ⴰⵢⵓⴱ11rif_tti

ⵍⵀⴰⵔⴷ ⴰⵎⴻⵣⵡⴰⵔⵓ ⵏ ⵚⵓⴼⴰⵔ

1ⵅⴻⵏⵏⵉ ⵢⴰⵔⵔⴰ-ⴷⴷ ⵚⵓⴼⴰⵔ, ⵡⴻⵏⵏⵉ ⴷⴷ-ⵢⵓⵙⵉⵏ ⵣⵉ ⵏⴰⵄⵎⴰ, ⵉⵏⵏⴰ:
2ⵎⴰ ⴰⴷ ⵇⵇⵉⵎⴻⵏ ⵡⴰⵟⵟⴰⵙ ⵏ ⵡⴰⵡⴰⵍⴻⵏ ⴱⵍⴰ ⵜⴰⵎⵡⴰⵔⵔⵉⵜ, ⵓ ⵎⴰ ⴰⴷ ⵖⴰⵔⴻⵙ ⵢⵉⵍⵉ ⵉ ⵢⵉⵊⵊ ⵏ ⴱⵓ-ⵓⵇⴻⵎⵎⵓⵎ ⵍⵃⴻⵇⵇ ⵍⴻⴱⴷⴰ?3ⵎⴰ ⵉⵣⴻⵎⵎⴰⵔ ⵍⵀⴰⵔⴷ ⵏⵏⴻⵛ ⴰⴷ ⵉⵙⵙⵖⴻⴷ ⵉⵡⴷⴰⵏ, ⴰⵍⴰⵎⵉ ⵜⵣⴻⵎⵎⴰⵔⴻⴷ ⴰⴷ ⵜⴻⵙⵜⴻⵀⵣⵉⴷ ⴱⵍⴰ ⵛⴻⴽ ⵉ ⵖⴰ ⵉⵙⵙⴻⵃⵛⴻⵎ ⵓⵍⴰ ⴷ ⵉⵊⵊ?4ⵛⴻⴽ ⵜⴻⵏⵏⵉⴷ: ‘ⵜⴻⵚⴼⴰ ⵜⵖⵓⵔⵉ ⵉⵏⵓ, ⴰⵇⴰ ⴰⵢⵉ ⴷ ⴰⵎⴻⵣⴷⴰⴳ ⴷⵉ ⵜⵉⵟⵟⴰⵡⵉⵏ ⵏⵏⴻⵛ!’5ⵓⵀ, ⵎⵍⵉ ⴰⵔⴻⴱⴱⵉ ⵙⵉⵎⴰⵏⵜ ⵏⵏⴻⵙ ⵉⵙⵙⴰⵡⴰⵍ, ⵎⵍⵉ ⵢⴰⵔⴻⵣⵣⴻⵎ ⵉⵢⴻⵏⵛⵉⵛⴻⵏ ⵏⵏⴻⵙ ⵇⵉⴱⴰⵍⵜ ⵏⵏⴻⵛ.6ⵎⵍⵉ ⵏⴻⵜⵜⴰ ⴷ ⴰⵛ ⵉ ⵖⴰ ⵉⵙⵙⵛⴻⵏ ⵜⵉⵎⴻⵙⵍⴰⵢⵉⵏ ⵉⵅⴻⵎⵎⵍⴻⵏ ⵏ ⵜⵉⵖⵉⵜ, ⵎⴰⵖⴰⵔ ⵏⵉⵜⴻⵏⵜⵉ ⵙⴻⴽⴽⵡⴰⵏⵜ ⴷⴷⵓⴱⴻⵍ ⵉ ⵓⴼⴻⴽⴽⵉ. ⵙⵙⴻⵏ, ⴰⵇⴰ ⴰⵔⴻⴱⴱⵉ ⴰⴷ ⵉⵜⵜⵓ ⴰⵟⵟⴰⵙ ⵏ ⵍⵎⵓⵄⵚⵉⵢⵢⴻⵜ ⵏⵏⴻⵛ ⴷⵉ ⵜⵉⵣⵉ ⵏⵏⴻⵛ.
