أَيُوبْ25rif_ati

ڒْحَارْضْ وِيسّْ ثْڒَاثَا ن بِيلْذَاذْ

1خَاسْ ؤُشَا يَارَّا-د بِيلْذَاذْ، إِ د-يُوسِينْ زِي شُوحَا، إِنَّا:
2صُّولْطَا ذ جّهْذْ إِسَّاڭّْوَاذنْ أَقَا أَثنْ غَارسْ، نتَّا إِتّڭّْ ڒهْنَا ذِي ڒُوعْڒَا نّسْ.3مَا إِزمَّارْ أَذْ حسْبنْ مشْحَاڒْ إِ غَارسْ ن ڒْعسْكَارْ؟ خْ مَانْ وَارْ ثتّْڭعّذْ ثْفَاوْثْ نّسْ؟4مَامّشْ خنِّي إِزمَّارْ بْنَاذمْ أَذْ يِيڒِي ذ أَمْسڭّذْ زَّاثْ إِ أَربِّي، مَامّشْ إِزمَّارْ ونِّي د-إِتّْوَارْونْ زِي ثمْغَارْثْ أَذْ يِيڒِي ذ أَمزْذَاڭْ؟5خْزَارْ، عَاذْ ثَازِيرِي سِيمَانْثْ نّسْ وَارْ ثتّْوسّڭْ س ڒصْفَايثْ، إِثْرَانْ وَارْ صْفِينْ ذِي ثِيطَّاوِينْ نّسْ.6أَهْثَا عَاذْ بْنَاذمْ، ونِّي ذ أَوكِّي، ؤُ مِّيسْ ن بْنَاذمْ، ونِّي ذ أَكشَّاوْ.
expand_more
Search