Read أَيُوبْ 15

أَيُوبْ15rif_ati

ڒْهَارْدْ وِيسّْ ثْنَاينْ ن إِلِيفَازْ خْ ؤُعفَّانْ

¹خنِّي يَارَّا-د إِلِيفَازْ، ونِّي د-يُوسِينْ زِي ثَايْمَانْ، إِنَّا:

²مَا إِتَّارَّا-د إِجّْ ن ؤُمِيغِيسْ س ثُوسّْنَا إِخْوَانْ؟ مَا أَذْ إِشُّورْ أَعذِّيسْ نّسْ س ؤُسمِّيضْ إِ د-إِتَّاسنْ زِي مَانِيسْ د-ثْنقَّارْ ثْفُوشْثْ؟³مَا إِتّْشَارَّاعْ س ڒْهَارْذْ وَارْ إِنفّْعنْ، س وَاوَاڒنْ نِّي وَارْ إِتَّاكّْوَاضنْ؟⁴شكْ ثَارْژِيذْ ثِيڭّْوُوذِي ن أَربِّي، ثكّْسذْ ثَاژَادْجِيثْ زَّاثْ إِ وُوذمْ ن أَربِّي.⁵مَاغَارْ أَقمُّومْ نّشْ إِسَّارْڭبْ ڒْمُوعْصِييّثْ نّشْ، أَقَا إِتّعْجِيبْ أَشْ ڒْهَارْذْ س ثْحْرَايْمشْثْ س يِيڒسْ نّشْ.⁶أَقمُّومْ نّشْ أَذْ شكْ إِحْكمْ، وَارْ إِدْجِي نشّْ، إِينْشِيشنْ نّشْ أَذْ خَاكْ شهْذنْ.

⁷مَا شكْ ذ بْنَاذمْ ذ أَمزْوَارُو نِّي د-إِتّْوَاخڒْقنْ؟ نِيغْ ثتّْوَارْوذْ قْبڒْ ثِيوْرِيرِينْ؟⁸مَا ثسّْحسّذْ إِ وڭْرَاوْ ن إِمْشَاوَارنْ إِمْثِيقَّانْ ن أَربِّي، مَا ثْجبّْذذْ ثِيغِيثْ غَاركْ؟⁹مِينْ ثسّْنذْ شكْ، نشِّينْ وَارْ ث نسِّينْ؟ مِينْ ثْفهّْمذْ شكْ، أَقَا إِنْقصْ غَارْنغْ؟¹⁰ؤُڒَا جَارْ أَنغْ ذ أَمْشَايْبُو ذ ؤُوسَّارْ، نِيثْنِي ذ إِمْغَارنْ ذڭْ وُوسَّانْ خْ بَابَاشْ.

¹¹مَا أَسْفوّجْ ن أَربِّي ذْرُوسْ غَاركْ، نِيغْ إِجّْ ن وَاوَاڒْ سِّيوْڒنْ ث أَكِيذكْ س ثرْغغْ؟¹²مَايمِّي شكْ إِسّثْلَاعْ وُوڒْ نّشْ، مَايمِّي قدْجْعنْثْ ثِيطَّاوِينْ نّشْ،¹³أَقَا ثسّْنقْڒَابذْ بُوحْبڒْ نّشْ خْ أَربِّي، أَڒَامِي ثسُّوفُّوغذْ مَارَّا أَوَاڒنْ نِّي زڭْ ؤُقمُّومْ نّشْ؟

¹⁴مِينْ إِعْنَا بْنَاذمْ أَقَا نتَّا أَذْ يِيڒِي ذ أَمزْذَاڭْ، مِينْ إِعْنَا ونِّي د-إِتّْوَاخڒْقنْ زِي ثمْغَارْثْ، أَقَا نتَّا أَذْ يِيڒِي ذ أَمْسڭّذْ؟¹⁵خْزَارْ، إِمْقدَّاسنْ نّسْ وَارْ خَاسنْ إِتّْشِيڒْ، ؤُڒَا ذ إِجنْوَانْ وَارْ دْجِينْ صْفَانْ ذِي ثِيطَّاوِينْ نّسْ!¹⁶أَهْثَاثْ عَاذْ إِجّْ ن نّْعِي ن بْنَاذمْ ذ بُو-ؤُفسَّاذْ، ونِّي إِسسّنْ مِينْ وَارْ إِحْڒِينْ أَمْ وَامَانْ!

¹⁷نشّْ خْسغْ أَذْ أَشْ ث سّشْنغْ، سڒْ-د غَارِي، خنِّي أَذْ عَاوْذغْ مِينْ ژْرِيغْ،¹⁸مِينْ عَاوْذنْ إِمِيغِيسنْ، أَمْ وَارْ فَّارنْ شَا ن ڒجْذُوذْ نْسنْ.¹⁹إِ نِيثْنِي وَاهَا ؤُمِي ثمّوْشْ ثمُّورْثْ، ؤُڒَا ذ إِجّْ ن ڒْبَارَّانِي وَارْ خَاسْ إِعْذُو.

