Read Yobu 15

Yobu15bqc_sim

Vãikɛna lí bↄ pão

¹Ɔ̃ Temani gbɛ̃́ Ɛlifaza wèwà à mɛ̀:²Ɔ̃nↄna a yãpã gii bee taa oa?A lɛ́ ɛlɛ yã́ↄ bↄlɛwà yã̀?³A lɛkpaakɛ yã́ àisai musua?A yã́ kã́fĩasai oa?⁴Mpi sↄ̃ ńlɛ vĩakɛa Luaɛ bãdɛ sa,ńlɛ kpá gbɛ̃́ↄnɛ aa làasookɛwà.⁵Vãi pↄ́ ń kũa mɛ́ dↄ n lɛ́u,kↄ̃nide lɛ́ mɛ́ dↄma.⁶N lɛ́ mɛ́ n dayãu, i kɛ mámɛo,n lɛ́ mɛ́ n kalikɛ̃̀.

⁷Gbɛ̃nazĩn sɛ̃́ian n ũa?Wà n i e wàↄ gɛ́ gbɛ̀sĩsĩↄ kɛia?⁸N Lua lɛkpaaĩa ń a gbɛ̃́ↄ màa?Ḿmɛ ń ↄ̃nↄ vĩ ndoa?⁹Yã́ kpele ń dↄ̃ mɛ́ wá dↄ̃o ni?N wɛzɛ̃ dɛwála yã̀?¹⁰Gbɛ̃zↄ̃ↄↄ ń mikãpuadeↄ kúwanↄ,gbɛ̃́ pↄ́ an zↄ̃ↄ dɛ n maelaↄ.¹¹Lua ye n nↄ̀sɛ níninɛ,ↄ̃ à kɛ̀nɛ fɛ̃́nɛũa?Wálɛ yã'onɛ busɛbusɛo lé?¹²Bↄ́mɛ n sↄ̃ blèi?Bↄ́yãi ńlɛ wá gwa ń wɛpãsĩoi?¹³N pↄ paa Luazi,ↄ̃ yã́ dasi ì bↄlɛ n lɛ́u.¹⁴Bↄ́n gbɛ̃nazĩna ũ kɛ́ àↄ ku gbãlɛsaii?Gbɛ̃́ pↄ́ nↄɛ aà ì aↄ maaa?¹⁵Lá Lua ì a malaikaↄ náaikɛo,mɛ́ aà bɛ i kɛɛ̀ gbãlɛsaio,¹⁶wa gbɛ̃nazĩna pↄ́ o lↄe?A bɛ̃̀ɛ, a ↄ̃̀ↄkpaa, ì yãvãi mi lán íwa.

¹⁷Má yã'onɛ, swã́sɛi!Má yã́ pↄ́ ma swã́ mà sɛ́lɛ mà siunɛ.¹⁸Ɔ̃nↄnaↄ mɛ́ bↄ̀ ń yã́pio,aai yã́ pↄ́ an deziↄ ò kee ulɛwɛ̃ɛo.¹⁹Aamɛ ń bùsu vĩ ńtɛ̃ɛ,zĩ̀loe i zↄ̃lɛ ń guuo.²⁰Gbɛ̃vãi ìↄ ku dɛ̃ɛu e a wɛ̃ni lɛ́uɛ,gbɛ̃́ pãsĩ gↄↄ lɛ́ kuɛ.²¹Kↄ̃fĩ iwãakampↄade ìↄ dↄ aà swã́u,aà aafia gↄↄ gbãamↄnɛdeↄ ì lɛ́lɛwà.²²A ɛa bↄa gusiau náai vĩ lↄo,dɛa ń fɛ̃ndao mɛ́ lɛ́ aà dã́.²³Ìↄ liaaliaa, ìↄ mɛ blɛ ku má ni?A dↄ̃ kɛ́ a kua bɛda gusiau kãikũ̀.²⁴Taasi ń yeelɛao ìↄ aà vĩakũ,a daaàla lán kía pↄ́ a lɛ́lɛama sↄu màwa.²⁵Asa à ↄsɛ̀ Luaziɛ,à kuabìi Gbãapiidewaɛ.²⁶À sùwà ń waakĩba bↄbↄawàoń a sɛ̀ngbao gèele kↄdeo.²⁷Baa kɛ́ aà oa nísi bↄa,mɛ́ a mɛkpaa, aà gbↄ̃u lɛ̀ɛlɛ,²⁸a zↄ̃lɛ uazĩ pↄ́ wìli gɛ̃uoↄ guu,wɛ̃́lɛ pↄ́ wa wì, a kpɛ́ↄ gↄ̃̀ wɛ̀ɛwɛɛↄu.²⁹Aà àizɛɛ a gↄↄplakɛo,aↄ dɛ ↄde ũo,pↄ́ pↄ́ a vĩoↄ ligua lↄo.³⁰A e bↄ gusiauo,tɛ́lɛpiↄ a aà vlãpaa sãsã,Lua lɛ́'ĩana i aà sɛ gɛò zɛ́a.³¹Asu pↄ́ gia náaikɛ à azĩa sã́são,asa pↄ́ gia mɛ́ aↄ aà asea ũ.³²Yã́pi a aà le e aà gↄↄ àↄ gɛ́ pai,aà gↄ̃naↄ e ↄtao.³³A gↄ̃ lán kuli pↄ́ a vú wòlowaɛ,lán vɛ̃ɛli pↄ́ a nɛsoena wòlowa.³⁴Luayãdansaiↄ gãli a báaa kɛo,tɛ́ a kũ gbagusaɛdanaↄ kpɛ́wa.³⁵Aaì yãkele nↄsi, aaì nɛ'i yã'ĩa ũ,mↄafili mɛ́ ì bↄ ń nɛasakpɛu.

Yobu 15 / bqc_sim

Vãikɛna lí bↄ pão

Yobu15bqc_sim