Iyyoba Maxaafa14gof_ltw
1“Maccasape yeletida asas laythi qanthi;ika qassi meton kumis.2Ciishshada bentidi ellesidi qoqofetees;kuyada gam7onna eeson aadhees.3Yaatin, neeni hessa mela asi kaallayee?pirdas ne sinthe shiishayee?4Tunabaape geeshshaba kessanaw danda7ey oonee?Oonika baawa.5Asi daana laythas zawi de7ees;I daana ageena neeni tayba wothadasa;neeni wothida zawape aadhey oonika baawa.6Une oothiya asi ba oosuwa polidi shempeysada,I shempana mela ne ayfiya iyape denthada iya aggaaga.7Qanxetida mithas ufaysi de7ees;zaaridi aacees;ooratha tashe kessidi diccees.8Mithaa xaphoy biitta garsan cimikoka,durumay biittan wooqikoka,9haathe demmidi aacees;ooratha dolada tashe kessees.10Shin asi hayqees; hessi iyaw wursethi;iya shempoy keyape guye I awun de7ii?11Abbaa haathi meleysada,shaafa haathi wureysada,12hessada asika hayqees; simmidi dendenna;saloti aadhana gakanaw asi baarkenna;ba dhiskuwafeka dendenna.13Neeni tana duufon genthidaako aybe!Ne hanqoy aadhana gakanaw qottidaako aybe!Ne taw qamida he gallas tana hassaydaako aybe!14Asi hayqiko simmidi de7on daanee?Ta shempiya wodey yaana gakanaw,ha meto wode ubbaa danda7an naagana.15He wode ne tana xeegana taka koyana;ne medhida tana be7anaw laamotiya wodey yaana.16He wode neeni tuma ta tanguwa wochana;shin ta nagaraa kaallaka.17Ta balay ogoron yiicetana;ta nagaraa neeni kammana.18Zumi woddeysada,zaalli dhoqalleteysada,19haathi shucha xapho bookeysada,di7oy biitta meeccidi efeysada,neeni asa ufaysi dhaysaasa.20Neeni iya merinaw xoonasa; I simmenna;iya malaa laammada ne sinthafe diggaasa.21Iya nayti bonchetiko I erenna;enti kawuyiko I be7enna.22Shin iya asatethaa seelay iya xalaalas si7etees;I ba xalaalas yeekees” yaagis.