7ⵎⴰ ⵜⵣⴻⵎⵎⴰⵔⴻⴷ ⴰⴷ ⵜⴱⴻⵇⵇⵛⴻⴷ ⴷⵉ ⵎⵓⵎⵎⵓ ⵏ ⴰⵔⴻⴱⴱⵉ? ⵎⴰ ⵜⵣⴻⵎⵎⴰⵔⴻⴷ ⴰⴷ ⵜⴰⴷⴼⴻⴷ ⵖⴰⵔ ⵍⴻⴽⵎⴰⵔⴻⵜ ⵏ ⵓⵎⵣⴻⵎⵎⴰⵔ ⵅ ⴽⵓⵍⵛⵉ?8ⴰⵇⴰ-ⵜⴻⵏ ⴷⵉ ⵍⵓⵄⵍⴰⵜ ⵏ ⵓⵊⴻⵏⵏⴰ! ⵎⵉⵏ ⵜⴻⵅⵙⴻⴷ ⴰⴷ ⵜⴻⴳⴳⴻⴷ ⵄⴰⴷ? ⵜⵉⵖⵉⵜ ⵜⵓⴵⴻⵖ ⵅ ⵍⴰⵅⴰⵔⵜ! ⵎⵉⵏ ⵜⵣⴻⵎⵎⴰⵔⴻⴷ ⴰⴷ ⵣⵣⴰⵢⴻⵙ ⵜⴻⵙⵙⵏⴻⴷ?9ⵍⴻⵄⴱⴰⵔ ⵏⵏⴻⵙ ⵢⵓⵄⵍⴰ ⴰⵟⵟⴰⵙ ⵅ ⵜⴻⵎⵎⵓⵔⵜ, ⵜⵉⵔⵓ ⵏⵏⴻⵙ ⵜⴻⵄⴷⵓ ⴰⵟⵟⴰⵙ ⵅ ⵜⵎⵉⵔⵉⵡⵜ ⵏ ⵍⴻⴱⵃⴰⵔ.
10ⵎⴰⵍⴰ ⵉⵄⴷⵓ ⵏⴻⵜⵜⴰ, ⵉⴱⴻⵍⵍⴻⵄ ⵅ ⵛⴰ ⵏ ⵢⵉⵊⵊⴻⵏ ⵓⵛⴰ ⵉⵍⴰⵖⴰ ⴰⵙ ⵉ ⴷⴷⴻⵄⵡⴻⵜ, ⵎⴰⵏ ⵡⴻⵏ ⵉ ⵜ ⵖⴰ ⵉⵙⵙⴱⴻⴷⴷⴻⵏ?11ⵎⴰⵖⴰⵔ ⵏⴻⵜⵜⴰ ⵉⵙⵙⴻⵏ ⵉⵖⴻⵛⵛⴰⵛⴻⵏ, ⵉⵜⵜⵡⴰⵍⴰ ⵍⵖⴻⵛⵛ ⴱⵍⴰ ⵎⴰ ⵜ ⵉⵃⴹⴰ.12ⵎⴰⵛⴰ ⵎⴰⵍⴰ ⴰⴱⵓⵀⴰⵍⵉ ⵉⵣⴻⵎⵎⴰⵔ ⴰⴷ ⵢⴰⴼ ⵍⴻⴼⵀⴰⵎⴻⵜ, ⵅⴻⵏⵏⵉ ⴰⵖⵢⵓⵍ ⵏ ⵍⴻⵅⵍⴰ ⵉⵣⴻⵎⵎⴰⵔ ⴰⴷ ⵉⴷⵡⴻⵍ ⴷ ⴱⵏⴰⴷⴻⵎ.
