Read ዒዮቤ ማፃኣፖ 28

ዒዮቤ ማፃኣፖ28mdy_twf

ዔራቶ ጋዳይሲሢና ጌስቶና ካላሊ

¹«ቢሮ ዓንጎ ኬሳኒ ማዒዲኔ ጌይንታ ባካ ቦኦኪንታያንታዎርቄ ሼኤሾ ቤሲያ ዓኣኔ።²ዓንጊ ሳዓይዳፓ ቦኦኪንቲ ጴዻኔ፤ማዳኣቤ ጌይንታ ባካኣ ሹቺዳፓ ሼኤሺንታኔ።³ዓሳ ዹሞይዳ ዓኣ ባኮ ፔጋሲ ኬሳኔ፤ዴንዲ ሳዖኮ ዴሞ ሄሊ ሻኔ ዹሞይዳ ዓኣማዒዲኖ ሹጮ ኮዓኔ።⁴ዓሲ ናንጋ ቤዛፓ ሃኪ ዴንዲዓሲ ሄሊ ቤቂባኣ ቤሲ ሄላኔ።ዒኢካ ኮሺ ዔታዻ ዔቴ ቦኦካኔ፤ሱሲዳኣ ሹላሊ ሹላሊ ዓሲዳፓ ዱማዺ ፔኤኮ ማዻኔ።⁵ሳዓ ሙኡዚም ማዓ ሃኣኮ ባቃልሳኔ፤ዒዞኮ ጋራ ጋዓንቴ ታሚና ዓልቂ ባይቃኔ።⁶ሴኔፔሬ ጌይንታ ቦንቺንታ ሹጫዒዞይዳ ዓኣ ሹጮ ባኣካፓ ጴዻኔ፤ዒኢካ ዓኣ ዓጮይዳፓኣ ዎርቄ ጴዻኔ።⁷ዬያ ማዒዲኖ ባንሢ ዔኪ ዓኣዻ ጎይፆኪላንቄያ ዔሩዋሴ፤ሃምፑራኣ ዴንቁዋሴ።⁸ፑርቶ ቦዓ ዬኖ ባንሢ ዓኣዺያ ዓኣዹዋሴ፤ዞቢያ ዒኢና ሃንቱዋሴ።»

⁹«ዓሲ ሳዖ ቦኦካኣና ፔ ኩጮና ዓጬ ሹጮ ቡጋኔ፤ዹኮዋ ማዢንቶ ፃጳፓ ዶይሳኔ።¹⁰ላሎ ቆኦቂ ኬስኮ ጎይሢ ኮሻኔ፤ቦንቺንታያ ማዔ ማዒዲና ኬስካ ሹጮዋ ዒኢፓ ዴንቃኔ።¹¹ዋኣሢ ዬያ ማዒዲኖ ባንሢ ዎቱዋጉዲዎራ ዔቃ ካሮ ዲርቂ ቃዛኔ፤ሳዖ ዴማ ዓኣቺንቲ ዓኣ ቆሎዋ ዴንቃኔ።¹²ዓካሪ፦ ዔራቶ ዓንካፓ ጴዻይ?ማሊ ጶቂሥሢኮዋ ቤዛ ዓንካዳይ?»¹³«ዔራቶ ሼምፓ ዓኣ ማዢንታ ናንጋ ሳዖይዳ ጴዹዋሴ፤ዒዛ ዋኣዺም ሻንቺንታቴያ ዔራይ ባኣሴ።¹⁴ዼኤፖ ባዞንታ ዳልጎ ዋኣፆንታ‹ዔራቶ ኑ ኮራ ባኣሴ› ጋዓኔ።¹⁵ዔራቶ ጌኤሺ ዎርቄና ሻንቂንቱዋሴ፤ዒዛ፦ ‹ያኣዼ ቢራ ዔካንዳኔ› ጌይንቱዋሴ።¹⁶ዔራቶ፦ ዖፔሬ ጌይንታ ዎርቆንታ ሜሬጊዴንታሴንፔሬ ጌይንታ ሚዛጶ ሹጮፓኣ ባሼ ቦንቺንታያኬ።¹⁷ዎርቄንታ ጌኤሺ ሌማሌኤሼያ ዒዞና ቤቃያቱዋሴ፤ዎርቄፓ ኮሾና ፓልሞናኣ ላኣሚንታያቱዋሴ።¹⁸ዔራቶ ኪቤና ዓልማዞ ጌይንታ ባኮፓ ቢያ ባሼኬ፤ዞቄ ሚዛጶ ሹጮፓኣ ዑሣ ባሻያኬ።¹⁹‹ቶጳዚዮኔ› ጌይንታ ዒቶጲያኮ ሚዛጶ ሹጫ ዒዞ ሄሉዋሴ፤ኮሺ ጌኤሺ ማዔ ዎርቄናኣ ማላቲንቱዋሴ።²⁰ሂዴቶ፦ ዔራቶ ዓንካፓ ሙካይ?ማሊ ጶቂሥሢያ ዎካፓ ጴዻይ?»²¹«ሼምፓ ዓኣ ማዢንቲ ቢያፓ ዒዛ ዓኣሺንቴያኬ፤ጫሪንጫ ባራና ካፓታዖ ኮይ ዴንቁዋያኬ።²²ባይሲንታና ሃይቢና፦‹ኑ ዒዞ ዛሎ ዔራሢኬኤዚንታ ሃይሴና ሌሊኬ› ጋዓኔ።»²³«ዔራቶ ባንሢ ዔኪ ዓኣዻ ጎይፆናዒዛ ናንጋ ቤዞዋ ፆኦሲ ሌሊ ዔራኔ።²⁴ዓይጎሮ ጌዔቴ ፆኦሲ ሳዖኮ ጋፖ ሄላንዳኣና ቢያ ዛጋኔ፤ጫሪንጮኮዋ ዴማ ዓኣ ባኮ ቢያ ዴንቃኔ።²⁵ዢባሮኮዋ ዎልቆ ዒ ማዤ ዎዶናዳልጎ ባዞ ዋኣፆዋ ዒ ማኬ ዎዶና²⁶ዒሮና ጉጉንፆናምዳምቦ ዒ ጊኢጊሼ ዎዶና²⁷ፆኦሲ ዔራቶ ዛጌኔ፤ቦንቺሲ ዼጊሴኔ፤ማሂ ማሂያ ዛጊያ ዶዲሼኔ።»²⁸«ዒማና ፆኦሲ ዓሲም፦‹ዓካሪ ዔራቶ ጌይሢ ፆኦሲ ዒጊጪሢኬ፤ማሊ ጶቂሥሢ ጌይሢያ ፑርቱሞፓ ሃኪሢኬ› » ጌዔኔ።

ዒዮቤ ማፃኣፖ 28 / mdy_twf

ዔራቶ ጋዳይሲሢና ጌስቶና ካላሊ

ዒዮቤ ማፃኣፖ28mdy_twf