Read أَيُوبْ 11

أَيُوبْ11rif_ati

ڒْهَارْدْ أَمزْوَارُو ن صُوفَارْ

¹خنِّي يَارَّا-د صُوفَارْ، ونِّي د-يُوسِينْ زِي نَاعْمَا، إِنَّا:

²مَا أَذْ قِّيمنْ وَاطَّاسْ ن وَاوَاڒنْ بْڒَا ثَامْوَارِّيثْ، ؤُ مَا أَذْ غَارسْ يِيڒِي إِ يِيجّْ ن بُو-ؤُقمُّومْ ڒْحقّْ ڒبْذَا؟³مَا إِزمَّارْ ڒْهَارْذْ نّشْ أَذْ إِسّْغذْ إِوْذَانْ، أَڒَامِي ثْزمَّارذْ أَذْ ثسْثهْزِيذْ بْڒَا شكْ إِ غَا إِسّحْشمْ ؤُڒَا ذ إِجّْ؟⁴شكْ ثنِّيذْ: ’ثصْفَا ثْغُورِي إِنُو، أَقَا أَيِي ذ أَمزْذَاڭْ ذِي ثِيطَّاوِينْ نّشْ!‘⁵ؤُهْ، مْڒِي أَربِّي سِيمَانْثْ نّسْ إِسَّاوَاڒْ، مْڒِي يَارزّمْ إِينْشِيشنْ نّسْ قِيبَاتْشْ نّشْ.⁶مْڒِي نتَّا ذ أَشْ إِ غَا إِسّْشنْ ثِيمسْڒَايِينْ إِخمّْڒنْ ن ثِيغِيثْ، مَاغَارْ نِيثنْثِي سكّْوَانْثْ دُّوبلْ إِ ؤُفكِّي. سّنْ، أَقَا أَربِّي أَذْ إِتُّو أَطَّاسْ ن ڒْمُوعْصِييّثْ نّشْ ذِي ثِيزِي نّشْ.

⁷مَا ثْزمَّارذْ أَذْ ثْبقّْشذْ ذِي مُومُّو ن أَربِّي؟ مَا ثْزمَّارذْ أَذْ ثَاذْفذْ غَارْ ڒكْمَارثْ ن ؤُمْزمَّارْ خْ كُوڒْشِي؟⁸أَقَا-ثنْ ذِي ڒُوعْڒَاثْ ن ؤُجنَّا! مِينْ ثخْسذْ أَذْ ثڭّذْ عَاذْ؟ ثِيغِيثْ ثُودْجغْ خْ ڒَاخَارْثْ! مِينْ ثْزمَّارذْ أَذْ زَّايسْ ثسّْنذْ؟⁹ڒعْبَارْ نّسْ يُوعْڒَا أَطَّاسْ خْ ثمُّورْثْ، ثِيرُو نّسْ ثعْذُو أَطَّاسْ خْ ثْمِيرِيوْثْ ن ڒبْحَارْ.

¹⁰مَاڒَا إِعْذُو نتَّا، إِبلّعْ خْ شَا ن يِيجّنْ ؤُشَا إِڒَاغَا أَسْ إِ دّعْوثْ، مَانْ ونْ إِ ث غَا إِسّْبدّنْ؟¹¹مَاغَارْ نتَّا إِسّنْ إِغشَّاشنْ، إِتّْوَاڒَا ڒْغشّْ بْڒَا مَا ث إِحْضَا.¹²مَاشَا مَاڒَا أَبُوهَاڒِي إِزمَّارْ أَذْ يَافْ ڒفْهَامثْ، خنِّي أَغْيُوڒْ ن ڒخْڒَا إِزمَّارْ أَذْ إِذْوڒْ ذ بْنَاذمْ.

¹³مَاڒَا شكْ ثْعذْڒذْ ؤُڒْ نّشْ، خنِّي بزّعْ إِفَاسّنْ نّشْ غَارسْ.¹⁴مَاڒَا إِرْصقْ ڒْغشّْ غَارْ ؤُفُوسْ نّشْ، سَاڭّْوجْ إِ-ث، وَارْ تّجِّي دّدْجْ أَذْ إِزْذغْ ذِي ثْقِيذُونِينْ نّشْ،¹⁵مَاغَارْ خنِّي ثْزمَّارذْ أَذْ ثسّْڭعّْذذْ ؤُذمْ نّشْ بْڒَا ڒْعِيبْ، أَذْ ثْبدّذْ نِيشَانْ، وَارْ تّڭّْوذذْ شَا.

¹⁶مَاغَارْ أَذْ ثتُّوذْ ڒغْبنْ نّشْ، عمَّارْصْ وَارْ ذَايسْ ثتّْخمِّيمذْ عَاذْ أَمْ عمَّارْصْ وَارْ ثتّْخمِّيمذْ عَاذْ غَارْ وَامَانْ إِعْذُونْ.¹⁷أَبْرِيذْ ن ثُوذَارْثْ نّشْ أَذْ يَارْغْ ثِيوَا خْ طّْحَا ن ؤُزِيڒْ، وَاخَّا ذِينْ ثَادْجسْثْ، أَذْ ثِيڒِي أَمْ ثفُّوثْ.¹⁸أَذْ ثَاشِيذْ إِخفْ نّشْ ذِي ڒَامَانْ، مِينْزِي أَقَا ذِينْ ڒَايَاسْ، أَذْ ثخْزَارذْ ذڭْ ونّضْ، أَذْ ثطّْصذْ ذِي ڒْهُوذْنثْ.¹⁹أَذْ ثزّْڒذْ نْهْڒَا شكْ إِسّْنخْڒعْ ؤُڒَا ذ إِجّْ، ؤُشَا أَطَّاسْ إِ شكْ إِ غَا زَاوْڭنْ زَّاثْ إِ وُوذمْ نّشْ.²⁰مَاشَا ثِيطَّاوِينْ ن إِعفَّاننْ أَذْ دَّارْغْڒنْثْ، قَاعْ ثَاروْڒَا أَذْ أَسنْ ثْودَّارْ، أَذْ مژْرنْ أَذْ ذڒْقنْ إِ بُوحْبڒْ.

أَيُوبْ 11 / rif_ati

ڒْهَارْدْ أَمزْوَارُو ن صُوفَارْ

أَيُوبْ11rif_ati