13ⵎⴰⵍⴰ ⵛⴻⴽ ⵜⵄⴻⴷⵍⴻⴷ ⵓⵍ ⵏⵏⴻⵛ, ⵅⴻⵏⵏⵉ ⴱⴻⵣⵣⴻⵄ ⵉⴼⴰⵙⵙⴻⵏ ⵏⵏⴻⵛ ⵖⴰⵔⴻⵙ.14ⵎⴰⵍⴰ ⵉⵔⵚⴻⵇ ⵍⵖⴻⵛⵛ ⵖⴰⵔ ⵓⴼⵓⵙ ⵏⵏⴻⵛ, ⵙⴰⴳⴳⵯⴻⵊ ⵉ-ⵜ, ⵡⴰⵔ ⵜⵜⴻⵊⵊⵉ ⴷⴷⴻⴵ ⴰⴷ ⵉⵣⴷⴻⵖ ⴷⵉ ⵜⵇⵉⴷⵓⵏⵉⵏ ⵏⵏⴻⵛ,15ⵎⴰⵖⴰⵔ ⵅⴻⵏⵏⵉ ⵜⵣⴻⵎⵎⴰⵔⴻⴷ ⴰⴷ ⵜⴻⵙⵙⴳⴻⵄⵄⴷⴻⴷ ⵓⴷⴻⵎ ⵏⵏⴻⵛ ⴱⵍⴰ ⵍⵄⵉⴱ, ⴰⴷ ⵜⴱⴻⴷⴷⴻⴷ ⵏⵉⵛⴰⵏ, ⵡⴰⵔ ⵜⵜⴻⴳⴳⵯⴻⴷⴻⴷ ⵛⴰ.
16ⵎⴰⵖⴰⵔ ⴰⴷ ⵜᵉⵜⵜⵓⴷ ⵍⴻⵖⴱⴻⵏ ⵏⵏⴻⵛ, ⵄⴻⵎⵎⴰⵔⵚ ⵡⴰⵔ ⴷⴰⵢⴻⵙ ⵜᵉⵜⵜⵅⴻⵎⵎⵉⵎⴻⴷ ⵄⴰⴷ ⴰⵎ ⵄⴻⵎⵎⴰⵔⵚ ⵡⴰⵔ ⵜᵉⵜⵜⵅⴻⵎⵎⵉⵎⴻⴷ ⵄⴰⴷ ⵖⴰⵔ ⵡⴰⵎⴰⵏ ⵉⵄⴷⵓⵏ.17ⴰⴱⵔⵉⴷ ⵏ ⵜⵓⴷⴰⵔⵜ ⵏⵏⴻⵛ ⴰⴷ ⵢⴰⵔⵖ ⵜⵉⵡⴰ ⵅ ⵟⵟⵃⴰ ⵏ ⵓⵣⵉⵍ, ⵡⴰⵅⵅⴰ ⴷⵉⵏ ⵜⴰⴵⴻⵙⵜ, ⴰⴷ ⵜⵉⵍⵉ ⴰⵎ ⵜⴻⴼⴼⵓⵜ.18ⴰⴷ ⵜⴰⵛⵉⴷ ⵉⵅⴻⴼ ⵏⵏⴻⵛ ⴷⵉ ⵍⴰⵎⴰⵏ, ⵎⵉⵏⵣⵉ ⴰⵇⴰ ⴷⵉⵏ ⵍⴰⵢⴰⵙ, ⴰⴷ ⵜⴻⵅⵣⴰⵔⴻⴷ ⴷⴻⴳ ⵡⴻⵏⵏⴻⴹ, ⴰⴷ ⵜᵉⵟⵟⵚⴻⴷ ⴷⵉ ⵍⵀⵓⴷⵏⴻⵜ.19ⴰⴷ ⵜⴻⵣⵣⵍⴻⴷ ⵏⵀⵍⴰ ⵛⴻⴽ ⵉⵙⵙⵏⴻⵅⵍⴻⵄ ⵓⵍⴰ ⴷ ⵉⵊⵊ, ⵓⵛⴰ ⴰⵟⵟⴰⵙ ⵉ ⵛⴻⴽ ⵉ ⵖⴰ ⵣⴰⵡⴳⴻⵏ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ.20ⵎⴰⵛⴰ ⵜⵉⵟⵟⴰⵡⵉⵏ ⵏ ⵉⵄⴻⴼⴼⴰⵏⴻⵏ ⴰⴷ ⴷⴷⴰⵔⵖⵍⴻⵏⵜ, ⵇⴰⵄ ⵜⴰⵔⴻⵡⵍⴰ ⴰⴷ ⴰⵙⴻⵏ ⵜⵡⴻⴷⴷⴰⵔ, ⴰⴷ ⵎⴻⵥⵔⴻⵏ ⴰⴷ ⴷⴻⵍⵇⴻⵏ ⵉ ⴱⵓⵃⴱⴻⵍ.
expand_more
Search