Iyyoba Maxaafa19gof_ltw

Iyyoba Haasaya

1Iyyobi zaaridi haysada yaagis;2Hinte tana awude gakanaw madunxiseetii?Awude gakanaw hinte qaalan tana caddetii?3Hinte tana tammu toho cayideta;tana kawushishe yeellateketa.4Tuma ta balidaba gidiko,ta balay tana oychana.5Hinte hintena dhoqu dhoqu oothidi,ta kawusha tana mootanaw go7etiko,6ha metuwa ta bolla ehiday Xoosse gideysanneba gitiyan tana gelsiday iya gideysa erite.7Ta qohetas gada waassin, tana alley baawa;ta qaala dhoqu oothada waassinka tana si7ey baawa.8Ta kanthada boonnada Xoossay ta ogiya diris;ta hemetiya ogiya dhuman gordis.9Ta bonchuwa taape qaaris;ta kallachaa ta huuphepe ekis.10I tana mentherethi yeggis;ta ufaysa xaphora shodetida mitha mela oothis.11Iya hanqoy ta bolla eexi keyis;I tana morkeda taybees.12Tana olanaw ba tooranchota kiittees;enti tana olanaw miixa keexidi,ta dunkaaniya yuushuwan uttidosona.13Xoossay ta ishata taape haassis;tana ereysati taw allaga gididosona.14Ta dabboti taape haakidosona;ta laggeti tana dogidosona.15Ta son moketiya imathati tana dogidosona;ta macca aylleti tana oge asada xeellidosona.16Ta aylliya ta xeegin taw koyenna;ta woossin taw ero geenna.17Ta machiya ta doona peenuwa shaatetasu;ta ishati tana uufidosona.18Hari attoshin guutha nayti tana kadhoosona;tana be7idi leqoosona.19Ta mata laggeti ubbay tana uufosoona;ta doseysati taw zoko zaaridosona.20Ta meqethay ta gogaara oyketis;taani hayqa kichada attas.
21Ta laggeto, Xoossaa kushey tana dechida gisho,taw qadheterketi.22Xoossay tana yedetheysada, hinte tana ayis yedetheetii?ha77i gakanaw hinte tana waaysidaysi gidennee?
23“Ha77i gakanaw ta odetida qaalay mazgabetidaako,maxaafan xaafetidaako ta dosayis shin.24Merinaw daana mela maarisaninneirsaasen zaalla bolla woocetidi xaafetida gideerenne!25Tana Wozidaysi de7on de7eysannewursethan biitta bolla I eqanaysa ta erayis.26Ta gogay meetetidi wurikoka,taani ta ashuwape shaaketada Xoossaa be7anaysa erayis.27Hara asi gidonna taani ta huuphen,ta ayfen iya be7ana;ta wozanay he qamma laamotees.
28“Ha metuwas gaasoy iya,nu iya waati yedethino gidi hinte qopiya gidiko,29Mashshas yayyite!Xoossa hanqoy mashshara yaana;pirdi de7eysa erite” yaagis.
expand_more
Search