YOBI23kij_png
1Yeigu bakosomapu wala deli batakulukulu wala baisa Yaubada;gala wala ibodi basim kayagigila.3Ammakawala bavigaki banikoli paila babani matauna,deli ammakawala banikoli kedala balokaia ambaisa eisisiki.4Yeigu ibodi balivali avaka ulo nanamsa baisa matauna,deli bakamituli komwaidona ulo kominimani makwaisina ikabwailigusi goli.5Yeigu magigu banikoli avaka matauna bilukwaigudeli ammakawala bimapu ulo katupoi.6Ki ibodi Yaubada bikamogaigu metoya ola peula komwaidona?Gala, matauna ibodi wala bininakaigila avai tuta balilivala.7Yeigu tokamokwita; e ibodi wala basevitai Yaubada;e matauna ibodi bikamitulaigu yeigu tobwaila;lagaila deli ogu tuta komwaidona.8Yeigu asavali matauna opilibomatu mitaga Yaubada gala wala isisu baisa;asavali opilikwaibwaga mitaga gala wala abani matauna.9Paila Yaubada bogwa eila eipupaisewa opiliyavata deli opilibolimila,mitaga tutala lalokaia mapilasina gala wala abani matauna.10Mitaga komwaidona avaka lauvagi Yaubada inikoli wala iwokuva;kidamwa binevikoli ulo sula matauna bibanaigu yeigu tomigileu.11Deli ulo kamaiaba abokuli keda makadana Yaubada bogwa leinagi,e gala avai tuta avapupali makadana.12Tuta komwaidona akabikuwoli Yaubada la karaiwaga;abokuli nanola gala nanogu titoulegu.13Matauna gala ididavila. Gala availa ibodi bikaluwou matauna,kaina bisilibodi avaka nanola bivagi.14Matauna ibodi wala bivigimkulovi avaka la nanamsa paila yeigu,e nanamsa makwaina kwaitala wala metoya ola nanamsa bidubadu.15Kala gigisa makawala yeigu atatatuva deli agu kokola omatala matauna.16Yaubada Topeuligaga bogwa eikakukolaigu.Yaubada wala eivitukukolaigu, e dudubila gala bivigakaigu makawalailagoli dubilikitakita eikubolaigu.