Yoobu11bba_sim
1Sofɑɑ Nɑɑmɑɡii u Yoobu wisɑ u nɛɛ,2ɑ tɑmɑɑ wunɛn ɡɑri dɑbi nini kpuro nu ǹ koo wisibu wɑ?A tɑmɑɑ tɔnu u ko n sɑ̃ɑ ɡemɡii win ɡɑri yɛ̃run sɔ̃?3Wunɛn ɡɑri sɑɑri nini nu koo de tɔmbɑ kun nun ɡɑ̃ɑnu wisɑ?Kɑɑ yɑɑko ɡɑri ɡere ɡoo u kun nun tɑɑrɛ wɛ̃?4A ɡeruɑ ɑ nɛɛ, ye ɑ ɡeruɑ kpuro yɑ rɑ n sɑ̃ɑwɑ ɡem,ɑ mɑɑ dɛɛre Gusunɔn wuswɑɑɔ.5Nɑ rɑ n kĩwɑ Gusunɔ u nɔɔ wukiɑ,kpɑ u nun wisi.6U nun win bwisi bɛkɛn ɑsiri sɔ̃ɔsi,kpɑ ɑ ɡiɑ mɑ u ku rɑ nun sɛɛyɑsie nɡe mɛ̀n nɔɔ wunɛn torɑnu nɛ.7A tɑmɑɑ kɑɑ kpĩ ɑ Gusunɔn bwisikunu tubu?A tɑmɑɑ kɑɑ kpĩ ɑ wi, Dɑm kpuroɡii ɡiɑ mɑm mɑm?8Win yɛ̃ru tɑ wɔllu ɡunum kere.Ǹ n mɛn nɑ, mbɑ kɑɑ ko.Tɑ mɑɑ ɡɔribun wɑ̃ɑ yeru dukum kere.Ǹ n mɛn nɑ, mbɑ kɑɑ tubu mi.9Tɑ tem kpɑ̃ɑru kere,tɑ mɑɑ nim wɔ̃ku yɑsum kere.10Gusunɔ ù n sɑrɔ,mɑ u tɔn kɔ̃so mwɑ u kɑ dɑ siri yerɔ,wɑrɑ u koo nùn ye yinɑri.11Domi u tɔnu kɑm yɛ̃.U rɑ mɑɑ tɔn kɔ̃sobu tubu mii mii.12Adɑmɑ tɔnu u rɑ bwisikuwɑ nɡe ɡɑri bɔkɔ,domi bɑ nùn mɑrɑwɑ nɡe kɛtɛku ɡbeekun buu.13Yen sɔ̃, wunɛ, ɑ wunɛn ɡɔ̃ru wesio Yinni Gusunɔn mi ɡiɑ.Kpɑ ɑ nɔmɑ yiiyɑ ɑ nùn kɑnɑ.14A kɔ̃sɑ derio,kpɑ yɑ kun mɑɑ wɑ̃ɑ wunɛn yɛnuɔ.15Sɑɑ ye sɔɔrɑ kɑɑ wiru seeyɑ ɑ n dɛɛre.Kɑɑ n tɑ̃sɑ, kpɑ ɑ kun mɑɑ ɡɑ̃ɑnun bɛrum mɔ.16A ǹ mɑɑ wunɛn wɑhɑlɑ yeni yɑɑyɑmɔ,yɑ koo doonɑwɑ nɡe nim mɛ mu kokɑ.17Wunɛn wɑ̃ɑrɑ koo wurɑmɑwɑnɡe sɔ̃ɔ wii wɔllun sɔ̃ɔ.Kpɑ yɑm wɔ̃ku te tɑ rɑɑ nun wɑ̃ɑsi, tu ɡɔsiɑ yɑm bururɑm.18Kɑɑ n sɔ̃ kɑ toro sindu domi kɑɑ n yĩiyɔbu mɔ.Kpuro koo nun koorɑ dee dee kpɑ ɑ wɛ̃rɑ bɔri yɛndu sɔɔ.19À n kpĩ, ɡoo kun nun bɑɑsimɔ.Tɔmbu kpuro bɑ koo wunɛn nɔnu ɡeu kɑsu.20Adɑmɑ tɔn kɔ̃sobu bɑ koo nɔni swɑ̃ɑru wɑ.Bɑ ǹ kuku yeru wɑsi.Gɔɔ bɑɑsi, bɑ ǹ ko n mɑɑ ɡɑ̃ɑnu ɡɑnu yĩiyɔ.