1Ya kele na bisika yina ba ke kwendaka baka palata,mpe bisika yina ba ke vedisaka wolo.2Kisengo ke katukaka na yisi ya ntoto,ba ke sulumunaka ditadi samu na kuzwa kisengo ya mbwaki.3Muntu ke kyenzulaka kitombe ya kulutila,mpe yandi ke sosaka tii na kati-kati ya yisi ya ntoto,matadi yina kele ya kubumbama na kati ya mpewo ya lufwa.4Yandi ke yidikaka dibulu ya nene ntama ya kisika yina bantu ke zingaka,kisika yina ata muntu lenda kutula dikulu,bawu kele ya kuledika na basinga,ba ke na kuzungana ntama na bantu.5Ntoto yina ke pesaka beto madyame mwangana tii na kati-kati ya yisi ya ntoto,mutindu ti ni tiya me yoka yawu.6Ni na kati ya matadi yina ba ke kuzwaka matadi ya ntalu,yina ba ke bokilaka safile,ni kuna ba ke kuzwaka fundu-fundu ya wolo.7Mbemba, zaba ve banzila ya yisi ya ntoto,disu ya koko-mbele mpe lenda tala yawu ve.8Bibulu ya nene ya mfinda me lutilaka kuna ve,nkosi me lutilaka ntete kuna ve.9Muntu ke pasulaka ditadi ya ngolo,yandi ke mwangisaka myongo kubanda na myanzi ya yawu.10Yandi ke fungulaka banzila na kati ya matadi,meso ya yandi ke talaka nyonso yina ke na luvalu.11Yandi ke yumisaka banzadi,nyonso ya kubumbama, yandi ke lakisaka yawu na pwelele nyonso.12Ndwenga, wapi kisika ba lenda kuzwa yawu?Mayela, wapi kisika yawu ke zingaka?13Muntu zaba ve ntalu ya yawu,samu ti awa na ntoto ya bantu ya moyo yawu kele ve.14Dibulu ya kondwa nsuka ke tuba: «Yawu kele ve na kati ya munu.»Mubu ke tuba: «Yawu kele ve na sika ya munu.»15Ba lenda sobisa yawu ve na kisika ya wolo ya mbote,ba ke sumbaka yawu ve na palata.16Ba lenda fwanikisa yawu ve na ntalu ya wolo ya Ofile,ya onikese, to ya safile.17Yawu lenda fwanana ve na wolo to na ditadi ya ntalu yina kele mutindu kitala-tala yina ke lezimaka.Yawu lenda kuyingana ve na kisika ya kopo ya wolo ya mbote.18Yawu lenda fwanana ve na matadi ya ntalu yina ba ke bokilaka kolayempe kitala-tala yina ke lezimaka, kuvwanda na ndwenga me lutila na kolaye.19Ba lenda kufwanikisa ve yawu na topaze ya Kuse,ata wolo ya mbote lenda kuzwa ve ntalu ya yawu.20Ndwenga, wapi kisika ba lenda kuzwa yawu?Mayela, wapi kisika yawu ke zingaka?21Yawu kele ya kubumbama na meso ya bantu nyonso ya moyo,yawu ke talanaka ve na bandeke na mazulu.22Yinza ya bayina zimbanaka mpe lufwa ke tubaka mutindu yayi:«Beto kuwaka bansangu ya yawu!»23Ni Nzambi zaba nzila yina,mpe ni yandi zaba kisika yina yawu kele.24Samu ti ni yandi ke talaka tii na bandilu ya ntoto,yandi ke talaka nyonso yina kele na yinza.25Yandi yidikaka ngolo ya mupepe,mpe yandi salaka ndilu ya maza.26Yandi salaka ndilu ya mvula,yandi yidikaka nzila ya lusyemo, na ya nzasi.27Na yina, yandi talaka ndwenga, yandi ndimaka yawu,yandi tulaka lufulu ya yawu, yandi fyongoninaka yawu.28Na manima, yandi tubaka na muntu:«Kuzitisa Mfumu, ni yawu ndwenga!Kuvwanda ntama na yimbi, ni yawu mayela!»