Kuwi3hch_wb2

Kuwi matɨari kemutayɨ

1Hikɨ mɨyatiɨyɨku, Kuwi pɨkayɨwekairi kaiwatɨ mumaka hikɨ 'axaputayɨ kepauka mutinuiwaxɨ hetsiemieme.2Mɨpaɨ kaniutayɨni Kuwi:3«Ke'ukumawere tukari kepauka nematinuiwaxɨtsie miememeta tɨkarikɨ mɨpaɨ mɨtiutaniukietsie: “'Ukitɨtɨ kanetinuiwa”.4Mɨkɨ tukari yɨriya kehayani,Kakaɨyari 'amautitewa muyeika tɨma yapɨkatimaika,xawaturiya hetsiena tɨma pɨkaxuaweni.5Yɨriya meta 'etɨriya 'amayetsuyehetsiena ketinakeni.Haiwitɨri yu'etɨrikɨ ke'enukanani,yɨriya hekɨariyaya ke'a'iwa.6'Ana tɨkariyaritsie yɨriya 'e'ayetsuitɨ kenuani,mɨkɨ tukari wiyaritsie pɨka'inɨatsieka,meta nixeime metseriyaritsie tɨma pɨka'aka'utsieni.7'Ana tɨkariyaritsie nixewitɨ pɨkatinunuiwani,hiwari temawierikayari mɨkɨtsie pɨkaxuaweni.8Tɨrɨkariya memexeiya 'axame'utiyuatɨ yameke'utiyuani 'axamɨ'itɨarienikɨ,Rewiyatahini haramaratsie mɨyeyeika meke'anutahɨtɨani.9Ximeri miemete xurawetsixi meke'ɨyɨre,yakɨ xeikɨa hekɨariya tukarikɨ mieme meke'ukwewieni,meta matɨari xawatɨriya manatineika mepɨkaxeiyani.10Matsi nemaama hukayatsie pɨkareuna nemutinuiwaxɨtsiemeta mɨka'uta'imakɨ 'ikɨ naime 'uximatɨarika nemɨtixeiyakɨ.
11»¿Ketitayari nemɨkitɨ nekatiutinuiwaxɨ?¿Ketitayari ne'uweka nekatiɨmɨ?12¿Ketitayari nemaama tunuteyatsie netiukutekie,meta tsitsitsie nemɨtsitsitɨarienikɨ?13Ne hikɨ nekahe'uximatɨarietɨ nepe'uxipiekakeyu,tinakemekɨ hikɨ nepekutsunikeyu14'ena kwiepa te'aitamete meta 'ɨxatsitamete wahamatɨa,paratsiyute 'amɨtimamariwawe memutiwewi hikɨ mɨreuyewe,15kuwexinaruritsixi huru waɨkawa memɨyetua watsatameta yukiiteta pɨratate memɨte'utihɨniyaxɨakai.16¿Ketitari nunutsi manuyewe hepaɨ nekatiuteukie,mɨkɨ tɨɨri hatsuaku hekɨariya memɨka'uxei wahepaɨ?17Mana 'axamemɨte'u'iyari mekatenikuhayeikawani ke'axamemɨteyuriekɨ.Mana waɨriyarika memɨte'uximayatsitɨarie mekaniuka'uxipiweni.18Yaxeikɨata memanutaxɨriya 'uxipiya kayuwatɨ mekanexeiyakakuni,mɨtiwa'aitɨwame hiwarieya memɨka'eniekɨ.19Mana mekaniyutinɨnɨweni memɨkamamariwawe meta memɨmamariwawe,meta ti'uximayatame yukutsiyari hɨxie kanetatuiyamɨkɨ.
20»¿Ketitayari Kakaɨyari memɨte'uka'eniwa tiwapitɨa hekɨariya memɨxeiyanikɨ?¿Ketitayari tukari tiwapitɨa memɨte'uka'eniwa?21Mɨkɨ memɨkwikwi'ini yamepɨteha'eriwakaku matsi mepɨkaheixeiya mɨɨya,tsepanetɨ memiwautɨwe waɨkawa, mɨraye'axe mɨ'awietɨ kememɨkatewautɨwe hepaɨ.22Waɨkawamekɨ mepuyutemamawiekakeyu,me'utinawetɨ mɨkite memakateukiwatsie xɨka me'atɨarienike.23¿Ketitayari Kakaɨyari tewi tikunamirieyamɨkatimate hakewa metɨa?24Paa nekatakwaiwetɨ 'akuxi, ne'aiwarikakɨ nekanayeikani,netsuari haa hepaɨ kanitayeuriweni.25Ketita matsi waɨkawa nemɨtimakakai, nehetsie katiniunake,ketita matsi waɨkawa munetimariutakai, nehetsie yakatiniuyɨni.26'Uxipiya meta kayuwatɨ nepɨkahexeiya,nemaka'uxipienitsie nepɨkataxeiyawe, 'uximatɨarika xeikɨa nehetsie pɨtinake».
expand_more
Search