Read እዮባ ማፃፋ 3

እዮባ ማፃፋ3gof_etw

እዮባ ሃሳያ

¹ሄሳፈ ጉየ፥ እዮብ ባ ዶና ዶይድ፥ ባ የለትዳ ጋላሳ ሀይሳዳ ያግድ ባድስ።

³“ታኒ ቃንትዳ ቃማይነየለትዳ ጋላሳይ ባደትዳባ ግዶ!⁴ሄ ጋላሳይ ማን ላመቶ!ሳሎ ፆሳይ ሄ ጋላሳ ቆፖፎ፤እያ ቦላ ፖኦይካ ፖኦፖ።⁵ሳካና ምነ ጫጋን እያ ጎዞ፤እያ ሻሪ ካሞ፤እያ ፖኡዋ ም ቆሶ።⁶ሄ ጋላሳ ቃማ ሳካና ም ኦይኮ።ላይ ግዶን ደእያ ጋላሳታን ታይበቶፎ፤አጌናታ ታይቦንካ ገሎፖ።⁷ሄ ቃማይ ማይኖ፤ኡፋይሳ እልልስ እያን ስኤቶፎ።⁸ሌዋታነ ደንናዉ ዳንዳኤይሳትነጋላሳታ ባደይሳት ሄ ጋላሳ ባዶ።⁹ሄ ቃማን ባካል ፖኦፖ፤ፖኦ ናግድ ደሞፎ፤ዎንታ ፃልቀይ እያዉ ዶሎፖ።¹⁰ሄ ጋላሳይ ታኒ ታ አየ ኡሎን ቃንቶና መላነሀ ዋይያ በኦና መላ አሽቦና ግሾ ባደትዳይሳ ግዶ።

¹¹“ታኒ ታ አየ ኡሎን ሃ ግድዳ ግዳርክና!ታ አየ ኡሎፐ የለታ ዎዳ መላ ሀይቅዳ ግዳርክና!¹²ታ አይያ ታና አይስ ባ ክኦን ኤካደሻ?ባ ንካ ታና አይስ ንደሻ?¹³ሄ ዎደ ታኒ ሀይቅዳባ ግድያኮ፥ሀእ ታኒ ሸምፓዳ ስካና ሽን!¹⁴ሀእ ላለትዳ በሳታ ባንታዉ ኬፅዳ፥ሀ ሳኣ ካዎታራነ ዞረይሳታራ፥¹⁵ኤንታ ኬን ዎርቃይነ ብራይ ኩምዳ ሀላቃታራእስፈ ዱፎን ዝንአናሽን!¹⁶ዎይኮ ቦሻ ግድድ የለትዳ ናአዳ፥ጋላሳ ፖኦ በእቦና ዮጋ ናአዳ ቢታ ግዶን አይስ ቆሰታብክና?¹⁷ዱፎን ኢታት ባንታ ኢታ ኦሶ አጎሶና፤ያን ዳቡራንቾት ሸምፖሶና።¹⁸ሄ በሳን ቃሾ አሳት ሸምፕድ ኡፋይቶሶና፤ኤንታ ኡንኤይሳታ ዋሱዋ ያን ስኦኮና።¹⁹ግትነ ጉ ያን ደኤስ፤አይለትካ አይለተፈ ያን ላአ ከዮሶና።

²⁰“መቶን ደኤይሳታስ፥ሸምፖይ ጫመትዳይሳታስ፥ፖኦይ አይስ እመትዴ?²¹ሀይቆ አሞትድ ደሞናይሳታስ፥ቆትድ ዎዳ ሻሎፐ አድ ኮየይሳታስ፥ደኦይ አይስ እመትዴ?²²ዱፎ ጋክያ ዎደ ኡፋይተይሳታስ፥ደኦይ አይስ እመትዴ?²³ኦገይ ይዳ ኡራስ፥ፆሳይ እያ ዩሹዋ ድርዳ ኡራስ፥ፖኦይ አይስ እመትዴ?²⁴ኦለይ ታዉ ካ ግድስ፤ታ ዋሶይ ጎግያ ሃ ግድስ።²⁵ታኒ ያይዳባይ ታ ቦላ ጋክስ፤ታኒ ዳጋምዳባይ ታዉ ሀንስ።²⁶ታዉ መቶፐ አትሽን፥ሳሮይ፥ ዎፕነ ሸምፖይ ባዋ” ያግስ።

እዮባ ማፃፋ 3 / gof_etw

እዮባ ሃሳያ

እዮባ ማፃፋ3gof_etw