Soopu19dop_sim

Soopu nyǝntʋ

1Ḿpʋ́ɣʋ́ Soopu cɔwɑ sɩ:2Pǝlee kɛ́ ɩ́ kɑ́ hɛɛsɩ-mkʋnyɔŋ tʋɣʋ nɑ mǝ́ kʋyɔɣɔtʋtʋ?3Tɔm nɑɑnʋwɑ kɛlɛ ɩ́ tɛmɑ-m kʋtʋɣʋ,pǝ fɛɩ-mɛɣɛ fɛɛlɛ sɩ ɩ́ cɔɔsǝɣɩ-m mpʋ?
4Ye tɑmpɑnɑ mɑ tɩɩ lɑpɑ ɩsɑɣɑtʋ,mɑ nyʋɣʋ tɑɑ kɛ́ pǝ tɛŋ.5Ɩsɩɩ ɩ hɔŋ mǝ tɩ nɑ kɑlɑmpɑɑnɩ nɑɩ́ mɑɣɑsǝɣɩ sɩ mɑ kɑwɑlɑɣɑ kʋnyɔŋ kɛ mɑ tɔkɩ tɔ,6ɑmɑ ɩ́ nyɩ sɩ Ɩsɔ kpɑnɑ-mɩ puluɣu tɑɑ, nɑ ɩ́ tʋɣʋ-m kʋnyɔŋ.
7Ye mɑ wiiki sɩ pɑ lɑkɩ-m mʋsʋŋ,nɔɣɔlʋ ɩɩ cɔɔkɩ.Nɑ mɑ́ yɑɑkɩ sɩ pɑ́ wɑɑsɩ-m,nɔɣɔlʋ ɩɩ sɛɛkǝnɑ mɑ tɔɔ.8Ɩsɔ kɑɣɑ mɑ mpɑɑʋ, mɑɑ pǝsǝɣɩ tɛɛʋ.Ɩ yelɑ-m sǝkpɛtʋɣʋ tɑɑ, nɑ mɑ hɑkǝɣɩ.9Ɩsɔ kʋwɑ mɑ hǝtɛ yɑɑʋ,nɑ ɩ́ kɔɔlɩ mɑ teeli ntenuɣu.
10Ɩsɔ wɑkǝlɑ-m pǝ tǝnɑ pǝ tɑɑ kɛ́,nɑ ɩ́ kpɛsɩ mɑ tɛɛlʋɣʋ ɩsɩɩ tʋɣʋ, nɑ mɑ́ sɩ́.11Ɩsɔ pɑ́ɑ́nɑ́ sɔsɔɔnɑ huunɑ-mnɑ ɩ́ nyǝnǝɣɩ-m ɩ kolontunɑɑ tɑɑ lɛlʋ.12Ɩ yʋlʋkʋlɑɑ kpekɑ kpɛntɑ nɔɣɔ nɑ pɑ́ kɔɔ mɑ tɔɔ,nɑ pɑ́ siki nɑ pɑ́ cɔɔnɑ-m.
13Ɩsɔ hɑtǝlǝnɑ-m mɑ tɛɛtʋnɑɑ,nɑ mɑ ɑsǝmɑɑ nɑ́ɑ́ yɑɑkɩ nɑ pɑ́ yeki-m.14Mɑ cɔlɔ nyǝ́mɑ nɑ mɑ lʋlǝtɑnɑɑnɑ́ sɔɔ mɑ tɔɔ.15Mɑ tǝyɑɣɑ tɑɑ mʋʋlɑɑ nɑ mɑ tǝmlɛ nyǝ́mɑnɑ́ yʋɣʋ-m nɑ pɑ́ nyǝnǝɣɩ-m kpɑɩ tʋ.16Pɑɑ mɑ yɑɑ mɑ tǝmlɛ tʋnɑ mɑ́ wiinɑ-ɩ, ɩɩ cɔɔkɩ-m.
17Mɑ lɩɩ sɔŋ kɛ mɑ ɑlʋ mɑɣɑmɑɣɑ kɛ́.Mɑ pǝyɑlɑɑ nɑ́ nyǝɣǝsɑ-m.18Pǝ kpɛŋnɑ piyɑ nɑ ye mɑ kʋlǝɣɩ ɩlɛ sɩ woŋiɣi-m.19Mɑ tɑɑpɑlɑɑ kʋpɑmɑ mpɑ mɑɑ sɔɔlɑɑ tɔ,pɑ lɩɩ-m luɣu nɑ pɑ́ kʋlǝɣɩ mɑ tɔɔ.20Mɑ lɩɩnɑ pǝcɛmtɛɣɛ.Mɑ tɛmɑ tɑɑsɩ tǝkɔŋɔkɔŋɔ.
21Mɑ tɑɑpɑlɑɑ mɛ, hɑɩ, ɩ́ nyǝnɩ mɑ pǝtɔɔtǝlɛ.Ɩsɔ tʋnɑ mɑ tɔɔ kɛ́ niŋ.22Pepe tɔɔ kɛ́ ɩ́ tʋɣʋ-m kʋnyɔŋ ɩsɩɩ Ɩsɔ?Ɩsǝnɑ ɩ́ tʋ-m wɑhɑlɑ tɔ, pǝ tɑ nɩɩ-mɛɣɛlɛ?
23Hɑɩ, ye ɩsɩɩ pɑɑ ŋmɑɑwɑmɑ kʋyɔɣɔtʋtʋ tǝnɛɣɛ tɑkǝlɑɣɑ tɑɑ.24Ɩsɩɩ pɑɑ ŋmɑɑ-tɩ nɑ nyǝmlɛ kɛ kʋkpɑmʋɣʋ tɔɔ,nɑ pɑ́ piisi, nɑ tǝ́ wɛɛ tɑm tɔɔ, tǝ tɑɑ hɩɩsɩ.25Mɑ nyǝmɑ́ teu sɩ mɑ tɔɔ sɛɛnlʋ wɛnɑɩ weesuɣu.Ɩnɩ ɩ kɑ́ yɔɣɔtǝnɑ nɑ pǝ́ sɩɩ tǝnɑɣɑ kɛ ɑtɛ cǝnɛ.26Pɑɑ pǝ kɔɔlɑ mɑ nɑntʋ nɑ pǝ́ yele mʋwɑ tike,mɑɑ nɑ́ Ɩsɔ nɑ mɑ ɩsǝlɛ kɛ́,ɩ kɑɑ wɛɛ-m mʋʋlʋ.Mpi mɑ sɔɔlɑɑ tɔɣɔlɛ,hɑlɩ pɩɩ lɑkɩ-m lɔŋ.
28Ɩ́ kɑ́ pɔɔsɩ mǝ tɩ sɩ ɩsǝnɑɣɑ ɩ́ kɑ́ kʋlɩmɑ tɔɔ, nɑ ɩ́ hiki tǝwɑɑnlɛ nɑ ɩ́ hʋʋnɑ-m?29Ɩ́ lɑ lɑɑkɑlɩ, nɑ pǝ tɑɑ kɔɔ nɑ lɑɣɑtɛ tɑlɑ mǝ mɑɣɑmɑɣɑ.Mpi tɔ, mǝ kɑwɑlɑɣɑ mʋnɑ sǝm kɛ́.Ɩ́ nyɩ sɩ hʋʋlɛ tɑŋɑ-mɛ.
expand_more
Search