Read Yobu 13

Yobu13bqc_sim

Yobu ye yã'o ń Luao

¹Ma wɛ́ yã́piↄ è píi,ma swã́ mà ↄ̃ má dↄ̃̀.²Lá á dↄ̃a vĩ, màa má dↄ̃a vĩ sↄ̃,i kɛ má kɛ̃́sãaázi no.³Ãma Gbãapiide ↄ̃ má ye mà yã'oɛ̀ sa,má ye gɛ́ ń ma yã́o Luawaɛ.⁴Ápiↄ sↄ̃ i ɛɛ liamazi,gyãegwan giaↄn á ũ ápii.⁵Tó á lɛ́ kpaaũa yãa lé,wa á dilɛ ↄ̃nↄnaↄ ũɛ.⁶À ma yã́zɛ ma,à swã́sɛ ma yã́zãsiawái.⁷Yã́zɛsai ↄ̃ á o Lua gɛ̃ɛ ũa?Sã́sãyã ↄ̃ á o Lua gbɛua?⁸Á yãnakpa Luawa yã̀?Á yã́siaànↄ yã̀?⁹Tó à wɛtɛ̀ á yã́i, a bↄánↄ nae?Á dↄ́ɛwà lá wì dↄ́ɛ gbɛ̃nazĩnawawa yã̀?¹⁰Tó álɛ yãnakpawà a gbadↄ̃sai,a á swã́gagaɛ.¹¹Aà zↄ̃ↄkɛ a kã̀adaálao lé?Vĩakɛaɛ̀ a tↄ̃́wáo lé?¹²Á yã'onɛↄá túfuɛ,yã́ pↄ́ a giiyèoaá pɛ̀lɛaɛ.

¹³À nílɛmɛɛ mà yã'o,yã́ pↄ́ a ma le aà ma le.¹⁴Bↄ́yãi má azĩa pa swaai?Máↄ a wɛ̃ni naa ma ↄzĩ yã̀?¹⁵Gwa, a ye ma dɛɛ, ma wɛ́ dↄ pↄei lↄo.Ń beeo má gí ń mazĩao aà aɛ.¹⁶Bee a ma bↄ,asa aà yãdansaiↄ we mↄ zɛ aà aɛo.¹⁷À laaidↄ ma yã́wa maamaa,à swã́sɛmazi.¹⁸Ma yã́ pↄ́ má o zɛ́ kàlɛ,má dↄ̃ kɛ́ ma yã́ naɛ.¹⁹Démɛ a fↄ̃ bↄbↄmanↄi?Tó wa fↄ̃, má nílɛɛ, mí ga.

²⁰Lua, yã́ mɛ̀n plaɛ beeↄ kɛmɛɛ,má ulɛnɛo.²¹Ǹ n ↄ goa,ńsu to iwãakampↄa kã̀adamalao.²²Bee gbɛa lɛzumazi, mí mↄ́,ma gba zɛ́ mà yã'o, ní yã́zãsia.²³Ma yãvãiↄ ń ma tàaeↄ kà ũmai?To mà a tàae ń ma duunao dↄ̃.²⁴Àkɛa ńlɛ nzĩa ulɛmɛɛ,ńlɛ ma dilɛ n ibɛɛ ũi?²⁵Lakɛɛ pↄ́ lɛ́ ĩ́ansɛ ↄ̃ ń ye wíwia?Sɛ̃̀ gii ↄ̃ ń ye ɛ́'ɛa?²⁶Ni yã́'ĩikpaa,ni ma ɛ̀waasogↄↄ duuna wi ma musu.²⁷Ni ma daliu,ni ma táa'oa lɛ́ damɛɛ,ni wɛ́tɛ ma yãvãiↄi píi.²⁸Ɔ̃ ma gↄ̃ lán pↄ́ vlãa pↄ́ lì àlɛ lɛ́lɛlɛlɛwa,lán pↄkasa pↄ́ blɛↄ lɛ́ blewa.

Yobu 13 / bqc_sim

Yobu ye yã'o ń Luao

Yobu13bqc_sim