maaddike,woyko oonaka coo sabbike.22Ase coo sabbiyabay taw eretenna;ta hessa oothiyako tana medhidaysi pirdanashin.
expand_more
Search