UJobe3nde_bib

Inkulumo KaJobe

1Ngemva kwalokho uJobe wavula umlomo wakhe waliqalekisa ilanga azalwa ngalo.2Wathi:3“Sengathi ilanga lokuzalwa kwami lingatshabalala,lalobobusuku okwathiwa, ‘Kuzelwe umfana!’4Lolosuku sengathi lungaphenduka ubumnyama;sengathi uNkulunkulu ophezulu angangalunanzi;lokukhanya kucime ngalo.5Sengathi ubumnyama lethunzi elikhulu kungaluginya njalo;sengathi iyezi lingalusibekela;sengathi umnyama ungalugubuzela.6Lobobusuku, sengathi ubumnyama bungabuthi jwamu;sengathi bungayekelwa ukubalwa kanye lezinsuku zomnyakafuthi bungangeniswa lakuyiphi inyanga.7Sengathi lobobusuku bungaba yinyumba;sengathi kungeze kwezwakala umsindo wentokozo ngalo.8Sengathi labo abaqalekisa insuku bangaluqalekisa lolosuku,labo abazimisele ukuhlokoza uLeviyathani.9Sengathi izinkanyezi zalo zokusa zingafiphala;lulindele imini kube yizelungayiboni imisebe yokuqala yokusa,10ngoba kaluyivalanga iminyango yesibeletho ngisizaukufihla uhlupho emehlweni ami.
11Kungani ngingafanga ngizalwa,ngahle ngacitsha ngisaphuma esiswini na?12Kungani kwaba lamadolo okungemukelalamabele okungimunyisa na?13Ngoba manje ngabe ngilele ekuthuleni;ngabe ngisebuthongweni ekuphumuleni14kanye lamakhosi lababusi bomhlaba,ababezakhele izindawo okwamanje sezingamanxiwa,15kanye lamakhosana ayelegolide,egcwalise izindlu zawo ngesiliva.16Kumbe kungani ngingathukuzwanga emhlabathini njengomphunzo na,njengosane oluvele lungazange lubone ukukhanya kosuku?17Khonale ababi kabasaxokozeli,njalo khonale abakhatheleyo basekuphumuleni.18Abathunjiweyo labo bazuza ukukhululeka;kabasakuzwa ukuhaladwa ngumtshayeli wabathunjiweyo.19Abantukazana lezikhulu bakhonale,lesigqili siyakhululwa enkosini yaso.
20Kungani ukukhanya kuphiwa labo abasosizini na,lokuphila kulabo abalobuhlungu emphefumulweni,21kulabo abakhalela ukufa okungafikiyo,abakuthungathayo ukwedlula ingcebo efihliweyo,22abaphuphuma ngenjabulobathokoza nxa sebefika engcwabeni?23Kungani impilo iphiwa umuntuondlela yakhe ifihliwe,uNkulunkulu amhonqolozeleyo na?24Ngoba ukububula sokuphenduke ukudla kwami kwansukuzonke;ukugomela kwami kuthululeka njengamanzi.25Ebengikwesaba sekungehlele,obekungitshayisa ngovalo sekwenzakele kimi.26Kangilakho ukuchelesa, kangilakho ukuthula;kangilakuphumula, kodwa ukuhlupheka kuphela.”
expand_more
Search