Nzambi salaka ti mu butuka samu na kutala kaka mpasi
1Mu ke na kuzola dyaka ve luzingu ya munu,mu ke bika ve na kuyawula,mu ke basisa nyonso yina ke na kutalisa munu ntima mpasi.2Mu ke tuba na Nzambi: Kutala munu ve mutindu muntu me sala yimbi!Kasi zabisa munu na wapi dyambu nge ke na kusemba munu!3Nge ke na kutala mbote na kutalisa munu mpasi?Nge ke na kutala mbote na kusafula muntu yina nge yidikaka na maboko ya nge?Nge ke na kutala mbote ti nsemo kulezima na nyonso yina bantu ya yimbi ke salaka?4Nge ke na meso ya kimuntu?Nge ke talaka mutindu muntu yina ke kufwaka ke talaka?5Luzingu ya nge mpe kele nkufi mutindu luzingu ya muntu yina ke kufwaka?Bamvula ya nge mpe ke kwendaka nswalu mutindu bamvula ya muntu?6Samu ti nge kusosa na kuzaba yimbi yina mu me sala?Samu na yinki nge ke na kufyongonina masumu ya munu?7Nge zaba mbote ti mu me sala ve yimbi,mpe ti ata muntu lenda kukuula munu na maboko ya nge.8Nge yidikaka munu na maboko ya nge,maboko ya nge yidikaka munu nyonso,mpe nge zola kufwa munu!9Mulemvo ya nge, bambuka moyo ti, nge yidikaka munu na kibuma.Nge zola kuvutula munu mfundu-mfundu ya ntoto?10Mutindu ba ke bumbaka miliki na kati ya mbungu samu ti yawu kukangama,ni mutindu yina mpe nge yidikaka munu na kivumu ya mama ya munu.11Nge fukaka munu na musuni mpe na mpusu.Nge tungaka munu na mikwa mpe na misisa.12Nge pesaka munu luzingu mpe ngolo,nge kebaka luzingu ya munu na mbote nyonso.13Nge vwandaka bumba mansweki na ntima ya nge,ntangu yayi mu me bakula yina vwandaka dibanza ya nge.14Kana mu ke salaka masumu, nge ke talaka munu,mpe nge ke talaka munu ve mutindu muntu yina me sala ve yimbi.15Kana mu salaka yimbi, kyadi na munu!Kana mu kele muntu ya kudedama, mu ke lenda ve na kuvumbula yintu,mu kele ya kufuluka na nsoni mpe na mpasi.16Kana mu vumbula yintu, nge ke landa munu mutindu nkosi,mpe nge ke na kubika ve na kutalisa munu mpasi ya ngitukulu.17Nge ke na kufidisa munu kaka bampasi na bampasi,nkele ya nge ke na kulutila,binwani ya nge ke na kwizaka bankonga na bankonga, samu na kunwanisa munu.18Samu na yinki nge basisaka munu na kivumu ya mama ya munu?Kana mu kufwaka ya munu, ata muntu zolaka tala munu.19Mu zolaka vwanda mutindu muntu yina me zingaka ntete ve,mu zolaka katuka na kivumu ya mama ya munu mpe kuvutuka na ndyamu.20Bilumbu ya luzingu ya munu kele kaka ndambu ve? Yandi bika munu!Yandi kwenda ntama,samu ti mu kuzwa dyaka kibakala,21ntete mu kukwenda na kisika yina ba ke vutukaka ve,na yinsi ya kitombe mpe ya mpewo ya lufwa,22yinsi ya kufuluka na kitombe, kisika kele mpimpa ya kulutila,kisika ya mpewo ya lufwa, kisika kele mvwanzi,kisika nsemo kele mutindu kitombe ya kulutila!