Read أَيُوبْ 16

أَيُوبْ16rif_ati

أَيُوبْ إِڒَاغَا خْ أَربِّي أَمْ د-إِتَّارَّا خْ إِلِيفَازْ

¹خَاسْ ؤُشَا يَارَّا-د أَيُوبْ، إِنَّا:

²مَانَاوْيَا سْڒِيغْ أَسْ أَطَّاسْ، كنِّيوْ مَارَّا إِذْومْ ثسّْبطّْڒمْ أَيِي أَفوّجْ.³مَا أَذْ قْضَانْ وَاوَاڒنْ إِخْوَانْ؟ نِيغْ مِينْ شكْ إِعَارّْننْ عَاذْ أَذْ د-ثَارّذْ أَوَاڒْ؟⁴ؤُڒَا ذ نشّْ زمَّارغْ أَذْ سِّيوْڒغْ أَمْ كنِّيوْ، مَاڒَا أَقَا كنِّيوْ ذڭْ ومْشَانْ إِنُو. إِڒِي أَذْ مُوذغْ أَوَاڒنْ خَاومْ ؤُ أَذْ خَاومْ هزّغْ أَزدْجِيفْ إِنُو.⁵أَذْ كنِّيوْ سّْمحْضغْ س ؤُقمُّومْ إِنُو ؤُ أَفوّجْ ن إِينْشِيشنْ إِنُو أَذْ أَومْ يَاوِي ڒفْسَاسثْ.

⁶مَاڒَا سِّيوْڒغْ، وَارْ خَافِي إِتّجِّي ڒحْڒِيقْ إِنُو ؤُ مَاڒَا سّغْذغْ، مَا أَذْ خَافِي إِحيّذْ؟⁷ڒخُّو إِسِّيحڒْ أَيِي نتَّا، ثسَّارْجْفذْ شكْ مَارَّا ثَاوَاشُونْثْ إِنُو.⁸شكْ ثسّْذُورُويذْ أَيِي س ثقْشُورْثْ ن ثڒْمشْثْ، ثنِّي ذ ثَاشهَّاذْثْ خَافِي، ؤُشَا ثكَّارْ خَافِي أَرِّيمثْ إِنُو ثَامُوسْرِيوْثْ، ثتّْشثْشَا زَّايِي ذڭْ ؤُغمْبُوبْ إِنُو.⁹أَغْضَابْ نّسْ إِمزّقْ، إِضفَّارْ أَيِي-د. نتَّا إِتّْغزَّا غَارِي ثِيغْمَاسْ. أَغْرِيمْ إِنُو إِسّْقطَّاعْ-د غَارِي ثِيطَّاوِينْ.

¹⁰نِيثْنِي تّْشَارَّاڭنْ أَقمُّومْ نْسنْ خَافِي، شَّاثنْ أَيِي س ڒْحڭْرَا غَارْ ؤُقَابْسِي، تّكَّارنْ خَافِي تّْمُوننْ.¹¹إِسلّمْ أَيِي أَربِّي إِ يِيجّْ ن مِّيسْ ن ڒْمُوعْصِييّثْ، إِعَارّنْ أَيِي ذڭْ ؤُفُوسْ ن إِعفَّاننْ.

¹²ثُوغَا أَيِي ذِي ڒْهُوذْنثْ، مَاشَا نتَّا يَارْژَا أَيِي، إِشبَّارْ أَيِي ذڭْ إِجِيمَانْ، إِڒْبزْ أَيِي. إِسّْبدّْ أَيِي ذ ثَاحْجُورْثْ إِ يِيخفْ نّسْ.¹³إِمْجبَّاذنْ نّسْ ن ڒْقوْسْ نّْضنْ أَيِي-د، نتَّا إِسّْنُوقُّوبْ أَيِي ثِيژَّاڒْ بْڒَا أَهَاوڒْ، إِتّْزدْجَاعْ غَارْ ثمُّورْثْ إِژِي إِنُو،¹⁴يَارژَّا أَيِي ثَارژِّيثْ أَوَارْنِي إِ ثْرژِّيثْ نّغْنِي، إِعْرفْ-د خَافِي أَمْ بُو-ثغْرُوضْثْ.

¹⁵خيّْضغْ ثَاخَانْشثْ ن وشْضَانْ إِ ثڒْمشْثْ إِنُو، إِشّْ إِنُو سّْوسّْخغْ ذِي ثْعجَّاشْثْ.¹⁶أَغمْبُوبْ إِنُو إِزْوغْ زڭْ إِمطَّاونْ، ثِيڒِي نْ ڒْموْثْ أَقَا-ت خْ وَابْڒِيونْ إِنُو،¹⁷وَاخَّا وَارْ يَارْسِي لْعُونْفْ خْ إِفَاسّنْ إِنُو ؤُ ثَاژَادْجِيثْ إِنُو ثصْفَا.

¹⁸ؤُهْ ثَامُّورْثْ، وَارْ دَّاڒْ إِذَامّنْ إِنُو، وَارْ تّجِّي إِغُويَّانْ إِنُو أَذْ أَفنْ أَمْشَانْ إِ أَرَّاحثْ!¹⁹خْزَارْ، ؤُڒَا ذ ڒخُّو، أَشهَّاذْ إِنُو ذڭْ ؤُجنَّا، أَمْشَافعْ إِنُو خْ ڒڭْعُوذِي.²⁰إِمدُّوكَّاڒْ إِنُو ذ يِينِّي زَّايِي إِسْثْهزَّانْ، مَاشَا ثتّْرُو ثِيطّْ إِنُو غَارْ أَربِّي.²¹أجّْ-إِ-ث أَذْ إِوّثْ دّعْوثْ خْ ورْيَازْ غَارْ أَربِّي، أَمْ إِجّْ ن مِّيسْ ن بْنَاذمْ خْ ؤُمدُّوكّڒْ نّسْ.²²مَاغَارْ ذْرُوسْ ن إِسڭّْوُوسَا إِ-د غَا يَاسنْ عَاذْ، قْبڒْ إِ غَا ؤُيُورغْ أَبْرِيذْ وَارْ زَّايسْ تّْعِيقِّيبغْ.

أَيُوبْ 16 / rif_ati

أَيُوبْ إِڒَاغَا خْ أَربِّي أَمْ د-إِتَّارَّا خْ إِلِيفَازْ

أَيُوبْ16rif_ati