Kuwi27hch_wb2

'Atanaurieka Kuwi kemutayɨ

1Merikɨtsɨ Kuwi, tawarita kaniutaniuni, mɨpaɨ kaniutayɨni:2«Kakaɨyari hetsie nenehɨritɨatɨ, Naimekɨmɨtɨrɨkaɨye,kemɨ'ane nehetsiemieme mɨkayuwaɨriya 'aixɨa mɨtiyurienikɨ,kemɨ'ane netukari mɨyatiuka'eniwame mayeitɨa,3mexi 'akuxi nehetsie tukari xuawemeta netsurita Kakaɨyari 'iyaya nehexeiya,4'etsiwa tɨma neteni 'axaranɨyɨneme pɨkatitaxata,meta neneni 'itarika pɨkatahekɨata.5Hatsuaku nepɨkaxepitɨani kename xeme yurikɨ xetekuxata,mexi ne'ayeyuri, kename heitserie nehexeiya nepaineni.6Ne yemekɨ kename nehetsie karahɨiwa neputaineni, nepɨkaxepitɨani.Mexi ne'uyeikani, tewiyarika ne'iyaritsie pɨkaxuaweni.
7»'Axateyuruwamete wahepaɨ memɨnetsi'aye'unie ketiwaruyurieni,meta nehepaɨtsita memeuniuka heitseriemekɨ yamemɨkatekahu wahepaɨ.8¿Kakaɨyari memɨka'ayexeiya kemeteta'ikwewakepauka memɨtakukuwetsie,kepauka watukari Kakaɨyari muwanawairietsie?9¿Kakaɨyari wahiwari pɨ'eniekepauka wahetsie 'uximatɨarika mɨye'axe?10¿Kamɨtsɨ Naimekɨmɨtɨrɨkaɨye hetsie meteyutemamawie,yatɨni yuheyemekɨ Kakaɨyari metehahɨawe?
11»Ne hikɨ tixaɨtɨ nekatinixehekɨatsitɨiyamɨkɨ Kakaɨyari tɨrɨkariyayatsie mieme.Naimekɨmɨtɨrɨkaɨye kemɨtiyuriemɨkɨ nepɨka'enukanani.12Xɨka xemetɨtɨ 'ikɨ naime xetexexeiyaniri,¿kamɨtsɨ titayari waɨkawa xeteniukixie?»

Tsupaxi hairieka kemutayɨ

13«'Ikɨ piinitɨarika Kakaɨyari katini'utanikatiniwayetuiriemɨkɨ 'axamemɨte'u'iyari,'ikɨ 'imikieri memɨkateyukanenimayaNaimekɨmɨtɨrɨkaɨye katiniwayetuiriemɨkɨ:14Tsepa tɨɨri keyupaɨmeme mɨwarexeiyani,mepɨkwi'iwa 'ixiparakɨ,meta hatsuaku tɨɨriyamama 'etsimemɨpepe mepɨkatihuxani.15Kehateta memɨyuhayewa yaxeikɨa mepɨkateukieni,wiuraxi wahetsiemieme mepɨka'utitsuanani.16Tsepa waɨkawa pɨrata memukuxeɨri tumuanari hepaɨ,meta 'ixurikite yuheima memɨtiyetɨkɨ haxu hepaɨ,17heitserie mexeiyani pɨhɨkɨtɨni kemɨ'ane mɨkɨ kamixate mɨranakatɨni,meta kemɨ'ane hetsiena mɨkarahɨiwa pɨrata pɨwata'ɨitɨani.18Kii memɨtiwewiwa kwitsiteri tekɨmemete wahepaɨ pɨ'anene,nenieremete waxamaru hepaɨ pɨ'anene.19Mepukahipite waɨkawa meteheuxeiyatɨ, matsi 'imatɨrieka:kepauka memanutanenieretsie, wapiinite naitɨ pɨtitipaparike.20Wahetsie pɨ'axe haa tɨrɨkaɨyetɨ mariwetɨ,yɨwikɨta 'eka tɨrɨkaɨyetɨ puwaratixɨrɨwa.21'Eka tau manatineika hepa mieme puware'enitsitɨwa, hikɨ 'ana mepukumamawere,kaniwarakuhunani memakuteitsie.22Wahetsie kaniuwautseni kawanenimayatɨ,mexi mɨkɨ tɨrɨkariyaya memakatɨ meyuta'unarɨmeni.23Yumamate puyuitɨwa wananaimatɨ pɨtiutapine,yumaɨxiwarikɨ, memakuteitsie kaniwaranuyenɨ'awani».
expand_more
Search