Iyyoba Maxaafa24gof_ltw
1Ubbaa Danda7iya Xoossay pirda wode ayis qanxennee?Iya ereysati he wodiya ayis coo naagonna?2Iita asati zawan de7iya shuchaa denthoosona;kaysi ehida dorsata yan heemmoosona.3Yi7o nayta hareta bonqoosona;am7e booraa acos oykidi ekoosona.4Manqota shaatetidi ogepe gooddosona;banta sinthafe qosetana mela oothosona.5Bazzon de7iya wora hare mela,manqoti banta naytas miyaba koyishe daaburoosona.6Enti hara asa gaden kathi cakoosona;iita asaa woyne gaden budhe maxoosona.7Enti qamma kallo aqoosona;meegos bolla yeggiyabay entaw baawa.8Zuma bolla bukiya iran enti suuruxoosona;geliya bessi dhayidi shucha hom7on aqoosona.9Aawi bayna na7a aaye ki7ope dafi ekoosona;manquwa na7a acos oykoosona.10Manqoti ma7o dhayidi kallo hemetoosona;enti bantaw koshatishe hara asa mirqe tookosona.11Enti bantaw saamotishe,zayte kessanaw hara asa gaden shamaho ayfe maxoosona;woyne ushsha gum7anaw woyne ayfe qoroosona.12Kataman kataman hayqana haniya asay oolosona;deshetidi madunxida asay maado koyidi waassoosona;shin Xoossay enta metuwa xeellenna.13Poo7o ixiya asati,iya ogiya eronna asatinne;iyan eqona asati de7oosona.14Sa7i qammiya wode shempo wodheysi dendidi,manqotanne metootanchota wodhees;qammi qassi kaysos boosona.15Laymatiya asi sa7i lem7anaysa naagees;oonika be7onna mela ba som7uwa kammees.16Kaysoti qamma keethe bookidi kaysotanaw geloosona;shin gallas qosetidi pee7osona.17Daganthiya dhumara enti dabbotiya gisho,sakana dhumay entaw seeta gallasa mela.18“Shin iita asati haatha goponto mela;enta laata biittay baadetidaysa;oonika enta woyne gade beenna.19Shachi maayin, haathi melidi dhayeysada,nagaranchoti hayqidi biittafe dhayoosona.20Yelida aayeti enta dogana;Guxuney enta ashuwa maana;iita asay hassayetokona;mithada meqana.21Enti na7i bayna mayntha maccasa naaqidosona;am7eta qadhetonna ixidosona.22Xoossay ba wolqan minota dhaysis;entaw sa7i injetida daanikoka,kundonna attokona.23Xoossay enti saro daanada oothikoka,enta ogiya wochees.24Iita asati guutha wodes dhoqu dhoqu goosona;shin ellesidi sharaafada shullidi dhayoosona;kathada caketoosona.25Hessi hanenna gidi kaddiya asi de7ii?taani odida qaala wordo gaana asi de7ii?” yaagis.