Yoube19beo_pio
1Yoube da amane sia:i,2“Dilia da abuliba:le sia:ga nama se iahabela:?3Dilia da mae fisili, nama sisa:nonana.Amola dilia da nama wadela:le hamobeba:le, hame gogosiasa.4Be amomane, na da wadela:i hou hamoi ganiaba, amo da dilima se hame ia:noba.5Dilia da dilia noga:i hou da na hou baligiliyale dawa:sa.Dilia da nama doaga:i bidi hamosu da na wadela:i hou olelebeyale dawa:sa.6Gode da amo bidi hamosu nama iasi dagoi.Dilia abuliba:le amo hou hame ba:sala:? Gode da na sa:ima:ne efegelesi.7Na da Ea nama ha lai hou higabeba:le, egasa.Be dunu afae da na egasu hame naba.Na da moloidafa fofada:ma:ne wele sia:sa, be dunu afae da hame naba.8Gode da na logo ga:i dagoi amola na da amoga bu masunu hame dawa:.E da na logo gasiga uligilisi dagoi.9E da na gagui liligi huluane samogei dagoi.Musa:, eno dunu da na da mimogo dunuyale dawa:i.Be wali ilia na higasa.10E da na da:i la:idi la:idi fanana.E da na udigili bioma:ne amola bogoma:ne yolesisa.11Gode da ougi bagade, E da nama ha:giwane halasa.E da Ea ha laidafa dunuma hamosa, amo defele nama hamosa.12E da Ea dadi gagui wa:i, nama doagala:musa:, asunasisa.Ilia da gegemusa: osobo hagali dogonana, amola na abula diasuga doagala:sa.13Gode Ea hamobeba:le, na olalali da na yolesi dagoi.Dunu amo da musa: na dawa:digi, da wali na da ga fi dunu agoai ba:sa.14Na fi dunu amola na:iyado dunu huluane da asi dagoi.15Dunu amo na da na diasuga aowai, ilia huluane da na gogolei.Na hawa: hamosu uda ilia ga fi dunuma hamobe defele, nama hamosa.16Na da na hawa: hamosu dunu, e na fidima:ne nama misa:ne ha:giwane edegesea,e da nama hame adole iaha.17Na uda da na lafi holo ahoabe, amo ea gaha bagade higasa.Amola nolalidafa ilia da nama hame gadenena maha.18Mano fonobahadi da na higale ba:sa.Ilia da naba:le habosesele oufesega:sa.19Na na:iyadodafa dunu ilia da na higale ba:sa.Nama dogolegei ilia da sinidigili nama ha lai hamoi.20Na gadofo da udigili abula agoane, na gasaga gosagisi dialebe ba:sa.Na da gadenenewane bogoi dagoi.21Dilia da na samalali! Amaiba:le, nama asigima!Gode da na dafama:ne fai dagoi.22Gode da nama se bagade iaha.Dilia abuliba:le, Ea hou defele, nama se iahabela:?Dilia da nama se nabasu defele i dagoi!23Na da agoane hanai gala.Dunu afae da na sia: mae gogolema:ne, meloa bioi amoga dedene legemu da defea.24O e da ouliga hamoi nusi (chisel) amoga igi da:iya dedemu da defea.Amasea, na sia: da mae fisili, eso huluane dialumu.25Be na dawa:! Na esalusu Bu Bidi Lamu dunu da Hebene ganodini esalalala.E da dagomu esoga osobo bagade da:iya, na gaga:ma:ne lelumu.26Amola na da:i da wadela:lesi dagoi ba:mu.Be na da na osobo bagade da:i hodo ganodini esalea, na da Gode ba:mu.27Na da na sidafa amoga E ba:mu.Amola E da ga fi dunu agoane hame ba:mu.28Dilia da nama se ima:ne amola doagala:ma:ne, logo hogoi helei.Amaiba:le, na da beda:i galu.29Be wali, dilia beda:mu da defea.Gode da wadela:i houba:le ougi bagadedafa, amola Ea ougi hou da gegesu gobihei bagade agoane.Dilia amoga beda:ma! Bai fa:no dilia da Moloidafa Fofada:su Dunu da esalebe dawa:mu.