Kuwi23hch_wb2

'Atahairieka Kuwi kemutayɨ

1Mɨkɨ hepaɨtsita Kuwi mɨpaɨ kaniutayɨni:2«Netaɨta nepɨha'a yaxeikɨa nemuti'uximatɨariekɨ,neputa'aiwa Kakaɨyari mamaya mahete nehetsie tiunakeku.3Xɨa'ui, xɨka ne netimaikake Kakaɨyari hakewa nemekaxeiyakɨ.Xɨka neyɨwenike nemeta'anikɨ mɨkɨ hakewa meyeika.4Mɨkɨ hɨxie nepitaxanetakeyu ketitayari nemɨti'ane,'aixɨa yemekɨ nepɨreixatɨanikeyu mɨyanemɨranuyemiekɨ.5Yanepɨretimanikeyu kemɨnereta'eiya,meta nepeitimaitɨyanikeyu.6¿Kamɨtsɨ mɨkɨ yutɨrɨkariyakɨ neraye'uniekakeyu?Nekatixaɨtsietɨ. Mɨkɨ matsi pɨkanetsitaxanetakeyu.7Mɨkɨ hɨxie tsepa kemɨ'ane tewi heitserie hexeiyatɨpɨyɨwe yuhetsiemieme yamutayɨnikɨ,meta ne nexɨnitɨ nepayeiwe yuheyemekɨne'itsɨkame hɨxie.
8»Xɨka tau manatineika hepatsie neheyani, mana nepɨkaheitaxeiya,xɨkata makayuyuipike hepatsie neheyani, manata nepɨkaheixeiya.9Tayetatsie xɨka rayexeiyani, nepɨka'ixeiya,xɨkata tatsutɨa hepa heyani, ne 'atsinepɨkaretimani.10Matsi mɨkɨ, nehuye naime pakumate,xɨka netsi'uta'inɨatake, ne huru 'aixɨa mɨ'ane hepaɨ ne'anetɨ nepayeiwe.11Huyeya hetsie xeikɨa ne nepumie,huyeya nepuweiya xaɨtsie nekaheukuyuyuikipetɨ.12'Aitsikateya tetana mayeneika nepɨka'uku'e'eiriwa,netaɨta paitɨ yemekɨnepiti'utaxɨ niukiteya tetana mayenexɨa.
13»Matsi mɨkɨ Ti'aitame kanihɨkɨtɨni,¿kemɨ'ane pɨyɨwe kemɨtiyurienekɨ mɨta'imaiya?Mɨkɨ kemɨtiyurimɨkɨ, yapɨtiyuriene.14Mɨkɨ yapɨtiyurieni nehetsiemiemekɨ kemɨtiu'eri,naime kemɨtiku'eriwa yapɨtiyurieni.15'Ayumieme hɨxiena neputimamawe,xɨka naime mɨkɨ netiuti'eriexɨani, waɨkawa neputimamawe.16Kakaɨyari yapɨtiuyuri ne'iyaritsie nemumakakɨ,Naimekɨmɨtɨrɨkaɨye pɨnetsimariuta.17Tsepanetɨ mɨya nemɨtiuka'eniwa, yɨriya netenie pɨka'uwiere,meta yɨriya 'amayetsuye nehɨxie mɨnetsiheukunama.
expand_more
Search