Read እዮባ ማፃፋ 15

እዮባ ማፃፋ15gof_etw

ኤልፋዛ ሃሳያ

¹ተማና ቢታፈ ይዳ ኤልፋዝ ሀይሳዳ ያግስ፤²“ጭንጫ አስ ጫርኮዳ ኦይከቶናባ ኦዴቲ?ዎይኮ ዶሎሀ ባጋ ጫርኩዋን ባ ኡሉዋ ጮ ኩን?³ፓና ቃላን ዙዙሚ?ዎይኮ ጋተይ ባይና ኦዳን ሞተቲ?⁴ኔኒ ፆሳስ ያየይሳ አጋዳሳ፤ሀራት ፆሳ ጎይኖና መላ ባዳሳ።⁵ነ ኢታተይ ነ ኦዳን ኤረቴስ፤ሽን ነ ጭንጫ ኦዳይ ነና ገንስ።⁶ነ ዶናይ ነ ቦላ ፕርዴስ ታና ግድከ፤ነ እንፃርሳይ ነ ቦላ ማርካቴስ።

⁷“አሳፐ ኮይሮ የለትዳይ ነኔ?ኔኒ ደረት መታናፐ ካሰ የለታዲ?⁸ኔኒ ፆሳ ፁራ ዱላታን ደአይ?አሳ ጭንጫተ ነ ፃላላስ ደእዬ?⁹ኑኒ ኤሮናባይ ኔኒ ኤርያባይ አይቤ?ኑስ ጌምዳ ነዉ ቆንጭዳ አይባ ጭንጫተ ደኢ?¹⁰ነ አዋፐ ባይራትያ አሳት፥ጭምድ ፑሉምዳ አሳት ኑራ ደኦሶና።

¹¹“ፆሳይ ነዉ እምዳ ምንይ ግደነዬ?ኑኒ ካሃማተባ ኦድዳ ቃላይ ጉዬ?¹²ነ ዎዛናይ ነና አይስ ዎራ ኤፊ?ነ አይፈይ አይስ ደሬቅድ ፄሊ?¹³ያታዳ ኔኒ ፆሳ ቦላ ሀንቀታዳሳ፤ኢታ ቃላ ነ ዶናፐ ከሳዳሳ።¹⁴አስ ፆሳ ስንን ጌሽ ግዳናዉ ዳንዳኢ?ዎይኮ ማጫፈ የለትዳ አስ ፅሎ ግዳናዉ ዳንዳኢ?¹⁵ፆሳይ ባ ኪታንቾታን አማነተና፤ሀር አቶሽን ሳሎት እያ ስንን ጌሽ ግዶኮና።¹⁶ኢታነ ቱና ግድዳ አስ፥ናጋራ ሃዳ ኡያ አስ ዋንድ አማነታኔ?

¹⁷“አነ ስአ፥ ቆንጭሳዳ ታ ነዉ ኦዳና፥ታኒ በእዳባ ኡባ ነዉ ኦዳና።¹⁸ጭንጫት ባንታ አዋታፐ ኤክዳይሳ፥ታ ነዉ ገንና ኦዳና።¹⁹ቢታይ ኤንታ ፃላላስ እመትስ፤ሀራ ቢታ አስ ኤንታራ ዋላከትቤና።²⁰አሰ ኡንኤሸ ደእያ ኢታ አስ፥ባ ደኦ ላይ ኡባን ዋየትሸ ደኤስ።²¹ዳጋንያባይ እያ ሀይን ስኤቴስ፤እ ሳሮ ደአይስ ግሽን ይሰይሳት እያ ቦላ ከያና።²²ማፐ ከስ ኤኮይ እያዉ ሀነና፤እያ ቃዳይ ማሻን ዮ።²³እያ አሀይ አንኮ ቁማ ግዳና፤ባዉ ማ ጋላስ ማታትዳይሳ እ ኤሬስ።²⁴መቶይነ ኡንእ እያ ቦላ ያና፤ኦላናዉ ከይዳ ካዎ መላ እያ ቦላ ጎባና።²⁵ሄስካ እ ባ ኩሽያ ፆሳ ቦላ ደንዳ ግሾሳ፤ኡባ ዳንዳእያ ፆሳ ቦላ ፃልዳ ግሾሳ።²⁶እ ኤቀታናዉ ምኖነ ዳልጋ ጎንዳለ ኦይክስ፤ኦቶሮን ፆሳኮ ሆርዶፌስ።

²⁷“እያ ክላሆይ ሙምዳ ግሾ፥እያ ፄሳይ ኩምዳ ግሾ፥²⁸እ ላለትዳ ካታማታን፥ካይሳ ኬንነ፥ኩንዳናዉ ጋክዳ ኬን ደኤስ።²⁹እ ባ ዱረተን ዳሮ ጋምኤና፤እያ ዛዋይ አከና።³⁰ማፐ ከስ ኤከናዉ ዳንዳኤና፤ታሽያ ታም ላብዳ ምዳነጫርኮይ ጪሻ ቆቆፍዳ ምዳ ግዳና።³¹ፓናባን አማነትድ ባና ጭሞፎ፤እያፐ አይኮካ ደሞና አታና።³²ዎደይ ጋኮና እያ ኡባይ መልድታሸይካ አጮና ም መላ ግዳና።³³እ ቴሮና ቃዉኤ ደእሸ ቆቆፈትያ ዎይነ መላ፤ጪሻን ደእሸ ቆቆፈትያ ሻማሆ መላ።³⁴ፆሳስ ያዮና አሳ ኮቻይ ያና፤ዎፈን ኬፀትዳ ኬይ ታማን ሜተታና።³⁵ኤንቲ ኢታተ ቃንትድ መቶ የሎሶና፤ኤንታ ኡሉዋን ገነይ ኩምስ” ያግስ።

እዮባ ማፃፋ 15 / gof_etw

ኤልፋዛ ሃሳያ

እዮባ ማፃፋ15gof_etw