Iyyoba Maxaafa3gof_ltw

Iyyoba Haasaya

1Hessafe guye, Iyyobi ba doona dooyidi, ba yeletida gallasaa haysada yaagidi baaddis.
3“Taani qanthatida qammaynneyeletida gallasay baadetidaba gido!4He gallasay dhuman laameto!Salo Xoossay he gallasaa qopofo;iya bolla poo7oyka poo7opo.5Sakana dhuminne caagani iya goozo;iya shaarii kammo;iya poo7uwa dhumi qoso.6He gallasaa qamma sakana dhumi oyko.Laytha giddon de7iya gallasatan taybetofo;ageenata taybonka gelopo.7He qammay mayno;ufaysa ililsi iyan si7etofo.8Leewataane denthanaw danda7eysatinnegallasata baaddeysati he gallasaa baaddo.9He qamman bakali poo7opo;poo7o naagidi demmofo;wonta xalqey iyaw dolopo.10He gallasay taani ta aaye ulon qanthatonna melanneha waayiya be7onna mela ashshiboona gisho baadetidaysa gido.
11“Taani ta aaye ulon haatha gidida gidarkina!Ta aaye ulope yeleta wodhida mela hayqida gidarkina!12Ta aayiya tana ayis ba ki7on ekadesha?Ba dhanthaaka tana ayis dhanthadesha?13He wode taani hayqidaba gidiyako,ha77i taani shempada dhiskana shin!14Ha77i laaletida bessata bantaw keexida,ha sa7aa kawotaranne zoreysatara,15enta keethan worqaynne biray kumida halaqataraissife duufon zin7anashin!16Woyko bosha gididi yeletida na7ada,gallasa poo7o be7iboona yooga na7ada biitta giddon ayis qosetabikina?17Duufon iitati banta iita ooso aggoosona;yan daaburanchoti shempoosona.18He bessan qasho asati shempidi ufaytoosona;enta un7etheyisata waasuwa yan si7okona.19Gitinne guuthi yan de7ees;aylletika aylletethafe yan la77a keyoosona.
20“Meton de7eysatas,shempoy cametidaysatas,poo7oy ayis imetidee?21Hayqo amotidi demmonaysatas,qottidi wothida shalope aathidi koyeysatas,de7oy ayis imetidee?22Duufo gakiya wode ufayteysatas,de7oy ayis imetidee?23Ogey dhayida uraas,Xoossay iya yuushuwa dirida uraas,poo7oy ayis imetidee?24Ooley taw kathi gidis;ta waasoy goggiya haathi gidis.25Taani yayyidabay ta bolla gakis;taani dagammidabay taw hanis.26Taw metope attishin,saroy, wopinne shempoy baawa” yaagis.
expand_more
Search