²⁰مَارَّا ؤُسَّانْ إِ إِدَّارْ ؤُعفَّانْ، إِمَارّثْ إِخفْ نّسْ، ڒْْقدّْ ن إِسڭّْوُوسَا إِ إِتّْوَاخمّْڒنْ إِ بُو-ڒخْشُونثْ، أَقَا إِنُوفَّارْ خَاسْ.²¹يُوذفْ-د ڒْحسّْ ن إِغُويَّانْ إِسّْنخْڒَاعنْ غَارْ إِمزُّوغنْ نّسْ. عَاذْ ذِي ڒْوقْثْ ن ڒهْنَا أَذْ خَاسْ إِوْضَا ؤُمْثحَّايْ.²²نتَّا وَارْ إِتّْرِيجِي أَذْ د-إِعْقبْ زِي ثَادْجسْثْ، مَاشَا أَقَا نتَّا إِتّْوَاڭّْ إِ سِّيفْ.²³نتَّا إِتّمْهَافَا ذَا ذ ذِيهَا خْ وغْرُومْ. ’أَ، مَانِي إِ يدْجَا؟‘ نتَّا إِسّنْ أَقَا إِتّْرَاجَا إِ-ث وَاسّْ ذ أَبَارْشَانْ ذغْيَا.²⁴ضِّيقثْ ذ ڒحْصَارثْ سَّاڭّْوَاذنْثْ نتَّا، أَرْنِينْثْ إِ-ث أَمْ يِيجّْ ن ؤُجدْجِيذْ إِوْجذْ إِ ؤُمنْغِي.

²⁵مَاغَارْ غَارْ أَربِّي إِسّْوِيژَّاضْ نتَّا أَفُوسْ نّسْ، أَكْ-ذ ؤُمْزمَّارْ خْ كُوڒْشِي إِمنّعْ ثَاغنَّانْثْ ثَامقّْرَانْثْ.²⁶س يِيرِي إِمحْضنْ إِتَّازّڒْ غَارسْ، إِنُّوفْرَارْ غَارْ ضفَّارْ ن ثْسدَّارِييِينْ نْسنْ ن ؤُعسْكَارِي س إِبُوطُوننْ إِڭْذَارنْ.²⁷مَاغَارْ إِڒحّفْ إِ ؤُغمْبُوبْ نّسْ س ثَاذُونْثْ، إِڭَّا ثَاذُونْثْ إِ ثجْعِينَّا نّسْ.²⁸إِزدّغْ ذِي ثْندَّامْ إِتّْوَاهذْمنْ، ذِي ثُوذْرِينْ وَارْ ذَايْسنْثْ إِزدّغْ عَاذْ ؤُڒَا ذ إِجّْ، ثِينِّي يُورَانْ مَاحنْذْ أَذْ ذوْڒنْثْ ذ ڒْخِيرْبَاثْ.²⁹نتَّا وَارْ إِذِّيكّْوِيڒْ ذ بُو-وَاڭْڒَا، أَڭْڒَا نّسْ وَارْ إِتّْغِيمِي، مَاڒَا مِينْ د-إِكْسبْ وَارْ يَارنِّي خْ ثمُّورْثْ.³⁰نتَّا وَارْ إِنجّمْ إِ ثَادْجسْثْ، أَشعَّاڒْ ن ثْمسِّي أَذْ يشّْ ڒفْرُوعْ نّسْ، أَذْ إِفْنَا س ڒعْوِينْ ن ؤُقمُّومْ نّسْ.

³¹أجّْ إِ-ث وَارْ إِتّْشِيڒِي خْ ڒْغشّْ، مَاغَارْ خنِّي إِ غَا ثِيڒِي ؤُڒَا ذ ڒْمُونثْ نّسْ ذ ڒْغشّْ.³²مَاڒَا وَارْ د-يُوسِي عَاذْ وَاسّْ نّسْ، أَذْ إِتّْوَاكمّڒْ عَاذْ، مَاغَارْ ثَاسطَّا ن ثِينِي نّسْ وَارْ ثْزيْزِيوْ.³³أَذْ إِسّغْضڒْ أَضِيڒْ وَارْ إِسّْنذْينْ نّسْ أَمْ يِيشْثْ ن ثْزَايَارْثْ، أَذْ إِمّنْضَارْ نُّووَارْ نّسْ أَمْ ثْزِيثُونْثْ.³⁴مَاغَارْ أَبَارُّو ن إِمْنَافْقنْ أَقَا-ث بْڒَا ڒْغِيدْجثْ ؤُ ثِيمسِّي ثتّتّْ إِقِيضَانْ إِ إِشُّورنْ س ڒْغشّْ.³⁵أَقَا أَثنْ س دّيْسثْ زِي ثَامَارَا، تُّورْونْ ڒْغشّْ، ڒخْذعْ أَقَا-ث ذڭْ ؤُعذِّيسْ نْسنْ.

أَيُوبْ 15 / rif_ati

ڒْهَارْدْ وِيسّْ ثْنَاينْ ن إِلِيفَازْ خْ ؤُعفَّانْ

أَيُوبْ15rif_ati