Kuwi18hch_wb2

Hutarieka Wiriha kemutayɨ

1Merikɨte Wiriha Tsuha kiekame mɨpaɨ katinita'eiya:2«¿Kepaukari peputihayewa waɨkawa petikuxatatɨ?'Aixɨa ketine'atimaixɨaka 'anakeri tepɨtetixata.3¿Ketitayari yeutari memumamariwawe wahepaɨ petatiyuriene?¿Temɨka 'u'iyarini hepaɨ petatiku'eriya?4'Ahaxɨakɨ 'a'iyari pekanitatsanarɨmeni,matsi kwie 'akumawetɨ pɨkayuhayewa 'akɨmana,meta 'ayepari pɨkakuyuaxɨani yuhuyeripa.
5»'Axamɨtiuka'iyari kɨxemeya kanitɨmɨkɨ,taiya 'amanutitetere tatɨri katinihayewamɨkɨ.6Xawatɨriya kiitana kaniyɨrirɨmeni,kɨxeme mikɨxiya kanitɨmɨkɨ.7Heutɨrɨkaɨyetɨ kemɨtikuyeikakai pɨkaheuwaɨreri,yuhetsiemiemekɨ kemɨtiyukuhɨawe kanetihɨamɨkɨ.8Yu'ɨkatekɨ winiyari hetsie kanikakemɨkɨ,mɨkɨ winiyarieya 'ihɨatɨ kanayeimɨkɨ.9Yuketatetɨa wahɨatɨkaitɨ puyuhayewa,yuheyemekɨ hɨatɨ kaniyuhayewamɨkɨ.10Winiyari kwiepa 'awie kumatɨ kanitakwewieka,winiyari manumietsie kanikuwereni.11Tsepa hakewa kanimariutsieka,'utɨmana xeikɨa kanikuyeikani.12Mɨtika'enitsitɨwa xeikɨa kanikuweiyaneni,tita mɨti'uximatɨa pɨka'ipitɨa xeikɨa 'etsiwatɨma.13Kwiniya waiyarieya kanitaxɨtɨaximeni,mɨki mamateya meta 'ɨkateya kanitikwaiximeni.14Hakewa 'aixɨa 'anemekɨ mekateitsie 'ateewa paitɨ puyuhayewa,hikɨri ti'aitame mɨtiyumariuta hetsɨa kaniumieni.15Kiitana tai naime katiniuyetaiyarɨmeniri,hatsupure tatɨ kaniuyenɨka muwayekatsie.16Kɨtsunu nanayari kaniutiwaniri,xawariyari mu'utana miemeri naitɨ kaniutiyɨnare.17Kwiepa kanakuyeitɨariemɨkɨ mɨkaku'eriwanikɨ,pɨkakuxaxatsiwanitɨma mɨkɨ kwieyaritsie.18Hekɨaripa hayehanieme yɨwipa kaneutahɨiyamɨkɨ,'ena kwiepa kanayenɨ'arieni.19Yuteɨterima watsata tɨma yuniwema meta yu'iwama pɨkawarexeiya,hakewa mɨkɨ mekatei xewitɨtɨma hayeyuritɨ pɨkayuhayewa.20Tau manatineika hepatsie meta makayuyuipike hepatsie,teɨteri mepɨhɨxiyani mɨkɨ kemɨ'itɨarienikɨ'ana waɨkawa mepɨtimamani.21Mɨpaɨ kani'aneni 'axamɨtiyuriene kiiya,Kakaɨyari mɨkamate manukatsie».
expand_more
Search