እዮባ ማፃፋ10gof_etw
1ታና ዱስ ሻትስ!ሄሳ ግሾ፥ ታ ዙዙማናፐ አትሽን፥ ስእ ጊከ፤ታ ሸምፑዋ ሴላ ከሳና።2ታኒ ፆሳኮ ሀይሳዳ ጋና፤ታ ባላ ታዉ ኦዳፐ አትሽን፥ ታ ቦላ ፕርዶፋ።3ኔኒ ኢታታ ቆፋ ኡፋይሳን ኤካሸ፥ታና ኡንኤናዉ በሲ?ነ ኩሸን መዳ ኡራ ካይስ ዎጌ?4ነ አይፈይ አሳ አይፈ መለዬ?ኔኒ አስ ፄለይሳዳ ፄላዬ?5ነ ደኦ ላይይ አሳ ደኦ ላይ መለዬ?6ያትን፥ ታ ባላ አይስ ኮያይ?ታ ናጋራ አይስ ካላይ?7ታኒ ባላ ግዶናይሳነነ ኩሸፐ ታና ኦንካ አሻናዉ ዳንዳኦናይሳ ነ ኤራሳ።8ታና ነ ኩሸይ ጊግስድ መስ፤ሽን ሀእ ሄ ኩሸይ ስሚድ ታና መንስ።9ኔኒ ታና ቢታፈ መዳይሳ ሀሳያያትን፥ ሀእ ታና ዛራዳ ባና ኦናዉ ኮያይ?10ታና ማዳ ታ አየ ኡሎን ትግዳይነመቃ ማዳ እርክስዳይ ነና ግድኪ?11ኔኒ ታና አሾነ ጎጋ ማይዛዳሳ፤ሻያንነ መቀን ዋፃዳሳ።12ኔኒ ታዉ ደኦነ መርና ሲቆ እማዳሳ፤ነ ናጎይ ታና ፓፃ ዎስ።13ሽን ኔኒ ሄ ዎደፐ ዶማዳ ነ ዎዛናንታና ቆሀናዉ ቆፓዳ ደኤይሳ ታ ኤራይስ።14ታ ናቁዋ ነ በኣሳ፤ታ ናጋራ ኦኮ ሴሮና አካ።15ታኒ ባልኮካ ታና አየ!ታ ፅሎ ግድኮካ ጬቀታናዉ ዳንዳእከ።ነ ታና ዬላ ማይዛዳሳ፤ዋየን ዎዳሳ።16ታ ኦቶርኮ ታና ጋሞዳ ሻንካታዳ ኦይካሳ፤ታና ቆሀናዉ ነ ማላልስያ ዎልቃ ዛራ ዛራ በሳሳ።17ኔኒ ታ ቦላ ኦራ ማርካታ ኤሃሳ፤ነ ሀንቁዋ ታ ቦላ ዳርሳሳ፤ታና ኦላናዉ ኦራ ኦላንቾታ ጊግሳሳ።18ያትን፥ ታና ታ አየ ኡሎፐ አይስ ከሳዲ?ኦንካ ታና በኦና ሀይቅዳኮ ታው ሎኦሽን!19ታኒ መቶና አትዳኮ፥ዎይኮ ታ አየ ኡሎፐ ከያሸ ዱፎ ገልዳኮ ሎኦሽን!20ታ ጉ ደኦ ላይይ ዉሬስ ግደነዬ?ሀ ጉ ላይን ኡፋይታና መላ ታና አጋርክ!21ታ ስሞና በሳ ቦና ደእሽን፥ሌልዳ ማ ቢታ ጋኮና ደእሽን፥22እያ ፖኦይ ማ ግድዳ በሳነ ሀይቆይ ካዎትዳ በሳ፥ማር ባይና በሳነ ሌልዳ ማ ቢታ ቦና ደእሽን፥ታና አጋርክ!”