ዒዮቤ ማፃኣፖ3mdy_twf

ዒዮቤ ፔ ሾይንቴ ኬሎ ጋዳንቄሢ

1ዬካፓ ዒዮቤ ጌስቲፆ ዓርቃዖ ፔ ሾይንቴ ኬሎ ሂዚ ጌይ ጋዳንቄኔ፦2«ታ ዒንዶኮ ዑፃ ታ ዓቴ ዋንቴላታ ሾይንቴ ኬሌላኣ ጋዳንቂንቴያ ማዖም!4ዬና ኬሌላ ዹሚ ባንሢ ላኣሚንቶም፤ጫሪንጮ ፆኦዛሢ ዒዞም ማሎፓ፤ፖዒ ፔቴታዖ ዒዞይዳ ጴዾፓ።5ቃኣዮና ሻኔ ዹሚና ዒዛ ካንቂቴያ ማዖም፤ዒዞ ኬሌሎኮ ፖዓ ሻኣሬ ዹሚና ካንቂንቴያ ማዖም፤6ዬኖ ኬሌሎ ሻኔ ዹሚ ካንቆንጎ፤ሌዖ ጋራ ዓኣ ኬሎና ዎላ ፓይዲንቶፓ፤ዓጊኖ ባኣኮዋ ጌሊ ዒዛ ዓዺንቶፓ።7ዬኖ ኬላ ዓሲ ሾይንቱዋ ኬሊ ማዖንጎ፤ዎዛ ዑኡሲያ ዒዞይዳ ዋይዚንቶፓ።8ሌዋታኔ ጌይንታ ቦዖ ጴቻኒ ዳንዳዓዞንሢናኬሎ ጋዳንቃ ማርሾ ዓሳ ዬኖ ኬሎ ጋዳንቆንጎ።9ዬኖ ዋንቶኮ ካሪፆ ዦኦጋሢ ዹሞንጎ፤ፖዒኮ ሃጊ ማዓንዳ ዎዛኣ ዒኢካ ጴዾፓ፤ካሪሢ ዓቢያ ዒዞይዳ ፆርቆፓ።10ዬና ዋንቴላ ታኣኒ ታ ዒንዶ ጎጳፓ ኬስኩዋጉዲሃሣ ሜቶዋ ታ ዓኣፓፓ ዓኣቻኒሾይፆ ካሮ ታ ጊዳ ዎዺባኣሢሮ ጋዳንቂንቴያ ማዖንጎ።»11«ዎንዴ ታ ዒንዶ ጎጳ ዓኣዖሃሣ ዒንዶ ጎጳፓ ታ ኬኬስካዖ ሃይቄቴ ዓይጎ?12ታ ዒንዳ ፔ ጉባዛ ዓይጋ ታና ጎዴይ?ዓይጋ ታና ዒዛ ፔ ዻንፆ ዻንሢሤይ?13ዒማና ታ ሄኤዶ ሃይቂ ላሄያታቶሄኤዶ ታ ሃውሼያ ናንዳንቴኬ።14ሃሢ ሻሂንቲ ዓኣ ቤዞ ፔኤም ጌዒ ኮሼዓጮ ካኣቶንታ ዔያቶኮ ዞራ ዓሶንታ ዎላሄኤዶ ታ ላሂ ሃውሾ ዴንቄያ ናንዳንቴኬ።15ፔኤኮ ማኣሮ ዎርቄና ቢራና ኩንሤ ሱኡጎና ዎላታ ሄኤዶ ላሄያ ናንዳንቴኬ፤16ሃጊ ዓጊኒ ሄሊባኣንቴ ሾይንቲ ዱኡቴያፖዒያ ፔቴታዖ ዛጊባኣ ናይጉዲ ታ ማዔቴ ዓይጎ?17ፑርታ ዓሲ ዱኡኪንቲና ፔኤኮ ፑርቶ ማዾ ሃሻኔ፤ማዾ ማዺ ላቤ ዓሳኣ ዱኡፖይዳ ሃውሻኔ።18ቱኡዞ ዓሳታዖ ዒኢካ ኮሹሞ ዴንቃኔ፤ዔያቶ ማዺሻ ዓሶ ጎሪንታፓ ዔያታ ዻቃኔ።19ዻኮንታ ዼኤፖ ዼኤፖ ዓሶንታ ዒኢካ ፔቴይዳ ዓኣኔ፤ሃሣ ካራማኣ ዒኢካ ዔያቶ ዎይሣ ዓሶ ዓይላታፓ ኬስካኔ።»
20«ዋኣዪሢዳ ዓኣዞንሢም ፖዒናንጋ ጫንቄ ዖዪሢና ኩሜ ዓሶምሼምፔ ዓይጋ ዒንጊንታይ?21ዺቢ ቆሎፓ ባሼሃይቢ ኮዒ ዴንቁዋኣዞንሢምሼምፔ ዓይጋ ዒንጊንታይ?22ዱኡኪንታ ዎዶና ዎዛዻዞንሢምሼምፓ ዓይጋ ዒንጊንታይ?23ጎይፃ ባይቄሢምፆኦሲ ካራ ዎዼ ዓሢምፖዒ ዓይጋ ዒንጊንታይ?24ሙዖ ሙዖንዶ ቤዞ ታ ዖዪሢና ሜታዻኔ፤ዒላታ ታኣኮ ዓልቂ ጋፑዋ ዋኣሢጉዲኬ።25ታ ዒጊጬ ባካ ታ ኮይላ ሙኬኔ፤ዓልቲ ታ ማሌ ባካ ታና ሄሌኔ።26ኮሹሞና ሃውሺሢና ታኣኮ ባኣሴ፤ታ ሜቶኮዋ ጋፒንሢ ባኣሴ።»
expand_more
Search