1[Amimäta im phähphäha cit bekie. Acunüng pi, Jesuh cun Olip Mcunga kaiki.2Ngawilama Templea law be se, khyang naküt a veia lawkie. Acunüng, Jesuh naw ngaw lü jah mtheiki.3Thum mthei he ja Pharisee naw nghnumi mat kpami am bäühmaki xawi lawpüi u lü; avana maa ami ngdüihsak.4Jesuha veia, â Saja aw, hina nghnumi kpami am ani bäühma kâ um bäbä üng ami mana kyaki.5â Mi Thum üng, Mosi naw hina mäih cun lung am vawi ngen vaia ngthu a mkhyah. Nang naw ihawkba na ngaiki ni?â ami ti.6Acuna ngthu cun Jesuh mhnüteinaka, a mkhyenak ami suinaka ami kthäha kyaki. Acunsepi Jesuh naw ngmüm lü, a kut mdawng am mdek üng kca yuki.7Kthäh laihlaih u se, ngkyäk law be lü, â Nangmi üng am mkhyekat khawikia khyang naw akcüka lung am vawi se,âa ti.8Acunüng, ngmüm betü lü a kut mdawng am mdek üng yuk betüki.9A pyen ami ngjak üng, amimäta mkhyenake ksing law u lü, axü säih üngka naw akdik säih cäpa mat cia khyük be päihkie. Acunüng Jesuh amät däk ve se, nghnumi anglung üng a venak kung üng veki.10Jesuh naw a ngmümnak üngkhyüh ngkyäk law be lü, nghnumi amät däk ve se a hmu üng, â Nghnumi aw, hawia ni ami ve u? Ning mkatei khai u pi am ve se mä?âa ti.11Nghnumi naw, â Bawipa aw, u naw am na mkat ve,â a ti. Jesuh naw, â Kei naw pi am ning mkat veng; cit be lü tuh üngkhyüh ta käh mkhyekat ti kawpi,âa ti.]
Jesuh cun khawmdeka akvai
12Jesuh naw ami veia ngthu pyen be lü, â Kei cun khawmdeka kvaia ka kyaki. Ka hnu läki naküt cun nghmüpa k'um üng käh xünsei ti lü, xünnaka kvai yahei khaieâa ti.13Pharisee naw, â Namäta mawng na pyenki, na pyen am cang ve,â ami ti.14Jesuh naw, â Kamäta ngthu ka pyen üngpi ka pyen cangki. Isenitiüng, kei naw ka lawnak ja ka cehnak vai ka ksingeiki. Nangmi naw ka lawnak ja ka cehnak vai am ksing uki.15â Nangmi naw nghngicim thum üng ngthu nami mkhyah khawiki, kei naw u am mtai pet nawng.16â Kei naw ngthu ka mkhyah üngpi ka ngthumkhyah cang khai. Isetiakyaküng, kei kamät däk am ni. Na tüih lawki Pa kei üng a ngpüia phäh ni.17â Nami Thum üng, â Ai pi cangki ti ksing vaia saksi nghngih hlüki,âti lü, ngâ yuki.18â Kei kamäta ngthu ka saksiki, Pa na tüih lawki naw pi ka mawng saksiki,âti lü a jah msang.19Acunkäna amimi naw, â Na Pa hawia ni?â ti lü ami kthäh. Jesuh naw, â Nangmi naw kei am na ksing uki, ka Pa pi am ksing uki. Kei nami na ksing üng ka Pa pi nami ksing khai,âa ti.20Acuna ngthu cun Temple k'uma khawthem petnaka hnüna a jah mtheia kyaki. Cunsepi u naw pi akcün am küm law hamkia kyase am man u.
Ka cehnak vaia am cit khawh uki
21Jesuh naw, â Kei naw akcea ka ning jah ceh ta khai; nangmi naw nami na sui hü khaie. Cunüngpi nami mkhyekatnake üng nami thi khaie. Ka cehnaka am cit thei uki,âti lü, a jah mtheh.22Judah ngvaie naw, â â Ka cehnaka am cit thei uki,âa ti hin amät nghnimei hlü bang se,â ami ti.23Jesuh naw, â Nangmi ta khawmdek üng nami sängeiki, kei ta khan üngkhyüh ka lawki. Nangmi cun hina khawmdek üngkhyüh nami ngtüi lawkia kya lü, kei ta khawmdek üng am sängei ve ngü.24â Acunakyase, â Nami mkhyekatnake üng nami thi khaiâ ka ti ni. â Kei cun Ania Ka Kyakiâ ti am nami jum üng nami mkhyekatnake üng nami thi kcang khai,âa ti.25Amimi naw, â Nang u ni?â ti u se, Jesuh naw â Akcüka nami veia ka pyen khawi cen,26nangmia phäha ka pyen vai ja, ka ning jah mkatnak vai khawhah veki. Na tüih lawki cun ngthungtak üng kümceiki; ani üngkhyüh ka ngjak naküt khawmdek üng ka mtheh khawiki,âti lü a jah msang be.27Jesuh naw ami veia a pyena Paa mawng cun am ngjakkya u.28Acunakyase, Jesuh naw, â Khyanga Capa nami taih käna, â â Kei cun Ania Ka Kyakiâ ti nami ksing law khai. Acun käna, kei naw kamäta ngjak hlüa i am pawh lü, Pa naw a na mtheha mäih cia hina ngthu ka pyenki ti nami ksing law khai.29â Na tüih lawki kei üng atänga veki. Kamätca am na hawih. Isetiakyaküng, aläa ania ngjak hlüa ka pawhmsaha phäh kyaki,âti lü a pyen.30Acuna ngthu a pyen ngjakia khyang khawhah naw jumkie.
