Kuwi kemɨranuyeniu
1Kuwi mɨpaɨ katinita'eiya:2«'Ekɨ hɨrixɨa memɨwerarani xɨaritsɨ pekaniwakuparewiwani.'Ekɨ hɨrixɨa memɨkatɨrɨkawi xɨaritsɨ pekaniwawikweitsitɨaweni.3Matsi 'ɨxatsi 'aixɨa mɨ'ane 'ekɨ pepɨka'iyetuiriewe 'atsimɨkatimate.Meta 'ekɨ kepemɨreitimaitɨyeikakɨ pepɨkatiwahekɨatɨa.4¿Kepaikɨ pumatsi'uparewi mɨyapemɨtayɨnikɨ?¿Ke'anetɨ 'iyari matsi'uwiyaku mɨyapeputayɨ?»Wiriha tikuxatatɨ kemɨrenumɨa
5«Marikakɨ mekaniutiyɨyɨakani mɨkite,haramara hetɨapai memɨtama.6Kakaɨyari hɨxie mɨkite wateukiyapa peukahekɨa,tiyu'uname miti'awieta pɨkayɨwe.7Kakaɨyari muyuawi pɨtawera tixaɨtɨtsie katiuyemakame,meta kwie tixaɨtɨtsie pukatiuyeyetsa.8Haiwitɨritsie haa pɨ'eima,matsi hai pɨkatitsanike heteriyakɨ.9Metseri mɨxikɨraɨyenitsie kaneikunarɨmanikepauka hai hetsiena muyeweratsie.10Ketewa 'atɨ muyuxeiyanɨa haa heima pɨka'inɨaritaxɨahekɨariya meta yɨriya mɨpatanikɨ.11Tierikayakɨ mamatɨ,muyuawi mutuikatɨka putiyɨyɨaka.12Xɨka mɨkɨ 'uta'ieni hai muyuawitsie pɨta'enitsitɨwa,Kakaɨyari yutɨrɨkariyakɨ haramara kaniutatakeni.Kemɨtimaiwekɨ Haxi kaniutaxiteni,yutɨrɨkariyakɨ kuu 'amupa haramara kiekame kaniutatsana.14'Ikɨ matsi 'inɨari xeikɨa kanihɨkɨtɨni kemɨtiuyuriwekɨ,'etsiwa xeikɨa ketemɨteku'enakarekɨ.¿Kemɨ'ane meitimaitɨyani pɨyɨwe tɨranarieya mɨtɨrɨkaɨye?»