Read እዮባ ማፃፋ 22

እዮባ ማፃፋ22gof_etw

ኤልፋዛ ሃሳያ

¹ሄሳፈ ጉየ፥ ተማና ቢታፈ ይዳ ኤልፋዝ ሀይሳዳ ያግድ ዛርስ፤²“አስ ፆሰ ጎአናዉ ዳንዳኢ?ሀር አቶሽን ጭንጫ ግድኮካ፥ባና ጎአናፐ አትሽን፥ ፆሰ ጎኤና።³ኔኒ ፅሎ ግድኮ ሄስ ኡባ ዳንዳእያ ፆሳ ኡፋይስዬ?ነ ኦገይ ቦረይ ባይናባ ግድኮ ሄሳን እ አይ ዎ ደሚ?

⁴“እ ነና ሴረይነ ፕርደይ፥ኔኒ እያዉ ያይያ ግሾዬ?⁵ነ ኢታተይ ዳሮ ግደነዬ?ነ ናጋራስ ዛው ባዋ ግደኔ?⁶ጋሶይ ባይና ነ እሻታ ዋሰ ፄግሳዳሳ፤አሳ ማኡዋ ቃራ ኤካዳ ኤንታ ካሎ የዳዳሳ።⁷ሳሞትዳይሳታ ሃ ኡሻባካ፤ኮሻትዳይሳታ ካ ሙዛባካ።⁸ኔኒ ዎልቃማ፥ ዱረነቦንቸትዳ አስ ግዳዳ ደአሸ፥⁹አምኤታ መላ ኩሸ የዳዳሳ፤ይኦታስ ዎልቃ ይሳዳሳ።¹⁰ነ ዩሾይ ግተትዳይ፥አኬኮና ያሽ ነና ኮኮርሰይ ሄሳሳ።¹¹ነ በኦና መላ ምዳይ፥ቃስ ክፃ ሃን ነ ሙከትዳይ ሄሳሳ።

¹²“ፆሳይ ቃ ሳሉዋን ኡትድ፥ቃን ደእያ ፆልንቶታ ዱገ ፄሌስ።¹³ሽን ኔኒ፥ ‘ፆሲ አይ ኤሪ?ሳካና ማ ግዶራ ካንድ፥ፕርዳናዉ ዳንዳኢ?¹⁴ሳሎ ጉፋን ቦላ እ ስመረትያ ዎደ፥እ በኦና መላ ስከትዳ ሻራይ እያ ጎዜስ’ ያጋሳ።¹⁵ናጋራንቾት ሄመትዳ በን ኦግያራባናዉ ቆፋ ቃቻዲ?¹⁶ኤንታዉ ዎደይ ጋኮና ደእሽን ሀይቅዶሶና፤ኤንታ ደኦ ባሶይ ድኦን ሜጨትድ ይስ።¹⁷ኤንቲ ፆሳኮ፥ ‘ኑፐ ሃካ!ኡባ ዳንዳእያ ፆሳይ ኑስ አይ ኦናዉ ዳንዳኢ?’ ያግዶሶና።¹⁸ግድኮካ፥ ኤንታ ኬ ሎኦባን ኩንዳይ ፆሳ፤ሄሳ ግሾ፥ ኢታ አሳ ቆፋ ታ ኤክከ።

¹⁹“ኢታ አሳት ሴረትያ ዎደ፥ፅሎት ኡፋይቶሶና፤ሱረ አሳት ሀይሳዳ ያግድ፥ ኤንታ ቦላ ቀልቅሶሶና።²⁰‘ኑ ሞርከት ይዶሶና፤ኤንታ ዱረተይ ታማስ አትስ’ ያጎሶና።

²¹“እዮባ፥ ሀእካ ፆሳራ ጊጋ፤እያራ ሳሮ ደአ፤ያትኮ ኔኒ አንጀታና።²²እያ ትምርትያ ስአ፤እያ ቃላ ነ ዎዛናን ዎ።²³ኔኒ ኡባ ዳንዳእያ ፆሳኮ ስምኮ፤ነዉ ሳእ ስማና፤ኢታ ኦሶ ኡባ ነ ሶፐ ድጋ፤²⁴ነ ዎርቃ ሳአን ሆላ፤ነ ኦፍራ ዎርቃ ሻፋን የጋ።²⁵ያትኮ ኡባ ዳንዳእያ ፆሳይ፥ነዉ ዎርቃነ ዶረትዳ ብራ ግዳና።²⁶ሄ ዎደ ነ ኡባ ዳንዳእያ ፆሳን ኡፋይታና፤ዬላቶና ፆሳኮ ፑደ ፄላና።²⁷ኔኒ እያ ዎሳና፥ እ ነና ስአና፤ነ ቃንገ እያዉ ጋና።²⁸ነ ቆፕዳባይ ፖለታና፤ነ ሄመትያ ኦገይ ፖኦ ግዳና።²⁹ፆሳይ ኦቶረይሳታ ካዉሼስ፤ሽን አሽከታ አሼስ።³⁰ነ ኩሸይ ጌሽ ግድኮ፥ባላ አሳይ ነ ጋሶን ማሮታ ኤካናነ አታና” ያግስ።

እዮባ ማፃፋ 22 / gof_etw

ኤልፋዛ ሃሳያ

እዮባ ማፃፋ22gof_etw