Mpya üngkhyüh lätnak
31Jesuh naw jumeiki Judahea veia, â Ka ngthu pyen nami ngjak üng, ka xüisawea nami kya kcang khai.32â Ngthungtak nami ksing üng, ngthungtak naw ning jah lätsak khai,âa ti.33Amimi naw, â Abrahama mjüa kami kyaki, tuh vei cäpa usüma mpyaa am thawn khawi u nawng, â Lätlangnak nami yah khaiâ ti hin, i na tinak ni?â ti lü ami kthäh betü.34Jesuh naw, â Akcanga ka ning jah mthehki: mkhyekatnak pawhki naküt cun mkhyenaka mpyaa kyaki.35â Mpya cun ima asäng ni a ve khawi; capa ta angläta ima ve khawiki.36â Acunakyase, Capa naw mpya üngkhyüh a ning jah mhlät üng, nami lät kcang khaie.37â Abrahama mjüa nami kyaki ti ka ksingki. Acunsepi, na hnim khaia nami bü hin, keia mtheimthangnak am nami dodangeia phäha kyaki.38â Ka Paa na mhnuh naküt ka pyenki. Acunüng pi nangmi naw nami paa ning jah mtheh nami pawhkieâa ti.39Amimi naw, â Keimia pa ta Abrahamâ ami ti. Jesuh naw, â Abrahama caea nami kya üng Abrahama a awmiha mäiha nami awmih khai sü.40â Pamhnama veia ngthungtak ka ngjak naküt ning jah mtheh ngü se, nami na hnim hlüki. Abraham ahikba am ve khawi naw.41â Nangmi hin nami paa vea mäiha nami awmki he ni,âa ti. Amimi naw, â Pamhnam däk ni kami pa, ania jah ca kcang ni,â ami ti.42Jesuh naw, â Pamhnam nami Pa ani üng nami na mhläkphya na khai sü; Pamhnam üngka naw va ka lawki, kamäta ngaiha ka lawkia am ni, ani naw a na tüih law ni.43â Ise ka pyena suilam am nami ngjakyaki he ni? Ka ngthu pyen am nami ngaih hlüa phäh, am nami ngjakkya u ni.44â Nangmi cun nami pa Khawyama canaa nami kyaka phäh, nami paa ngjak hlü bi vai ni nami mlung ngaih. Khawyam cun akcüka khyüh khyang kâ hnima kyaki. Ngthungtak am vekia kyase, ngthungtak üng am xüngsei. A ngthuei üngpi, hleihlak lü hleihlaknaka pa a thawna phäh, amät am ngkäki va anaküt biloki.45â Ngthungtak ka pyena phäh, nangmi naw am nami na jumki.46â Ka mkhyekatnak mdang thei khai u nami veki ni? Ngthungtak ka pyen üng nangmi naw ise am nami na jumkie ni?47â Pamhnam üngkhyüh ngtüiki naw Pamhnama ngthu ngai khawiki, nangmi cun Pamhnam üngkhyüh am nami ngtüikia kyase Pamhnama ngthu am nami ngaiki,âa ti.
Jesuh ja Abraham
48Judahe naw, â Nang Samarih khyang, khawyaia venaka kya veki kami ti hin am kami cangki aw?â ami ti.49Jesuh naw, â Khawyaia venaka am kya nawng. Ka Pa ka leisawngki, cunüng pi nangmi naw am na leisawng ve uki.50â Kei naw ta kamät ami na leisawngnak vai am sui veng; acun suihjap lü keia phäh cijangki mat veki.51â Akcanga ka ning jah mthehki: ka ngthu ngaiki naküt isüm käh thi khai,âa ti.52Judahe naw, â Khawyaia venaka na kyak hman tuh ni kami ksing ve u. Abraham ja sahma he pi thi päng u se, nang naw â Na ngthu ngaiki naküt isüm käh thi khaiâ ti veki.53â Kami pu, Abraham kthaka na däm bawki aw? Ani pi thi pängki, sahma he pi thi pängki he . Namät hin ua na ngaieiki ni?â ami ti.54Jesuh naw, â Kamät ka mhlünmtaiei üng, ia käh ka mawng khai. â Kami Pamhnam,â nami tia, ka Pa naw na mhlünmtaiki ni.55â Nangmi naw ani am ksing khawi uki. Cunüng pi, kei naw ta ani ka ksingki. â Ani am ksing nawngâ ka ti üng nangmia mäiha ka hleihlak hngakia kya khai. Acunakyase, ani ksing lü, a mtheh ka ngjaki.56â Nami pa Abraham naw, ka law vaia khawmhnüp a hmuh vaia phäh jekyaiki. Acunüng, hmu law lü je khütki,âti lü, a jah msang.57Judahe naw, â Na kum mhmakip pi am law ham lü, Abraham na hmuki pängki aw?â ami ti.58Jesuh naw, â Akcanga ka ning jah mthehki: Abraham am a ve ham üng, ka veki,âa ti.59Ami vawihnak vaia lung jah loei u se, Jesuh cun ngthup lü, Temple üngkhyüh akcea citki.