عَيُبَ28sus_apb

عَيُبَ شَ مَسٍنيِ سٌلٌمَنَانِ ندٍ دّ عِدْشْي مَن

«لْننِ نَ مِندٍن؟»

1«يِرٍ نَ نَ فبٍتِ بَمَ بْشِ مَ دّننَشّ،شّيمَ رَشُنُدٍ قَن نَ نَ.2يِرٍ نَ نَ وُرٍ بَمَ بْشِ مَ دّننَشّ،فّمّ رَشُنُشِ قَن وُرٍ فبٍيلِ رَ مِنِمَ.3مِشِ يِلِ فٍمَ بْشِ بُن دِ مِ كُي نَ سٍيٍ قٍنقٍ رَ.4عٍ يِلِ فٍمَ وُلَ عِ،دّننَشّ مَكُيَ مِشِ سَبَتِدٍ رَ.مّننِ مِشِ فٌرٌ مَ لُوتِ مَ بْشِ بُن مَ.5بَلٌي مِنِمَ بْشِ قَرِ،كْنْ عَ بُنيِ تَن لُمَ عَلْ تّ نَن يِرِيِرِ مَ.6مّننِ عٍ فّمّ تٌقَنيِيٍ تٌمَ،عٍ شّيمَ قُحِ رَ مِنِمَ.7شْنِ شَاحّ مُ مّننِ كِرَ كٌلٌن،سّفّ مُ مّننِ تٌمَ.8سُبٍ مَفَاشُشِ مُ عٍ حّرّ مَ مّننِ،يّتّ مُ دَنفِمَ نَا.9كْنْ عَدَ مَ تَن فّمّ شْرْشْي فٍمَ،هَن عَ فٍيَ بُنيِ لِ.10عَ يِلِ فٍمَ فّمّ كُي،عَلَكٌ عَ شَ نَاقُلِ تٌ.11عَ يٍ كِرَ بَلَنمَ،عَ تّ شَنِنمَ نَا عَلَكٌ عَ شَ سٍ نْشُنشِ تٌ.»
12«كْنْ لْننِ تَن تٌمَ مِندٍن؟شَشِلِ قَنيِ لُدٍ نَ مِندٍن نَ؟13عَدَ مَ مُ لْننِ تِدٍ كٌلٌن.لْننِ مُ تٌمَ دُنِحَ مِشِ بَلٌشِيٍ تَفِ.14عَ مُ تٌمَ دَبٌنيِ شُنفبٍ كُي،عَ مُ تٌمَ بَا مَ.15عَ مُ سَرَ مَ شّيمَ رَ،عَ مُ سْتْمَ فبٍتِ رَ.16عَ مُ سَمَ سِكٍيلِ مَ شّيمَ سّيتِ مَ،شَ نَ مُ عَ رَ فّمّ تٌقَنيِيٍ سّيتِ مَ.17عَ مَنِيّ مُ نَ.عَ مَنِيّ مُ قِندِ شّيمَ رَ،عَ مُ قِندِ فّمّ تِنسٍشِ رَ،عَ مُ قِندِ شّيمَ ثْوتِ تٌقَنيِ رَ.18لْننِ تِدٍ فبٌ دِيَمَن بّ،عَ سْتْقٍ تِدٍ فبٌ فّمّ تٌقَنيِ بّ نَشَن تٌمَ بَا مَ.19لْننِ مَنِيّ مُ قِندِ فّمّ تٌقَنيِ رَ،نَشَن كٍلِشِ يِرٍ مَكُيٍ.عَ مُ مَنِيَمَ سِكٍيلِ رَ عَلْ شّيمَ.»
20«نَ كُي، لْننِ كٍلِشِ مِندٍن؟شَشِلِ قَنيِ لُدٍ نَ مِندٍن نَ؟21عَ نْشُنشِ نِمَسٍيٍ مَ نَشٍيٍ نَ بْشِ مَ،عَ نْشُنشِ شْنِيٍ مَ نَشٍيٍ نَ كٌورٍ مَ.22عَلِفِيَمَ بَرَ عَ شَ قٍ ندٍ مّ،كْنْ عَ مُ عَ كٌلٌن.23عَلَ نَن لْننِ كِرَ كٌلٌن،عَ تَن نَن عَ لِنفِرَ تٌمَ،24بَرِ مَ عَ تَن نَن دُنِحَ نُن كٌورٍ عِفبّمَ هَن عٍ دَندٍ.25عَ تٌ فّ قٌيٍ نُن يٍ عِتَشُندٍ،26عَ تٌ فّ تُنّ، سٍيَمَكْنيِ، نُن فَلَنيِ يَمَرِدٍ،27عَوَ، عَ نَشَ لْننِ رَ مِنِ، عَ عَ مَتٌ عَ قَنيِ رَ.28نَ كُي عَ نَشَ عَ قَلَ عَدَ مَدِيٍ بّ،عَلَ شَ يَرَفَاشُي قِندِشِ لْننِ نَن نَ،قٍ حَاشِ بّحِنقٍ قِندِشِ شَشِلِ قَنيِ نَن نَ.»
expand_more
Search