Read እዮባ ማፃፋ 19

እዮባ ማፃፋ19gof_etw

እዮባ ሃሳያ

¹እዮብ ዛሪድ ሀይሳዳ ያግስ፤²ህንተ ታና አዉደ ጋካናዉ ማዱንፅሴቲ?አዉደ ጋካናዉ ህንተ ቃላን ታና ጫደቲ?³ህንተ ታና ታሙ ቶሆ ጫይደታ፤ታና ካዉሽሸ ዬላተከታ።⁴ቱማ ታ ባልዳባ ግድኮ፥ታ ባላይ ታና ኦይቻና።⁵ህንተ ህንተና ቁ ቁ ኦድ፥ታ ካዉሻ ታና ሞታናዉ ጎኤትኮ፥⁶ሀ መቱዋ ታ ቦላ ኤህዳይ ፆሰ ግደይሳነባ ግትያን ታና ገልስዳይ እያ ግደይሳ ኤርተ።⁷ታ ቆሄታስ ጋዳ ዋስን፥ ታና አለይ ባዋ፤ታ ቃላ ቁ ኦዳ ዋስንካ ታና ስኤይ ባዋ።⁸ታ ካንዳ ቦናዳ ፆሳይ ታ ኦግያ ድርስ፤ታ ሄመትያ ኦግያ ማን ጎርድስ።⁹ታ ቦንቹዋ ታፐ ቃርስ፤ታ ካላቻ ታ ሁጰፐ ኤክስ።¹⁰እ ታና መንረ የግስ፤ታ ኡፋይሳ ፃጶራ ሾደትዳ ም መላ ኦስ።¹¹እያ ሀንቆይ ታ ቦላ ኤፅ ከይስ፤እ ታና ሞርከዳ ታይቤስ።¹²ታና ኦላናዉ ባ ቶራንቾታ ኪቴስ፤ኤንቲ ታና ኦላናዉ ሚፃ ኬፅድ፥ታ ዱንካንያ ዩሹዋን ኡትዶሶና።¹³ፆሳይ ታ እሻታ ታፐ ሃስስ፤ታና ኤረይሳት ታዉ አላጋ ግድዶሶና።¹⁴ታ ዳቦት ታፐ ሃክዶሶና፤ታ ላገት ታና ዶግዶሶና።¹⁵ታ ሶን ሞከትያ እማት ታና ዶግዶሶና፤ታ ማጫ አይለት ታና ኦገ አሳዳ ፄልዶሶና።¹⁶ታ አይልያ ታ ፄግን ታዉ ኮየና፤ታ ዎስን ታዉ ኤሮ ጌና።¹⁷ታ ማችያ ታ ዶና ፔኑዋ ሻተታሱ፤ታ እሻት ታና ኡፍዶሶና።¹⁸ሀር አቶሽን ጉ ናይት ታና ካኦሶና፤ታና በእድ ለቆሶና።¹⁹ታ ማታ ላገት ኡባይ ታና ኡፎሶና፤ታ ዶሰይሳት ታዉ ዞኮ ዛርዶሶና።²⁰ታ መቀይ ታ ጎጋራ ኦይከትስ፤ታኒ ሀይቃ ክቻዳ አታስ።

²¹ታ ላገቶ፥ ፆሳ ኩሸይ ታና ደችዳ ግሾ፥ታዉ ቃተርከት።²²ፆሳይ ታና የደይሳዳ፥ ህንተ ታና አይስ የደቲ?ሀእ ጋካናዉ ህንተ ታና ዋይስዳይስ ግደኔ?

²³“ሀእ ጋካናዉ ታ ኦደትዳ ቃላይ ማዝጋበትዳኮ፥ማፃፋን ፃፈትዳኮ ታ ዶሳይስ ሽን።²⁴መርናዉ ዳና መላ ማርሳንነእርሳሰን ዛላ ቦላ ዎጨትድ ፃፈትዳ ግዴረነ!²⁵ታና ዎዝዳይስ ደኦን ደኤይሳነዉርሰን ቢታ ቦላ እ ኤቃናይሳ ታ ኤራይስ።²⁶ታ ጎጋይ ሜተትድ ዉርኮካ፥ታኒ ታ አሹዋፐ ሻከታዳ ፆሳ በአናይሳ ኤራይስ።²⁷ሀራ አስ ግዶና ታኒ ታ ሁጰን፥ታ አይፈን እያ በአና፤ታ ዎዛናይ ሄ ቃማ ላሞቴስ።

²⁸“ሀ መቱዋስ ጋሶይ እያ፥ኑ እያ ዋት የደኖ ግድ ህንተ ቆፕያባ ግድኮ፥²⁹ማሻስ ያይተ!ፆሳ ሀንቆይ ማሻራ ያና፤ፕርድ ደኤይሳ ኤርተ” ያግስ።

እዮባ ማፃፋ 19 / gof_etw

እዮባ ሃሳያ

እዮባ ማፃፋ19gof_etw