Read እዮባ ማፃፋ 27

እዮባ ማፃፋ27gof_etw

እዮባ ሃሳያ

¹እዮብ ካልድ ሀይሳዳ ያግስ፤²“ሱረ ፕርዳ ታና ድግድ፥ታ ደኡዋ ጫሞ ኦዳ፥ኡባ ዳንዳእያ ፆሳን ታኒ ጫቃይስ።³ታ ሸምፖይ ደእሽን፥ታ ሲይ ሸምፕሽን⁴ታ ዶናይ ዎርዶ ኦደተና፤ታ እንፃርሳይ ጭሞ ኦደተና።⁵ህንተ ኦዳይ ልከ ጋዳ ታ ኤክከ፤ሀይቃና ጋካናዉ ታ ታና ሱረ ገይሳ አግከ።⁶ታ ፅሎተ ምን ኦይካናፐ አትሽን፥ አግከ፤ታ ደእዳ ላይ ኡባን ታ ካሀይ ታና ሞተና።

⁷“ታ ሞርከት ናጋራንቾዳ፥ታራ ኤቀተይሳት ባላ ግዶ።⁸ፆሳይ ኤንታ ሸምፑዋ ኤንታፈ ኤክያ ዎደ፥ኤንታ ላይ ቃምስያ ዎደ፥ኢታታስ ደእያ ኡፋይሳይ አይቤ?⁹ኤንታ ቦላ መቶይ ጋክያ ዎደ፥ፆሳይ ኤንታ ዋሱዋ ስኢ?¹⁰ኡባ ዳንዳእያ ፆሳን ኤንቲ ኡፋይታኔ?ኤንቲ ኡባ ዎደ ፆሳ ፄጋኔ?

¹¹“ታኒ ህንተና ፆሳ ዎልቃባ ታማርሳና፤ኡባ ዳንዳእያ ፆሳ ቆፋ ታ ህንተፈ ቆትከ።¹²ህንተ ኡባይ ሄሳ በእደታ፤ያትን፥ ሀይሳ መላ ጮ ሃሳያ አይስ ኦደቴቲ?¹³ፆሳይ ኢታ አሳታስ ጊግስዳ ቃዳይ፥ኡባ ዳንዳእያ ፆሳፈ ኤክያ ዎይቶይ ሀይሳ።¹⁴ኤንታ ናይት አይ ዳርኮካ ኦላን ዉራና፤ኤንታ ኮቻይ ምያባ ይድ ኮሻታና።¹⁵ሄሳፈ አትዳይሳት ጋዶን ዉራና፤ኤንታ አምኤት ኤንታዉ ዬኮኮና።¹⁶ኢታ አሳት ብራ ቢታዳ ሺሽኮካ፥ማኦ ኡርቃዳ ሺሽድ ዶርኮካ፥¹⁷ኤንታ ብራ ፅሎ አሳት ሻክ ኤካና፤ኤንታ ማኡዋ ጌሻት ማአና።¹⁸ኤንቲ ኬፅያ ኬት ሻንጎ ሃዳ መላነጋባ መላ ላለታና።¹⁹ኢታ አሳት ዱረ ግድድ ሂፃን ዝንኦሶና፤ሽን ኤንቲ ስኮፈ ባርክያ ዎደ አይኮይካ ባዋ።²⁰ዳጋም ድኦ ሃዳ ቆፖና ኤንታ ቦላ ያና፤ቃማ ጎተይ ኤንታ ደንድ ኤፋና።²¹ዶሎሀ ጫርኮይ ኤንቲ ደእያሱዋፐ ፕትድ ኤፋና።²²ኤንቲ ከስ ኤካናዉ ባቃትሽን፥ቃይ ባይና ኤንታ ቦላ ዎና።²³ባ ኩሽያ ባቅድ ኤንታ ቦላ ቀልቅሳናባ ሱይቀን ኤንታ ሱግ የዳና።

እዮባ ማፃፋ 27 / gof_etw

እዮባ ሃሳያ

እዮባ ማፃፋ27gof_etw