Ayubu24shr_buk
1Cirhumire emw’Ogala-byoshi ntà mango gabà gahanzîbwe, lyo abamuyishi barhagibona ensiku zâge?2Banayêgûla olubibi, banayâbula obusò bwazimbagwa,3Banahêka endogomi y’enfûzi, enkafu y’omukana banayihâna ishigi.4Banasêza abakenyi mpu baj’ikola kulî n’enjira; abanyinyi b’omu cihugo kukola kukâcîfulika.5Nka kula endogomi z’omu irungu ziyâbuka, zija zalonza obuhasi omu bulambo obuhasi zahà amanina gâzo.6Omu mashwa banagend’ihumbûla budufu, banatwe emizâbîbu y’omwîsi.7Hali abageza obudufu bushugunu ebwa kubà barhagwêrhi eci bayambala, ntâco bankacîbwîka amango g’emboho.8Olumè lw’omu ntondo, lunabajomye; ebwa kubà barhagwêrhi aha bàyâkira, banacîgonyere ah’ibuye.9Abandi banayânke enfûzi oku ibêre lya bannina, banalye abakenyi omwenda.10Abâla bayisha bagenda bushugunu, barhanayambirhi cici, omu kushalika banafûmbarha omuhuli;11Bamâsimarhira amavurha muli mabuye abirhi, bamâkanda emikenzi, n’enyôrha yamâbul’ibagwârha.12Omu ng mwamazûka endûlù z’abayûbaka-mwo omûka gw’àbalibuzîbwe gwamâshekêreza endûlù, na Nyamuzinda arhahuligana kuli ago mabî goshi!13Abà bandi bali muli balya bashômba obulangashane, barhayishi enjira zâbo.14Mucêracêra, omwîsi anazûke, ayîrhe omukenyi n’olagîrîre, buyîra arhabâle akola ajà azimba.15Isù ly’oshungula linakazilingûza oku bwajinga; ntâye wacimbona gwârhi yêne, anacihundika obusù.16Abarhalonza okumanya obulangashane, mûshi banalegerere bacîfulisire,17Bulya kuli abo, sêzi gwo mango obudufu burhangira, ebwa kubà bayishi ebiyôbohwa omu bulangashane.18Ola ali nk’owaj’ayêrêra oku mîshi, aha ayûbaka harharhenga bijâci by’abantu b’omu cihugo, ci ye arhankagera omu njira ejîre ebwa lukoma!19Nka kula ecânda ciyumûsa amîshi g’olubula, ntyo ko abanya-byâha banaj’ekuzimu!20Ibêre lyàbayonsagya linabayibagire, bamâlîbwa n’emivunyu, barhacimanyikîni, obubî bwamâkenyuka nka murhi.21Bàkazâg’ilibuza omukazi w’engûmba olya orhajira mwâna, ntà minjà bàjirîre abakana!22Ci olya orhenza abanya-buhashe oku ntebe yâbo n’emisî yâge, oyôla anayimuka, n’abandi barhacicîkubagire okulama.23Ali àrhenziribalekera omurhûla, banacîkubagiragwo ci erhi n’amasù gâge yêhe gadwîrhe gabona aha bagera.24Bâli barhanzir’ijà enyanya hitya, ci barhaciri ho, bahenangusire, basarûlwa aka abandi bantu boshi; bayumûsire nka marhwêrhwè ga mihuli.25Akabà arhali ntyo, ndi waderha mpu kunywerha nywesire? Ndi waderha mpu ebinwa byâni biri bya busha?